ព័ត៌មានអន្ដរជាតិ
រឿងកើតនៅមូស្គូ ក៏អាចកើតនៅអាមេរិក ដែរ
ថ្លែងប្រាប់ ABC News កាលពីថ្ងៃចន្ទទី២៥ខែមីនា សមាជិកព្រឹទ្ធសភារដ្ឋ Florida លោក Marco Rubio បានព្រមានខ្លាំងៗថា ការវាយប្រហារភេរវកម្មថ្ងៃសុក្រសប្តាហ៍មុន នៅឯសាលប្រគំតន្ត្រី Crocus City Hall ជាងក្រុងមូស្គូ បានបង្ហាញយ៉ាងច្បាស់ថា ក្រុមជ្រុលនិយមរដ្ឋឥស្លាម បានចាប់ផ្តើមប្រតិបត្តិការរបស់ពួកគេឡើងវិញនៅក្នុងប្រទេសអាហ្វហ្គានីស្ថាន បន្ទាប់ពីការដកទ័ពដ៏ច្របូកច្របល់របស់ទីក្រុងវ៉ាស៊ីនតោនក្នុងឆ្នាំ២០២១ ហើយការវាយប្រហារនៅទីក្រុងមូស្គូនោះទៀតសោត ក៏អាចកើតឡើងនៅអាមេរិកដែរ។
លោក Rubio ប្រាប់កម្មវិធី “This Week” របស់ ABC ថា ISIS-Khorasan ដែលជាបណ្តាញរបស់ក្រុមរដ្ឋឥស្លាមមានមូលដ្ឋាននៅប្រទេសអាហ្វហ្គានីស្ថាន បានអះអាងទទួលខុសត្រូវចំពោះអំពើឃោរឃៅ វាបង្ហាញយ៉ាងច្បាស់ថា ក្រុមនេះ បានរីកដុះដាលជាថ្មី ហើយអាចរៀបចំផែនការវាយប្រហារផ្សេងទៀត គ្រប់ទីកន្លែង។
លោកបន្តថា ក្រុមនេះកកើតឡើងដោយខ្លួនឯង ហើយលេចចេញជារូបរាងយ៉ាងឆាប់រហ័សក្រោយការដកទ័ពរបស់អាមេរិក។ ចាប់តាំងពីទ័ពអាមេរិក ចាកចេញពីអាហ្វហ្គានីស្ថាន អាមេរិកលែងបើកការវាយប្រហារទៀងទាត់ដូចមុនទៀត ធ្វើឲ្យក្រុមភេរវករ បានដៃប្រព្រឹត្តអំពើឃោរឃៅដោយចំហ ដូច្នេះ រឿងនេះទុកឲ្យក្រុមតាលីបង់ ជាអ្នកចាត់ការចុះ។
លោក Rubio បានសង្កត់ធ្ងន់ថា ក្នុងរយៈពេលប៉ុន្មានឆ្នាំចុងក្រោយនេះ ក្រុមជ្រុលនិយមរដ្ឋឥស្លាម បានបើកការវាយប្រហារជាច្រើននៅអាហ្វហ្គានីស្ថាននិងអ៊ីរ៉ង់ ហើយថែមទាំងព្រមានថា ការសម្លាប់រង្គាលនៅលើដីរុស្ស៊ីមានន័យថា ឆាប់ៗ ពួកគេក៏អាចប៉ុនប៉ងធ្វើអ្វីមួយស្រដៀងគ្នានេះដែរនៅសហរដ្ឋអាមេរិក។ ដូច្នេះ សហរដ្ឋអាមេរិក ត្រូវត្រៀមខ្លួនចំពោះការគំរាមកំហែងបែបនេះ ក្រុមជ្រុលនិយមរដ្ឋឥស្លាម អាចប្រើប្រាស់បណ្តាញជួញដូរ ដើម្បីចូលប្រទេសតាមព្រំដែនអាមេរិក-ម៉ិកស៊ិក។
ការព្រមានរបស់លោក Rubio កើតឡើង ខណៈកងកម្លាំងទីក្រុងមូស្គូ ចាប់ខ្លួនជនសង្ស័យចំនួន៣នាក់ទៀត ជាប់ពាក់ព័ន្ធនឹងការវាយប្រហារភេរវកម្ម នាំឲ្យមនុស្សត្រូវចាប់ខ្លួនសរុបកើនដល់ ១៤នាក់។
យោងតាមគណៈកម្មាធិការស៊ើបអង្កេតរុស្ស៊ី, ជនសង្ស័យចុងក្រោយទាំងបីនាក់នេះគឺជាឪពុកកូននឹងគ្នា ដោយកូនមានឈ្មោះ Aminchon Islomov, Dilovar Islomov និងឪពុកឈ្មោះ Isroil Islomov អាយុ៦២ឆ្នាំ។ អ្នកទាំងបី ត្រូវចោទប្រកាន់ថា ជាប់ពាក់ព័ន្ធក្នុងការរៀបចំអំពើភេរវកម្ម។
ស្របពេលជាមួយគ្នានោះដែរ គណៈកម្មាធិការនេះ បានបញ្ជាក់ថា តួលេខមនុស្សស្លាប់ក្នុងការវាយប្រហារសម្លាប់មនុស្សច្រើនបំផុតក្នុងប្រវត្តិសាស្រ្តសម័យទំនើបរបស់រុស្ស៊ី បានកើនដល់១៣៩នាក់ហើយ ក្រោយជនរងគ្រោះ២នាក់ទៀត ទទួលមរណភាពនៅមន្ទីរពេទ្យ៕
អត្ថបទ៖ សុខ សុវណ្ណ
ចុចអាន៖ ភេរវករសារភាពថា ខ្លួនត្រូវគេជួលតម្លៃ ៥ ៤១៨ដុល្លារ ឲ្យវាយប្រហារនៅ រុស្ស៊ី
-
ព័ត៌មានជាតិ៣ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ១០ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៨ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)