ឃាត់ខ្លួន៥នាក់ គេចខ្លួនបានម្នាក់ ករណីជួញដូរ និងរក្សាទុកសារធាតុញៀន

កណ្តាល៖ ជនសង្ស័យ៥នាក់ ក្នុងចំណោមបក្សពួក៦នាក់ ត្រូវនគរបាលខេត្តកណ្តាលឃាត់ខ្លួន ករណីជួញដូរ និង រក្សាទុកដោយខុសច្បាប់នូវសារធាតុញៀន។

ហេតុការណ៍កើតឡើង កាលពីថ្ងៃទី២១ ខែមិថុនា ឆ្នាំ២០២១ វេលាម៉ោង១៦ និង៣០នាទី នៅចំណុច ភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្តាល។

ជនសង្ស័យទាំង៥នាក់ដែលត្រូវសមត្ថកិច្ចនគរបាលខេត្តកណ្តាលឃាត់ខ្លួនក្នុងករណីខាងលើរួមមាន៖

១.ឈ្មោះ សុខ សូ ភេទប្រុស អាយុ២០ឆ្នាំ មានលំនៅ ភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្តាល។

២. ឈ្មោះ សោម ស័ក ភេទប្រុស អាយុ១៧ឆ្នាំ មានលំនៅ ភូមិរទាំងត្បូង ឃុំភូមិធំ ស្រុកកៀនស្វាយ ខេត្តកណ្តាល ។

៣.ឈ្មោះ ទុយ រតនា ភេទប្រុស អាយុ១៦ឆ្នាំ មានលំនៅ ភូមិរទាំង ត្បូង ឃុំភូមិធំ ស្រុកកៀនស្វាយ ខេត្តកណ្តាល ។

៤.ឈ្មោះ អាង រចការ ភេទប្រុស ១៧ឆ្នាំ 

៥.ឈ្មោះ ចាយ សុីតូ ភេទប្រុស អាយុ៣៨ឆ្នាំ ជនជាតិខ្មែរ មុខរបរ មិនពិតប្រាកដ មានលំនៅ ភូមិយកបាត្រ១ សង្កាត់ក្បាលកោះ ខណ្ឌច្បារអំពៅ រាជធានីភ្នំពេញ។ ដោយឡែកជនសង្ស័យឈ្មោះ ឡុង ស្រីមុំ ភេទស្រី កំពុងរត់គេចខ្លួន។

វត្ថុតាងចាប់យករួមមាន៖ ម្សៅក្រាមពណ៌សថ្លា សង្ស័យសារធាតុញៀន (ម៉ាទឹកកក) ចំនួន ១០កញ្ចប់ (មធ្យម ០៥កញ្ចប់ តូច០៥កញ្ចប់) ជញ្ជីងថ្លឹងចំនួន០១ ទូរស័ព្ទចំនួន០២គ្រឿង ថង់ក្រណាតចំនួន០១ កន្ត្រៃចំនួន០១ ម៉ូតូចំនួន០១គ្រឿង និងសម្ភារៈប្រើប្រាស់វិចខ្ចប់គ្រឿងញៀនមួយចំនួន។

នៅចំពោះមុខសមត្ថកិច្ចជនសង្ស័យទាំង៥នាក់បានឆ្លើយសារភាពថា ថ្នាំញៀន (ម៉ាទឹកកក) ខាងលើពិតជារបស់ខ្លួនពិតប្រាកដមែន។

ជនសង្ស័យរួមទាំងវត្ថុតាង ត្រូវសមត្ថកិច្ចនាំទៅកាន់អធិការដ្ឋាននគរបាលស្រុកកៀនស្វាយ ដើម្បីចាត់ការតាមនីតិវិធី៕

រ៉ាវុទ្ធ