ព័ត៌មានជាតិ
អ្នកផលិតអំបិល មិនចង់កែប្រែដីស្រែអំបិល យកទៅសាងសង់សំណង់អាគារផ្សេងៗ
អ្នកផលិតអំបិល មិនចង់ឱ្យមានការកែប្រែដីស្រែផលិតអំបិលទៅធ្វើអ្វីផ្សេង ហើយក៏មិនចង់ឱ្យមានសំណង់អាគារស្នាក់នៅផ្សេងៗ ស្ថិតនៅក្បែរតំបន់ផលិតអំបិលនោះទេ ព្រោះធ្វើឱ្យខូចបរិស្ថានសម្រាប់ផលិតអំបិល។
លោក ប៊ុន ណារិន ប្រធានសមាគមផលិតអំបិលកម្ពុជា បានថ្លែងគាំទ្រប្រសាសន៍របស់សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជាកាលពីពេថ្មីៗនេះ ដែលសម្ដេចបានណែនាំឱ្យមន្ត្រីរាជរដ្ឋាភិបាលបន្តការយកចិត្តទុកដាក់ក្នុងការពង្រឹងការគ្រប់គ្រង និងការអភិរក្សដីស្រែអំបិលនៅខេត្តកំពត និងខេត្តកែប ដែលជាកេរ្ដិ៍ដំណែលពីដូនតា និងជំរុញការផលិតអំបិល ដែលរាជរដ្ឋាភិបាលចាត់ទុកជាទំនិញយុទ្ធសាស្ត្រ។
![](https://www.kampucheathmey.com/wp-content/uploads/2024/02/330288956_1219029445395016_6758934160782776742_n-1536x989-1-1024x659.jpg)
លោក ប៊ុន ណារិនបានគាំទ្រថា៖ «ជាគោលនយោបាយល្អណាស់ ខ្ញុំមិនចង់ឱ្យកែប្រែដីទៅធ្វើអ្វីផ្សេង មិនចង់ឱ្យមានសំណង់ស្នាក់នៅ ស្ថិតនៅក្បែរតំបន់ផលិតអំបិលនោះទេ ព្រោះវាអាចធ្វើឱ្យខូចបរិស្ថានទឹក ដី ឬជាតិកខ្វក់សម្រាប់ផលិតអំបិល»។
បើតាមលោក ប៊ុន ណារិន ការផលិតអំបិលនៅខេត្តកែប និងកំពតឆ្នាំ ២០២៤ នេះ មានស្ថានភាពល្អប្រសើរ ដោយសារអាកាសធាតុអំណោយផល។
គិតត្រឹមថ្ងៃទី ១៥ ខែកុម្ភៈ ទិន្នផលប្រមូលបានប្រមាណ ២ ម៉ឺនតោន ហើយនៅរយៈពេល ២ ខែទៀត ដែលអាចមានលទ្ធភាពប្រមូលផល ខណៈលោកដាក់ក្ដីរំពឹងថា ទិន្នផលអាចនឹងទទួលបានពី ៧ ទៅ ១០ ម៉ឺនតោននៅឆ្នាំនេះ ដែលការប្រមូលផលរហូតដល់ដំណាច់ខែមេសា។
![](https://www.kampucheathmey.com/wp-content/uploads/2024/02/337536718_517779220561204_5391024844800477565_n-1536x1025-1-1024x683.jpg)
បច្ចុប្បន្នតម្លៃអំបិលលក់ចេញបានធ្លាក់ចុះមកនៅតម្លៃ ៩.០០០ រៀលក្នុង១ បាវ ដែលមានទម្ងន់ ៥០ គីឡូក្រាម ខណៈកសិករបញ្ជាក់ថា មិនចំណេញច្រើនទេតម្លៃនេះ។
យោងតាមរបាយការណ៍របស់ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍បង្ហាញថា នៅក្នុងឆ្នាំ ២០២៣ កម្ពុជាផលិតអំបិលបានជាង ៨ ម៉ឺនតោន (៨១.១៥៤) កើនឡើង ១៤៨.៩ ភាគរយធៀបនឹងចំនួន ៣២.៩០០ តោនក្នុងឆ្នាំ២០២២។
របាយការណ៍ដដែលបង្ហាញថា ផ្ទៃដីផលិតអំបិលនៅកម្ពុជាមានចំនួន ៣,៩៨៧.៣៥ ហិកតា ក្នុងនោះនៅខេត្តកំពត ៣ ៤៨៩.៤៨ ហិកតា និងខេត្តកែប ៤៩៧.៨៧ ហិកតា៕
អត្ថបទ៖ ឡេង ដេត
![](https://kampucheathmey.com/wp-content/uploads/2020/12/1-01-2-01-1.png)
-
ព័ត៌មានជាតិ១ សប្តាហ៍ ago
ត្រីតុកកែមានតម្លៃថ្លៃតាមហាងចិន កំពុងបង្កាត់ពូជនៅមជ្ឈមណ្ឌលវារីវប្បកម្មនៅខេត្តព្រះសីហនុ
-
ព័ត៌មានជាតិ៧ ថ្ងៃ ago
ក្រុងបាត់ដំបង កំពុងប្រឈមនឹងភក់ជ្រាំ មិនខុសពីទសវត្សរ៍ទី ៨០
-
ព័ត៌មានអន្ដរជាតិ៥ ថ្ងៃ ago
ស្លាប់១១នាក់ បាត់ខ្លួន៣០នាក់ ក្នុងហេតុការណ៍បាក់ស្ពាននៅចិនព្រោះភ្លៀងធ្លាក់ខ្លាំង
-
ព័ត៌មានជាតិ៤ ថ្ងៃ ago
អស់រយៈពេល៨ថ្ងៃហើយ ឧទ្ធម្ភាគចក្រដែលបាត់ដាន ពុំទាន់មានតម្រុយនៅឡើយទេ
-
ព័ត៌មានអន្ដរជាតិ៧ ថ្ងៃ ago
កំណើនកម្តៅផែនដីធ្វើឲ្យពេលថ្ងៃ អូសបន្លាយពេលយូរជាងពេលយប់
-
កីឡា៣ ថ្ងៃ ago
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
-
ព័ត៌មានជាតិ១ សប្តាហ៍ ago
UPDATE៖ ជំនន់ទឹកភ្លៀងនៅខេត្តព្រះវិហារ បានស្រកបណ្តើរៗ តែស្ពាននិងថ្នល់មួយចំនួនរងការខូចខាត
-
ព័ត៌មានអន្ដរជាតិ២ ថ្ងៃ ago
មនុស្ស១៤៦នាក់ កប់ស្លាប់ក្រោមបំណាក់ដីភក់ នៅប្រទេស អេត្យូពី