ព័ត៌មានជាតិ
ឈាបនដ្ឋានទំនើប បូជាសពអ្នកឆ្លងកូវីដនៅឱរ៉ាល់ នៅមិនទាន់ដំណើរការនៅឡើយទេ
គម្រោងក្នុងការស្ថាបនាឈាបនដ្ឋានដើរដោយអគ្គិសនីសម្រាប់បូជាសពអ្នកឆ្លងកូវីដ ១៩ លើផ្ទៃដីទំហំ ១០ ហិកតា នៅស្រុកឱរ៉ាល់ខេត្តកំពង់ស្ពឺ នៅមិនទាន់អាចដំណើរការនៅឡើយ។
លោកឃួន ស្រេង អភិបាលរាជធានីភ្នំពេញបានប្រាប់កម្ពុជាថ្មីនៅព្រឹកនេះថា ការឆ្លងរាលដាលជំងឺកូវីដ បានធ្វើឲ្យប៉ះពាល់ដល់ការនាំចូលសម្ភារៈចាំបាច់មួយចំនួន សម្រាប់បំពាក់លើឈាបនដ្ឋានថ្មីនៅស្រុកឱរ៉ាល់ខេត្តកំពង់ស្ពឺ។
ការយឺតយ៉ាវដោយសារជំងឺកូវីដ បើតាមលោកអភិបាលក្រុងមិនបានបញ្ជាក់ថាតើការងារនេះអាចបញ្ចប់ទាន់ពេល ឬអូសបន្លាយដល់ពេលណានោះទេ។
រដ្ឋបាលរាជធានីបានសហការជាមួយអាជ្ញាធរខេត្តកំពង់ស្ពឺសម្រេចយកទីតាំង ក្នុងស្រុកឱរ៉ាល់លើផ្ទៃដីទំហំ ១០ ហិកតា ធ្វើជាឈាបនដ្ឋានសម្រាប់បូជាសពអ្នកដែលស្លាប់ដោយសារជំងឺកូវីដ-១៩។ ឈាបនដ្ឋាននេះប្រើប្រាស់បច្ចេកវិទ្យាដោយថាមពលអគ្គិសនី ដែលមិនប៉ះពាល់ដល់បរិស្ថាន។
យ៉ាណាមិញខណៈឈានបនដ្ឋានទំនើបនៅស្រុកឱរ៉ាល់ ខេត្តកំពង់ស្ពឺ នៅមិនទាន់រួចរាល់ វត្តឫស្សីសាញ់ស្ថិតក្នុងខណ្ឌដង្កោត្រូវបានរៀបចំសម្រាប់បូជាសពទូទៅ រួមទាំងអ្នកឆ្លងកូវីដ១៩ នៅរាជធានីភ្នំពេញ។
លោក សេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនា បានប្រាប់កម្ពុជាថ្មីឲ្យដឹងថា ខេត្តក្រុងទាំង ២៥ បានរៀបចំទីតាំងសម្រាប់បូជាសព ករណីមានអ្នកស្លាប់ដោយសារជំងឺកូវីដ។ តាមខេត្តខ្លះរៀបចំតាមវត្តអារាម និងតំបន់ខ្លះរៀបចំតាមទីវាលតាមព្រៃភ្នំ ឆ្ងាយពីផ្ទះប្រជាពលរដ្ឋ។
លោកបន្តថា តាមទំនៀមទម្លាប់ប្រពៃណីខ្មែរ ការបូជាសពមានច្រើនបែបដូចជាការបូជាដោយបញ្ចុះឬកប់ ការបូជាដោយភ្លើង ការបូជាដោយបណ្ដែតទឹក និងបូជាដាក់តាមទីវាលថ្មសានជាដើម។
លោកបញ្ជាក់ថា ក្នុងស្ថានភាពបច្ចុប្បន្នដែលប្រទេសកម្ពុជារួតរឹតដោយការរាតត្បាតនៃជំងឺកូវីដ១៩នេះ ការបូជាដោយភ្លើងគឺជាជម្រើសចាំបាច់។ លោកបន្តថា ប្រទេសជឿនលឿនគេអាចរៀបចំជាឡដុតដោយអគ្គិសនីដែលមិនមានផ្សែង ប៉ះពាល់ដល់សុខភាព។
យ៉ាងណា ការដែលអាជ្ញាធរជ្រើសរើសទីតាំងតាមវាលជាកន្លែងបូជាសពអ្នកជំងឺកូវីដ-១៩ ក៏មិនខុសឆ្គងទំនៀមទម្លាប់ប្រពៃណីអីដែរ ព្រោះវាជាករណីពិសេស និងជាវិធានការគ្រប់គ្រងការឆ្លងរាតត្បាតបន្ថែមទៀត៕
អត្ថបទ៖ ប៊ុណ្ណារ៉ា
មន្ត្រីកម្ពុជាដែលអាមេរិកចោទថា រត់ពន្ធស្វាក្ដាមខុសច្បាប់ ត្រូវបានដោះលែង និងសម្រេចថាគ្មានទោស
រឿងកើតនៅមូស្គូ ក៏អាចកើតនៅអាមេរិក ដែរ
ក្រុមប្រឹក្សាសន្តិសុខអង្គការសហប្រជាជាតិទាមទារឱ្យមានបទឈប់បាញ់ជាបន្ទាន់រវាង អ៊ីស្រាអែល និងក្រុមសកម្មប្រយុទ្ធប៉ាឡេស្ទីន
អគ្គលេខាធិការដ្ឋាននៃ គ.ល.ក. ជូនដំណឹងដល់សាធារណជនកុំឱ្យចូលរួមសកម្មភាពកាស៊ីណូអនឡាញ
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៣ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១០ ម៉ោង agoទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង agoបឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)