ពន្យារពេលការប្រកួតកីឡាទ្រីយ៉ាត្លុងជើងឯកថ្នាក់ជាតិនៅខេត្តកែប ​
Connect with us
Helistar Cambodia - Helicopter Charter Services

ព័ត៌មានជាតិ

ពន្យារពេលការប្រកួតកីឡាទ្រីយ៉ាត្លុងជើងឯកថ្នាក់ជាតិនៅខេត្តកែប ​

Published

on

សហព័ន្ធ​កីឡា​ទ្រីយ៉ាត្លុង​កម្ពុជា​ ប្រកាស​ពន្យារ​ពេល​នៃការប្រកួតកីឡាទ្រី យ៉ាត្លុង ជ្រើសរើសជើង​ឯកថ្នាក់​ជាតិ​ឆ្នាំ ២០២០​ នៅខេត្តកែប ដែលគ្រោងធ្វើនាចុងខែវិច្ឆិកានេះ ត្រូវបានលើកពេលទៅ​ប្រកួតនាអំឡុង​ពាក់​កណ្តលខែធ្នូ ឆ្នាំ២០​២០វិញ ដោយសារតែអនុវត្តតាមការណែ​នាំរបស់ក្រសួងអប់រំ យុវជន និងកីឡា និងក្រសួងសុខាភិបាល ​បញ្ចប់ព្រឹត្តិការណ៍៣វិច្ឆិកា។

លោក ងិន សុខបញ្ញា អគ្គលេខាធិការសហព័ន្ធកីឡាទ្រីយ៉ាត្លុងកម្ពុជា បញ្ជាក់ថា ការលើកពេលនេះ គឺ​ដោយ​សារតែ​សហ​ព័ន្ធកីឡាទ្រីយ៉ាត្លុងកម្ពុជា អនុវត្តតាមវិធា​នការការពារជំងឺកូវីដ-១៩ ឲ្យបានខ្ជាប់ខ្ជួន​បំផុត ដើម្បីទប់ស្កាត់ការឆ្លង​រាល​ដាល នៃជំងឺកូវីដ-១៩ ក៏ដូចជារួមគ្នាបញ្ចប់ព្រឹត្តិការ​ណ៍៣វិច្ឆិកា។

អគ្គលេខាធិការរូបនេះ បន្ថែមថា សហ​ព័ន្ធគ្រោង នឹងរៀបចំការប្រកួតជើងឯកថ្នាក់ជាតិ ដោយកំណត់​ចំនួន​កីឡាករ កីឡាការិនី ចូលរួមមានចំនួនតិចជាងឆ្នាំមុនៗ ប៉ុន្តែជា​កីឡាករ កីឡា​ការិនី ដែលមាន​សមត្ថភាព​ខ្ពស់​ៗ។ លោកបញ្ជាក់ទៀតថា ការកំណត់ចំនួនបែបនេះ គឺយើងចង់បានគុណភាព ព្រោះពេលវេលាកាន់ តែខើច​សម្រាប់គោលដៅឆ្ពោះទៅចូលរួមប្រកួតប្រជែង ក្នុងស៊ីហ្គេម លើកទី៣១ នាខែវិច្ឆិកា ឆ្នាំ២០២១ នៅប្រទេសវៀត​ណាម និងស៊ីហ្គេម លើកទី៣២ ឆ្នាំ២០​២៣ ដែលកម្ពុជា ទទួលរៀបចំធ្វើម្ចាស់ផ្ទះ។ 

លោក ងិន សុខបញ្ញា បន្ថែម​ថា សម្រាប់​ការ​ប្រកួតជើងឯកថ្នាក់ជាតិឆ្នាំនេះ សហ​ព័ន្ធនឹងផ្តល់ឱកាស​ជូន​ដល់​លោកគ្រូ អ្នក គ្រូជាគ្រូបង្វឹក ដែលបានឆ្លងកាត់វគ្គបណ្តុះបណ្តាលនៅខេត្តកែប កាលពីខែតុលា ឆ្នាំ២០​២០ ឲ្យចូលរួមជួយរៀបចំការប្រកួតឲ្យទទួលបាន​បទពិសោធន៍​កាន់តែល្អប្រសើរបន្ថែមទៀត ជាពិសេស​គឺឲ្យ​គ្រូបង្វឹកនៅខេត្តកែបទាំងនោះ ទទួល​បាន​ជំនាញ​សម្រាប់​ការ​ទទួល​រៀប​ចំធ្វើជាម្ចាស់ផ្ទះស៊ីហ្គេម​លើក​ទី​៣២ ឆ្នាំ២០២៣ ដែលគណៈកម្មាធិការជាតិរៀបចំការប្រកួតកីឡាអាស៊ីអាគ្នេយ៍ លើកទី៣២ ឆ្នាំ ២០​២៣​ (CAMSOC) បានកំណត់ឲ្យប្រភេទកីឡាទ្រីយ៉ាត្លុងនេះ រៀបចំនៅខេត្តកែបនេះតែម្តង ដែលជា​ខេត្ត​មួយនេះអំ​ណោយផលល្អដល់វិស័យកីឡាទ្រីយ៉ាត្លុង ដែលត្រូវហែលទឹក ជិះកង់ និងរត់៕

អត្ថបទ ៖ វិសិទ្ធ
 

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ7 hours ago

ក្រសួង​សុខាភិបាល​ផ្អាក​ការ​ចាក់​វ៉ាក់សាំង AstraZeneca​ ជូន​ពលរដ្ឋ​អាយុ៦០ឆ្នាំ​បណ្តោះអាសន្ន​ ដើម្បី​សម្រួល​មក​ចាក់​តាម​ថ្ងៃ​វិញ

ព័ត៌មានជាតិ11 hours ago

ថ្ងៃនេះ​រក​ឃើញ​អ្នក​ពាក់ព័ន្ធ​៤០០នាក់ ជាមួយ​ជនជាតិចិន​ដែល​ឆ្លង​កូ​វីដ​១៩​នៅ​ខេត្តកោះកុង​

ព័ត៌មានជាតិ12 hours ago

ពលរដ្ឋ​ផ្អើល​នាំគ្នា​ទៅ​មើល​បាតុភូត​ចម្លែក​ទឹកធ្លាក់​ពីលើ​មែកឈើ​មិន​ឈប់​នៅ​វត្ត​ត្បូង​

ព័ត៌មានជាតិ12 hours ago

លោក ហ៊ុន ម៉ា​ណែ​ត ចុះ​ត្រួត​ពិនិត្យ​សកម្មភាព​ហ្វឹកហ្វឺន​កង​កម្លាំង​ត្រៀម​ចូលរួម​ទប់ស្កាត់​ការរីក​រាលដាល​នៃ​ជំងឺ​កូ​វីដ​-១៩

ព័ត៌មានជាតិ13 hours ago

មកលេង​ផ្ទះ​២​ថ្ងៃ​នៅ​តាកែវ ត្រឡប់​ទៅ​កំពង់សោម​វិញ ធ្វើតេស្ត​ឃើញ​វិជ្ជមាន​កូ​វីដ​-១៩

Sokha Hotels

ព័ត៌មានពេញនិយម

Helistar Cambodia - Helicopter Charter Services