កីឡា
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
កីឡាករម៉ុងហ្គោលី Bat Erdene បានឈ្នះខ្សែក្រវាត់កម្រិតពិភពលោក I-1 GP24: Supreme Championship ទម្ងន់៦២គីឡូក្រាម បន្ទាប់ពីបានយកឈ្នះកីឡាករអាហ្វ្រិកខាងត្បូង Gomba Ncedo ដែលជាអតីតដៃគូរបស់ លន បញ្ញា នៅទីក្រុងហុងកុងកាលពីថ្ងៃទី១២ ខែមីនា ឆ្នាំ២០២៤ ជាកន្លែងអ្នកលេងគុនខ្មែរ ឈឿង ល្វៃ ឈ្នះខ្សែក្រវាត់នៅរាត្រីនោះដែរ។
នេះជាសមិទ្ធផលធំបំផុតរបស់កីឡាករម៉ុងហ្គោលី Bat Erdene ដែលសម្រេចបានក្នុងអាជីពរបស់ខ្លួន បន្ទាប់ពីបានឈ្នះខ្សែក្រវាត់នៅក្នុងស្រុក។ ខ្សែក្រវាត់ចុងក្រោយនេះ រូបគេពិតជាអរគុណខ្លាំងដល់លោក IP Man Lung Kim (Kim Ip) ដែលជាម្ចាស់សង្វៀនប្រដាល់ I-1 Word Championships។
កីឡាករ Erdene បានរៀបរាប់ថា លោក Kim Ip ជាអ្នកផ្តល់ឱកាស និងជាកម្លាំងជំរុញទឹកចិត្តយ៉ាងសំខាន់ដែលធ្វើឲ្យក្តីស្រមៃរបស់ខ្លួនក្លាយជាការពិត។ រូបគេមានអ្វីផ្សេង ក្រៅតែអរគុណដោយស្មើអស់ពីចិត្តចំពោះបុរសម្នាក់នេះ។ លោកជាអ្នកផ្តល់ក្តីសង្ឃឹមដល់រូបគេដែលអាចឈានមកដល់ចំណុចនេះ។
កីឡាករបាននិយាយថា ៖«មែនទែនទៅ ខ្ញុំមិនដឹងអ្វីសោះ ហេតុអ្វីបានជាខ្ញុំតស៊ូដណ្តើមជើងឯកលីកដ៏ធំមួយនេះជាច្រើនឆ្នាំមុន។ ខ្ញុំបានតស៊ូយ៉ាងខ្លាំងបំផុតដើម្បីបំពេញក្តីស្រមៃ។ សូមអរគុណលោក។ លោកបានផ្តល់ក្តីសង្ឃឹម និងកម្លាំងចិត្តដល់ខ្ញុំច្រើនណាស់ដើម្បីឈ្នះខ្សែក្រវាត់ I-1 World Championships»។
ជាការពិតណាស់ លោក Kim Ip ក៏ត្រូវបានអ្នកគាំទ្រស្គាល់ និងកោតសរសើរយ៉ាងខ្លាំងចំពោះសកម្មភាពរបស់លោកដែលបានដឹកដៃកីឡាករកម្ពុជា ឈឿង ល្វៃ ដើម្បីណែនាំឲ្យអ្នកទស្សនាពេញសង្វៀនបានអបអរសាទរ និងស្គាល់កីឡាករគុនខ្មែរ បន្ទាប់ពីអ្នកលេងគុនខ្មែររូបនេះបានឈ្នះខ្សែក្រវាត់កម្រិតពិភពលោក I-1 World Super-4 Championship។ លោកបានយកចិត្តទុកដាក់ខ្លាំងលើកីឡាករ និងប្រតិភូមកពីប្រទេសផ្សេងទៀតដែលបានចូលរួមប្រកួតកាលពីថ្ងៃទី១២ ខែមេសា ឆ្នាំ២០២៤។
លោក Kim Ip ជាបុគ្គលដ៏សំខាន់នៅពីក្រោយសកម្មភាពប្រដាល់នៅទីក្រុងហុងកុង។ លោកជាស្ថាបនិកសាលាបង្រៀនប្រដាល់មួយនៅទីនោះ។ ក្រៅពីមានសាលាបង្ហាត់ប្រដាល់ លោកក៏ជាស្ថាបនិក និងនាយកប្រតិបត្តិសង្វៀនប្រដាល់ដ៏ធំ I-1 Word Championships ប្រចាំទីក្រុងហុងកុង ជាសង្វៀនដែល ឈឿង ល្វៃ បានឈ្នះខ្សែវាត់នៅទីនោះដែរ៕
អត្ថបទ៖ វីរបុត្រ
-
ព័ត៌មានជាតិ៧ ថ្ងៃ agoអភិបាលរាជធានី ណែនាំឱ្យអាជ្ញាធរយកចិត្តទុកដាក់ខ្ពស់ចំពោះគ្រួសារយុទ្ធជនជួរមុខនៅក្នុងមូលដ្ឋាន
-
សន្តិសុខសង្គម៤ ថ្ងៃ agoជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ តែអកុសលក្មេងរងគ្រោះបានស្លាប់
-
ព័ត៌មានអន្ដរជាតិ១ ថ្ងៃ agoលោក រូប៊ីយ៉ូ ជាប់ក្នុងបញ្ជីទណ្ឌកម្មចិន ចុះហេតុអ្វីបានអាចអមដំណើរ ត្រាំ ក្នុងក្រុងប៉េកាំង?
-
ព័ត៌មានជាតិ២ ថ្ងៃ agoសមត្ថកិច្ចខេត្តកំពតបង្ក្រាបទីតាំងប្តូរសម្បកបាវស្ករសអក្សរថៃនាំចូលពីថៃ ទៅជាបាវអក្សរវៀតណាម ដើម្បីបំភាន់ភ្នែកសមត្ថកិច្ច និងចលនាពហិការផលិតផលថៃ
-
ព័ត៌មានជាតិ៦ ថ្ងៃ agoក្រសួងសុខាភិបាល ត្រៀមបង្ការ និង ទប់ស្កាត់ការនាំចូលជំងឺឆ្លង ហាន់តា នៅអាកាសយានដ្ឋានអន្តរជាតិតេជោ
-
ព័ត៌មានជាតិ៦ ថ្ងៃ agoប្រព័ន្ធហ្វឹកហ្វឺនអាវុធជាអំណោយរបស់ឥណ្ឌា នឹងរួមចំណែកលើកកម្ពស់សមត្ថភាពកងទ័ពជើងគោកកម្ពុជា
-
ព័ត៌មានអន្ដរជាតិ១ សប្តាហ៍ agoកូរ៉េខាងជើង ត្រៀមដាក់ពង្រាយកាំភ្លើងធំស៊េរីថ្មី នៅក្បែរព្រំដែន និងបង្អួតនាវាចម្បាំងខ្នាតយក្ស
-
កីឡា១ សប្តាហ៍ agoខ្លាំងដូចការប្ដេជ្ញាមែន! ក្រុមបាល់ទះបឋមសិក្សាខេត្តព្រៃវែង ឈ្នះមេដាយមាស និងបិទដៃគូឲ្យបានតែជាង ១០ពិន្ទុប៉ុណ្ណោះ