កីឡា

U-23 បន្តការប្រកួតទី ២ ជួបសិង្ហបុរី ខណៈកីឡាករឃីកបុកស៊ីង ប្រកួតវគ្គពាក់កណ្ដាលផ្ដាច់ព្រ័ត្រ

បានផុស

៤ years មុន

នៅ

ថ្ងៃពុធ ១១ ឧសភា ២០២២

ដោយ

ក្រុមជម្រើសជាតិកម្ពុជាអាយុក្រោម ២៣ ឆ្នាំ នឹងធ្វើការប្រកួតទី ២ របស់ខ្លួនក្នុងពូល B នៃព្រឹត្តិការណ៍កីឡាស៊ីហ្គេម លើកទី ៣១ នៅប្រទេសវៀតណាម ដោយត្រូវជួប U-23 សិង្ហបុរី ខណៈកីឡាឃីកបុកស៊ីង វិញក៏មាន ១ ប្រកួតផងដែរនៅថ្ងៃនេះ។

U-23 កម្ពុជា នឹងជួប U-23 សិង្ហបុរី នៅវេលាម៉ោង ៤:០០ រសៀល ដោយការប្រកួតធ្វើឡើងនៅកីឡដ្ឋាន Thien Truong។ ខណៈនៅមុនការប្រកួត កម្ពុជាហាក់មានប្រៀបជាងបន្តិច ដោយសារកម្ពុជា បានឈ្នះឡាវ ៤-១ គ្រាដែលសិង្ហបុរី បានត្រឹមស្មើជាមួយឡាវ ២-២ ខណៈគេក៏ទើបតែប្រកួតចាញ់ ថៃ ៥-០ ផងដែរ។ យ៉ាងណាមិញទោះធ្វើពុំសូវបានល្អ គ្រូបង្វឹករបស់សិង្ហបុរី លោក Nazir Zasir ក៏បានកូនក្រុមរបស់លោកថា ពួកគេនៅតែកំពុងស្ថិតនៅក្នុងព្រឹត្តិការណ៍នេះដដែល ជាពិសេសនៅសល់ ២ ប្រកួតទៀត ក្នុងនោះ ១ ប្រកួតទល់នឹងកម្ពុជា ផ្ទាល់តែម្ដង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដោយឡែកកីឡាឃីកបុកស៊ីងវិញ ថ្ងៃនេះកម្ពុជាមាន ១ ប្រកួតទៀតផងដែរ ក្នុងវគ្គពាក់កណ្ដាលផ្ដាច់ព្រ័ត្រ បន្ទាប់ពីជោគជ័យ ៣ នាក់ក្នុងចំណោម ៤ នាក់កាលពីម្សិលមិញ។ សម្រាប់ថ្ងៃនេះ គឺកីឡាករ ឈឿង ល្វៃ ត្រូវប្រកួតជាមួយកីឡាករហ្វីលីពីន ក្នុងប្រភេទទម្ងន់ ៧១ គីឡូក្រាម នៅវេលាម៉ោង ៧:៣៥ យប់។

បើសិនជា ឈឿង ល្វៃ បានឡើងទៅវគ្គផ្ដាច់ព្រ័ត្រ នោះគេនឹងក្លាយជាកីឡាករកម្ពុជា ទី ៤ បានឡើងវគ្គផ្តាច់ព្រ័ត្រដណ្ដើមមេដាយមាស ជាមួយកីឡាករ ទូច រ៉ាឆាន់, កាន់ ម៉េងហុង, លន់ បញ្ញា ដែលបានឡើងកាលពីម្សិលមិញ៕

អត្ថបទ៖ មន្នីរ័ត្ន

Related Topics:ប្រកួតកីឡា

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា