ព័ត៌មានអន្ដរជាតិ
អ៊ុយក្រែន វាយប្រហារនាវាទ័ពជើងទឹក រុស្ស៊ី ២ គ្រឿងនៅតំបន់គ្រីមៀ
អ៊ុយក្រែនបានវាយប្រហារលើនាវាកងទ័ពជើងទឹករុស្ស៊ី ២ គ្រឿង រួមជាមួយនឹងមជ្ឈមណ្ឌលទំនាក់ទំនង និងកន្លែងជាច្រើនទៀតដែលជាកម្មសិទ្ធិរបស់កងនាវាចរសមុទ្រខ្មៅ នៅក្នុងការវាយប្រហារដ៏ធំមួយលើទីក្រុងកំពង់ផែ Sevastopol នៅតំបន់គ្រីមផ ។ នេះបើយោងតាមការចេញផ្សាយរបស់សារព័ត៌មាន CNN នៅថ្ងៃទី២៥ ខែមីនានេះ ។
អ៊ុយក្រែនអះអាងថា ការវាយប្រហារទ្រង់ទ្រាយធំពេញមួយយប់របស់អ៊ុយក្រែនលើកំពង់ផែ Sevastopol នៅតំបន់គ្រីមៀបានបំផ្លាញនាវាចូលចត ២ គ្រឿងគឺ Yamal និង Azov បណ្ដាលឲ្យការដឹកជញ្ជូនតាមផ្លូវសមុទ្រ និងផ្លូវគោកក្នុងទីក្រុងរងការខូចចខាតមួយផ្នែក និងថែមទាំងមានមនុស្សម្នាក់ស្លាប់បាត់បង់ជីវិតផងដែរ ខណៈទំហំនៃការខូចខាតមិនទាន់ដឹងច្បាស់នៅឡើយទេ ។
ពាក់ព័ន្ទនឹងបញ្ហានេះដែរ មិនទាន់មានការអត្ថាធិប្បាយណាមួយពីមន្ត្រីការពារជាតិរុស្ស៊ីនោះទេ ទោះបីជាអ្នកនយោបាយរុស្ស៊ី និងអភិបាលក្រុង Sevastopol លោក Mikhail Razvozhayev បានទទួលស្គាល់នៅលើបណ្តាញ Telegram របស់គាត់ថា វាគឺជាការវាយប្រហារដ៏ធំបំផុតក្នុងរយៈពេលថ្មីៗនេះ ។
គួរបញ្ជាក់ថា ខណៈពេលដែលទីក្រុងមូស្គូហាក់ដូចជាមានភាពជោគជ័យ នៅក្នុងយុទ្ធនាការដីគោករបស់ខ្លួន កងកម្លាំងរបស់ទីក្រុងកៀវក៏ទទួលបានភាពជោគជ័យជាបន្តបន្ទាប់ផងដែរ ជាពិសេសផ្តោតលើកងនាវាចរសមុទ្រខ្មៅរបស់រុស្ស៊ី ក្នុងការវាយប្រហារដោយមីស៊ីល ឬការវាយប្រហារដោយយន្តហោះគ្មានមនុស្សបើក ។
ប្រសិនបើការវាយប្រហារកាលពីថ្ងៃអាទិត្យលើនាវា Yamal និង Azov ត្រូវបានបញ្ជាក់មែននោះ រុស្ស៊ីនៅសល់នាវាធ្វើការក្នុងសមុទ្រខ្មៅត្រឹមតែ ៣ គ្រឿងប៉ុណ្ណោះ ខណៈដែលអ៊ុយក្រែននិយាយថា ទីក្រុងមូស្គូបានចាប់ផ្តើមលុកលុយលើទីក្រុងកៀវដំបូងមាននាវាសរុបចំនួន ១៣ គ្រឿងឯណោះ ៕
អត្ថបទ ៖ ប៊ុន សុភាព
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា