កីឡា
លោក Conor Nestor រីករាយជាមួយសមិទ្ធផលដទៃទៀត ក្នុងជំនួបមិត្តភាពអន្តរជាតិ នៅប្រទេសម៉ាឡេស៊ី
ក្លិបបាល់ទាត់ព្រះខ័នរាជស្វាយរៀង បានប្រកួតឈ្នះ ក្លិប UiTM FC ដោយលទ្ធផល ១-០ នៅក្នុងជំនួបមិត្តភាពអន្តរជាតិកម្ដៅសាច់ដុំ នាប្រទេសម៉ាឡេស៊ី កាលពីម្សិលមិញ។ ខណៈ លោក Conor Nestor រីករាយជាមួយសមិទ្ធផលដទៃទៀតនៅទីនោះ។
ឆ្លើយឆ្លងពីប្រទេសម៉ាឡេស៊ី លោក Conor Nestor បានប្រាប់ ‘កម្ពុជាថ្មី’ ថា៖ «ខ្ញុំសប្បាយចិត្តខ្លាំងណាស់សម្រាប់ក្លិបរបស់យើង ដែលយើងបានលេងនៅម៉ាឡេស៊ី ៥ ដងហើយ ហើយឈ្នះគ្រប់ការប្រកួត។ សង្ឃឹមថាយើងអាចប្រើវា ដើម្បីកសាងទំនុកចិត្តសម្រាប់ការប្រកួតនៅក្រៅប្រទេសនាពេលអនាគត។»
«យើងត្រូវធ្វើឱ្យប្រសើរឡើងនូវកម្រិតកាយសម្បទារបស់កីឡាករមួយចំនួនរបស់យើង ដែលកំពុងនៅជាមួយក្រុមជម្រើសជាតិ ដើម្បីប្រមូលកាយសម្បទាពួកគេឡើងវិញទៅក្នុងកម្រិតនៃកម្លាំងរបស់យើង។ ប៉ុន្តែឥឡូវនេះ យើងពិតជាសប្បាយចិត្តជាមួយអ្នករាល់គ្នា។» គ្រូបង្វឹកសញ្ជាតិអៀរឡង់ខាងជើងរូបនេះបានបន្ថែម។
ជុំវិញការប្រកួតនៅជុំទី ២ នៃខេមបូឌានព្រីមៀរលីគ លោក Conor Nestor បានឱ្យដឹងថា៖ «ជុំទី ២ នឹងកាន់តែតានតឹងជាងមុន ដោយសារក្រុមភាគច្រើនកំពុងមានភាពប្រសើរដូចគ្នា។ ដូច្នេះ យើងក៏ត្រូវកែលម្អបន្តទៀតផងដែរ។»
គួរដឹងដែរថា ព្រះខ័នរាជស្វាយរៀង ក្នុងដំណើប្រកួតមិត្តភាពអន្តរជាតិកម្ដៅសាច់ដុំ នៅប្រទេសម៉ាឡេស៊ី ធ្វើបានយ៉ាងល្អ ដោយឈ្នះទាំងពីរប្រកួត ពោលគឺកាលពីថ្ងៃទី ១០ បានយកឈ្នះ ក្លិប Petaling Jaya City FC ដោយលទ្ធផល ១-០ និងថ្ងៃទី ១៣ បានយកឈ្នះ UiTM FC ដោយលទ្ធផល ១-០ ដូចគ្នា។
ក្រុមមានមូលដ្ឋាននៅខេត្តស្វាយរៀង នឹងធ្វើដំណើរត្រលប់មកកម្ពុជា វិញនៅថ្ងៃស្អែកផងដែរ៕
អត្ថបទ៖ មន្នីរ័ត្ន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ