ព័ត៌មានជាតិ

សមាជិកក្រុមប្រឹក្សាឃុំណាំតៅម្នាក់ បានធ្លាក់ពីលើដើមដូង បណ្តាលឲ្យស្លាប់ភ្លាមៗ

បានផុស

៤ years មុន

នៅ

ថ្ងៃសៅរ៍ ១៥ ឧសភា ២០២១

ដោយ

សមាជិកក្រុមប្រឹក្សាឃុំណាំតៅម្នាក់ បានបាត់បង់ជីវិតខណៈឡើងដើមដូងធ្លាក់ កម្ពស់ជិត១០ម៉ែត្រ នៅវេលាម៉ោង៥និង២០នាទីល្ងាចថ្ងៃទី១៤ ខែឧសភា ឆ្នាំ២០២១ នៅភូមិកន្ទួត ឃុំណាំតៅ ស្រុកភ្នំស្រុក ខេត្តបន្ទាយមានជ័យ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ឯក យ៉ត សុផល អធិការនគរបាលស្រុកភ្នំស្រុក បានឲ្យដឹងថា ជនរងគ្រោះឈ្មោះ សូ ហុញ ភេទប្រុស អាយុ៤០ឆ្នាំ នៅភូមិកន្ទួត ឃុំណាំតៅ ស្រុកភ្នំស្រុក ខេត្តបន្ទាយមានជ័យ មុខងារជាសមាជិកក្រុមប្រឹក្សាឃុំណាំតៅ។ លោកបានបញ្ជាក់ឲ្យដឹងបន្តទៀតថា នៅមុនពេលកើតហេតុជនរងគ្រោះ បានមកពីផ្ទះរបស់ខ្លួនជិះម៉ូតូមកផ្ទះឪពុក ដើម្បីឡើងកាប់ដើមដូង ជនរងគ្រោះបានកាន់កាំបិតខ្វែវ ពេលដល់កដូង បានទាញធាងដូងដែលងាប់ទម្លាក់មកដីយកផ្លូវឡើង ក៏ស្រាប់តែធាងដូងដែលងាប់របេះ ជនរងគ្រោះក៏របូតដៃដែលអោបដើមដូងនោះ ធ្លាក់មកជាមួយត្រូវនឹងរបងព្រំដី មួយកន្លែងចំដើមទ្រូងនិងមួយកន្លែងទៀត ត្រូវសៀតផ្កាស្លាប់ភ្លាមៗនៅនឹងកន្លែង។ ក្រោយពីកើតហេតុហើយសព ត្រូវបានក្រុមគ្រួសារចាត់ចែងធ្វើបុណ្យតាមប្រពៃណី៕