ព័ត៌មានជាតិ
អភិបាលខណ្ឌឬស្សីកែវ ចុះរដ្ឋបាលតាមដងទន្លេសាប មុនឱសានវាតរបស់សាលារាជធានី
លោក ជា ពិសី អភិបាលខណ្ឌឬស្សីកែវ ដឹកនាំមន្ត្រីចម្រុះចុះរដ្ឋបាលតាមដងទន្លេសាប មុនឱសានវាតនៃសេចក្តីជូនដំណឹងរបស់សាលារាជធានីភ្នំពេញមកដល់ ដែលឲ្យពលរដ្ឋរស់នៅលើបែចិញ្ចឹមត្រីនិងសំណង់មិនរៀបរយនៅតាមដងទន្លេ ក្នុងភូមិសាស្ត្រខណ្ឌឫស្សីកែវ រុះរើចេញ ។
ការចុះរដ្ឋបាលនេះ ធ្វើឡើងនៅព្រឹកថ្ងៃទី៦ ខែមិថុនា ឆ្នាំ២០២១ នៅតាមដងទន្លេសាប ចាប់ពីស្ពានជ្រោយចង្វារ ដល់ស្ពានលីយ៉ុងផាត់ ក្នុងទឹកដីខណ្ឌឫស្សីកែវ ។
លោក ជា ពិសី អភិបាលខណ្ឌឫស្សីកែវ បានមានប្រសាសន៍ប្រាប់កម្ពុជាថ្មីនៅព្រឹកថ្ងៃទី៦ ខែមិថុនាថា យើងចុះរដ្ឋបាលពេលនេះ គឺតាមស្មារតីសេចក្តីជូនដំណឹងរបស់សាលារាជធានីភ្នំពេញ ចុះថ្ងៃទី២ខែមិថុនា ឆ្នាំ២០២១ ដែលជូនដំណឹងឲ្យពលរដ្ឋរុះរើ ឬចល័តបែចិញ្ចឹមត្រី ផ្ទះបណ្តែតទឹក ផ្ទះទូកតូចៗ និងសំណង់មិនរៀបរយលើផ្ទៃទន្លេនៅភូមិសាស្ត្ររាជធានីភ្នំពេញ ដែលតម្រូវឲ្យចេញឲ្យអស់ដោយទុករយៈពេល៧ថ្ងៃ ចាប់ពីថ្ងៃទី២ ខែមិថុនាតទៅ ។ លោកបន្តថា ការសម្រេចបែបនេះ គឺដើម្បីរក្សាបរិស្ថាន ជីវៈចម្រុះ គុណភាពទឹក និងលុបបំបាត់ភាពអសកម្មនានា ។
សូមបញ្ជាក់ថា កាលពីទី២ ខែមិថុនា ឆ្មាំ២០២១ សាលារាជធានីភ្នំពេញបានចេញសេចក្តីជូនដំណឹងឲ្យពលរដ្ឋដែលរស់នៅតាមដងទន្លេសាប រុះរើ ឬចល័តបែចិញ្ចឹមត្រី ផ្ទះបណ្តែតទឹក ផ្ទះទូកតូចៗ និងសំណង់មិនរៀបរយលើផ្ទៃទន្លេនៅភូមិសាស្ត្ររាជធានីភ្នំពេញ ដែលតម្រូវឲ្យចេញឲ្យអស់ដោយទុករយៈពេល៧ថ្ងៃ ចាប់ពីថ្ងៃចុះហត្ថលេខាតទៅ ។ ផុតរយៈពេលនេះ រដ្ឋបាលរាជធានីភ្នំពេញ នឹងចាត់វិធានការរដ្ឋបាលដោយពុំទទួលខុសត្រូវរាល់ការខូចខាត ឬបាត់បង់ណាមួយឡើយ ហើយបើមានករណីរឹងរូស អាជ្ញាធរមូលដ្ឋាននិងមន្ត្រីជំនាញនឹងកសាងសំណុំរឿងបញ្ជូននទៅតុលាការចាត់ការតាមច្បាប់ ៕
អត្ថបទ ៖ ឌីរៀ
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)