ព័ត៌មានជាតិ
ព័ត៌មានលំអិត ហេតុការណ៍ឆេះផ្ទះបណ្តាលឲ្យស្លាប់មនុស្ស៤នាក់នៅខណ្ឌដូនពេញ
ទីតាំងដែលឆេះបណ្តាលឲ្យស្លាប់មនុស្ស៤នាក់នោះជាកន្លែងសិប្បកម្មផលិតសាច់ប៉ាតេ ហើយជនរងគ្រោះទាំង៤នាក់ គឺជាកម្មករធ្វើប៉ាតេ ដែលស្នាក់នៅកន្លែងកើតហេតុ
មន្ត្រីប៉ុស្តិ៍នគរបាលរដ្ឋបាលបឹងរាំង នៃអធិការដ្ឋាននគរបាលខណ្ឌដូនពេញបានឲ្យដឹងថា ករណីអគ្គិភ័យនោះបានកើតឡើងនៅវេលាម៉ោង៤និង៣០នាទីទៀបភ្លឺថ្ងៃទី២៩ ខែមិថុនា ឆ្នាំ២០២១នៅផ្ទះលេខ៤៤និង៤៦ផ្លូវលេខ២០០ ក្រុម០២ភូមិ១ សង្កាត់បឹងរាំង ខណ្ឌដូនពេញ រាជធានីភ្នំពេញ។
ម្ចាស់ផ្ទះឈ្មោះ ហុង ពេជ្រហោះ ភេទប្រុស អាយុ៧១ឆាំ្ន មុខរបរ ជរានៅផ្ទះ។ ផ្ទះត្រូវអគ្គិភ័យឆាបឆេះជាប្រភេទសំណង់ថ្មបេតុង ទំហំ០៩ម៉ែត្រx ៣០ម៉ែត្រ ចំនួន០៣ជាន់។ ខូចខាតសម្ភារៈអស់ទាំងស្រុង រួមទាំងរថយន្តFord Willdrak ពណ៌ខ្មៅ ពាក់ស្លាកលេខ ភ្នំពេញ2BB-8233 ចំនួន១គ្រឿង ឆេះរថយន្តLuxus 330 ពណ៌ស ពាក់ស្លាក់លេខ ភ្នំពេញ2AL-1158 ចំនួន១គ្រឿង, ឆេះម៉ូតូសរុបចំនួន ៧គ្រឿង នឹងពុំបានឆេះរាលដាលដល់ផ្ទះអ្នកជិតខាងឡើយ។
មន្ត្រីនគរបាលប៉ុស្តិ៍បឹងរាំងដដែលបន្តថា អគ្គិភ័យនោះបណ្តាលឲ្យស្លាប់មនុស្សប្រុសចំនួន ៤នាក់ ទី១-ឈ្មោះ ខុន ដាវី ភេទប្រុស អាយុ១៩ឆ្នាំ។ ទី២-ឈ្មោះ ខុន ដាវីត ភេទប្រុស អាយុ១៨ឆ្នាំ (បងប្អូនបង្កើត)មានទីលំនៅភូមិតាអុង ឃុំពាមឧកញ៉ាអុង ស្រុកល្វាឯម ខេត្តកណ្តាល មុខរបរកម្មករធ្វើសាច់ប៉ាតេ។ទី៣-ឈ្មោះ សម្បត្តិ បញ្ញា ភេទប្រុស អាយុ១៨ឆ្នាំ មានទីលំនៅ(ដូចគ្នា) និងទី៤-ឈ្មោះ លី ភេទប្រុស អាយុ១៨ឆ្នាំមានទីលំនៅឃុំកំពង់ត្រាំង ស្រុកពារាំង ខេត្តព្រៃវែង មុខរបរ កម្មករ។ និងរបួសស្រាលមនុស្សប្រុសចំនួន ១នាក់ មានឈ្មោះ ម៉ូច សីហា ភេទប្រុស អាយុ ២៤ឆ្នាំ មុខរបរ មន្ត្រីកិច្ចសន្យាអគ្គិភ័យ ។
ក្នុងហេតុការណ៍នោះបានប្រើប្រាស់រថយន្តពន្លត់អគ្គីភ័យចំនួន៣៨គ្រឿង ប្រើប្រាស់ទឹកអស់ចំនួន៣៨ឡាន ស្មើនឹង១៥២ម៉ែត្រគូប ។
រថយន្តជំនួយអន្តរាគមន៍ពន្លត់មានដូចជារថយន្តក្រុមហ៊ុនស្រាបៀរកម្ពុជាចំនួន១គ្រឿង ប្រើប្រាស់ទឹកអស់ចំនួន២ឡានសើ្មនឹង១២ ម៉ែត្រគូប។ ពន្លត់ចប់ នៅម៉ោង៦និង០០នាទីព្រឹក នាថ្ងៃ.ខែ.ដដែល។
សពជនរងគ្រោះទាំង៤នាក់ ត្រូវបានដឹកយកទៅវត្តឫស្សីសាញ់ ចំនែករថយន្ត២គ្រឿង និងម៉ូតូចំនួន៧គ្រឿង(ឆេះខូចទាំងស្រុង)យកទៅរក្សាទុកនៅការិយាល័យចររាចរណ៍ផ្លូវគោក។ ចំពោះមូលហេតុនៃការឆាបឆេះនេះ កម្លាំងសម្តថកិច្ចកំពុងស្រាវជ្រាវបន្ត៕
អត្ថបទ ៖ រស្មី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៥ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ