កីឡា

Kroos ប្រាប់ថា មួយឬពីរខែទៀតនឹងសម្រេចពីអនាគតជាមួយ Real Madrid

បានផុស

៣ ខែ មុន

នៅ

ថ្ងៃចន្ទ ២៥ មីនា ២០២៤

ដោយ

ខ្សែបម្រើ Toni Kroos នឹងសម្រេចចិត្តពាក់ព័ន្ធពីអនាគតរបស់ខ្លួនជាមួយក្លិបអធិរាជស Real Madrid ក្នុងពេមួយរពីរខែខាងមុខ ក្រោយចំណាយពេលអស់១០ឆ្នាំជាមួយក្លិបយក្សអេស្ប៉ាញមួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្លិប Real Madrid ត្រូវបានរាយការណ៍ថា ពួកគេចង់រក្សា Toni Kroos ឲ្យស្នាក់នៅក្លិបមួយរដូវកាលទៀត។

កីឡាករ Kroos វ័យ៣៤ឆ្នាំ នៅតែជាតួអង្គសំខាន់របស់ក្លិបអធិរាជស។ ក្នុងរយៈពេល១០រដូវកាលនៅកីឡដ្ឋាន Bernabeu ខ្សែបម្រើសញ្ជាតិអាល្លឺម៉ង់រូបនេះ បង្ហាញខ្លួន៤៥៥ប្រកួត ចាប់តាំងពីផ្ទេរពី Bayern Munich កាលពីឆ្នាំ២០១៤ ហើយជួយក្រុមឲ្យបានឈ្នះពានរង្វាន់ចំនួន២០ ក្នុងនោះពានរង្វាន់ធំៗគឺ UEFA Champions Leagues ចំនួន៥លើក ពានរង្វាន់ LaLiga ៣លើក និង Club World Cup ចំនួន៥លើក។

សម្រាប់កុងត្រារបស់កីឡាករ Toni Kroos នឹងត្រូវផុតកំណត់នារដូវក្ដៅខាងមុខនេះ ខណៈសំណួរជាច្រើនត្រូវបានចោទអំពីអនាគតរបស់ខ្លួនជាមួយ Real Madrid។

កីឡាករ Toni Kroos បាននិយាយថា ៖«ខ្ញុំនឹងសម្រេចចិត្តលើអនាគតរបស់ខ្ញុំ ក្នុងរយៈពេល១ខែ ឬ២ខែខាងមុខ បន្ទាប់មកទៀតនោះយើងនឹងបានដឹងទាំងអស់គ្នា»។

បច្ចុប្បន្ន Toni Kroos ត្រូវបានគេមើលឃើញថា កំពុងរីករាយសម្រាប់អាជីពបាល់ទាត់នៅប្រទេសអេស្ប៉ាញ។ ជាពិសេសថ្មីៗនេះរូបគេក៏បានសម្រេចចិត្តវិលចូលរួមជាមួយក្រុមជម្រើសជាតិអាល្លឺម៉ង់វិញ ខណៈអ្នកគាំទ្រក៏រីករាយហើយរំពឹងអាល្លឺម៉ង់នឹងធ្វើបានល្អក្នុងជើងឯកអឺរ៉ុប Euro ឆ្នាំ២០២៤ នៅលើទឹកដីរបស់ខ្លួន៕

ប្រែសម្រួល៖ ផា រតនា
ប្រភព៖ Fabrizio