យុទ្ធភណ្ឌមិនទាន់ផ្ទុះជាច្រើនត្រូវបាន​ប្រជាពលរដ្ឋប្រទះឃើញនៅស្រុករតនមណ្ឌល
Connect with us
Helistar Cambodia - Helicopter Charter Services

ព័ត៌មានជាតិ

យុទ្ធភណ្ឌមិនទាន់ផ្ទុះជាច្រើនត្រូវបាន​ប្រជាពលរដ្ឋប្រទះឃើញនៅស្រុករតនមណ្ឌល

បានផុស

នៅ

ខេត្តបាត់ដំបង៖ គ្រាប់មីន និងគ្រាប់កាំភ្លើងជាច្រើនត្រូវបានប្រជាពលរដ្ឋប្រទះឃើញ និងរាយការណ៍ដល់សមត្ថកិច្ច ខណៈពលរដ្ឋរូបនោះចុះទៅរាយមងរកត្រីនៅក្នុងស្ទឹង។
ការប្រទះឃើញនេះគឺនៅថ្ងៃទី៨ ខែមិថុនា ឆ្នាំ២០២១ ដោយប្រជាពលរដ្ឋឈ្មោះ យ៉ាវ យូន ភេទប្រុ​ស អាយុ៤៣ឆ្នាំ រស់នៅភូមិផ្លូវមាស ឃុំផ្លូវមាស​ ស្រុ​ករតនមណ្ឌល ខេត្តបាត់ដំបង បានប្រទះឃើញយុទ្ធភណ្ឌមិនទាន់ផ្ទុះទាំងនោះ ខណៈ​គាត់កំពុងនេសាទត្រីនៅតាមដងស្ទឹងក្នុងមូលដ្ឋានខាងលើ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យុទ្ធភណ្ឌទាំងនោះមាន គ្រាប់មីនប្រភេទ 72A ចំនួន៣៦គ្រាប់ គ្រាប់កាំភ្លើងប្រភេទ B40 ចំនួន០៣គ្រាប់ គ្រាប់កាំភ្លើងប្រភេទ K57 ចំនួន៥០០គ្រាប់។ 
លោកវរសេនីយ៍ឯក សន និល អធិការនគរបាលស្រុករតនមណ្ឌល បានបញ្ជាក់ថា គ្រាប់មីនទាំង៣៦គ្រាប់នេះ មានមួយចំនួនហាក់នៅមានប្រសិទ្ធភាពក្នុងការបំផ្ទុះបាន បើទោះបីជាវាកប់ក្នុងដីរយៈពេលយូរ​ឆ្នាំមកហើយក្តី រីឯគ្រាប់កាំភ្លើងទាំងពីរប្រភេទនេះមានសភាពច្រេះចាប់អស់ហើយ។ 

គួរបញ្ជាក់ដែរថា កាលពីថ្ងៃទី៤ ខែមិថុនា ឆ្នាំ២០២១ កន្លងទៅ សមត្ថកិច្ចនគរបាលស្រុករតនមណ្ឌល ត្រូវបានប្រជាពលរដ្ឋរាយការណ៍ពីករ​ណីប្រទះឃើញគ្រាប់មីនប្រភេទ 72A ចំនួន១២​គ្រាប់ ម្តងរួចមកហើយ ក្នុងខណៈដែលប្រជាពលរដ្ឋភ្ជួរដីចម្ការរបស់គាត់នៅចំណុចភូមិជីប៉ាង ឃុំផ្លូវមាស ស្រុករតនមណ្ឌល ខេត្តបាត់ដំ​បង។

នៅពេលនេះសមត្ថកិច្ចនគរបាលបានផ្តល់ព័ត៌មានជូនទៅអង្គភាពកំចាត់មីនកម្ពុជា ​CM​A​C ដើម្បីចាត់ចែងតាមជំនាញនៅពេលបន្ទាប់៕

អត្ថបទ៖ សោ និយមរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម

Helistar Cambodia - Helicopter Charter Services