ព័ត៌មានជាតិ

គ្រប់ច្រកព្រំដែន ត្រូវមានប្រដាប់ធ្វើតេស្តរហ័ស ក្រសួងសុខាភិបាល ត្រូវផ្គត់ផ្គង់កុំឲ្យខ្វះខាត

បានផុស

៥ years មុន

នៅ

ថ្ងៃព្រហស្បតិ៍ ១ កក្កដា ២០២១

ដោយ

ប្រមុខរដ្ឋាភិបាលសម្តេចតេជោ ហ៊ុន សែន បានដាក់បញ្ជាឲ្យក្រសួងសុខាភិបាល ត្រូវមានការទទួលខុសត្រូវ លើការផ្គត់ផ្គង់ឧបករណ៍តេស្តរហ័សឲ្យបានគ្រប់គ្រាន់តាមបណ្តាខេត្ត និងគ្រប់ច្រកព្រំដែនជាពិសេសច្រកព្រំដែនជាប់ព្រំដែនថៃ។

ប្រមុខរដ្ឋាភិបាលក្រើនរំលឹកឲ្យមន្រ្តីក្រសួងសុខាភិបាលត្រូវធ្វើការឲ្យបានរហ័ស ដោះស្រាយឲ្យទាន់ពេលវេលា។ ប្រមុខរដ្ឋាភិបាលចង្អុលចំៗថា ពេលនេះមិនមែនជាពេលវេលាស្ដីបន្ទោសទេ តែជាពេលវេលាកែតម្រូវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចបានលើកឡើងពីករណីខ្វះខាតឧបករណ៍តេស្តរហ័សតាមខេត្រក្រុងនានា ដែលនាំឲ្យពិបាកគ្រប់គ្រងការឆ្លងរាលដាល ខណៈតាមបណ្តាខេត្តមានការឆ្លងក្នុងសហគមន៍កាន់តែធ្ងន់ធ្ងរ។

សម្តេចតេជោហ៊ុន សែនបញ្ជាឲ្យក្រសួងសុខាភិបាល ត្រូវបញ្ចេញឧបករណ៍តេស្តរហ័សទៅបណ្តាខេត្តយ៉ាងហោចណាស់មួយខេត្តឲ្យបានមួយម៉ឺនដើម។ សម្តេចថា នៅក្នុងឃ្លាំងមានឧបករណ៍តេស្តរហ័សជាង ១ លាន អាចយកទៅផ្គត់ផ្គង់តាមតម្រូវការ ហើយប៉ុន្មានថ្ងៃខាងមុខនឹងមកដល់មួយលានទៀត។

សម្តេចតេជោក៏ណែនាំដល់អាជ្ញាធរតាមព្រំដែនជាពិសេសច្រកព្រំដែនថៃ ត្រូវបង្កើនការប្រុងប្រយ័ត្ន គ្រប់គ្រងលំហូរពលករចេញចូលឲ្យបានហ្មត់ចត់បំផុត។ ជាមួយគ្នានេះខាងផ្នែកភស្តុភារ ក៏ត្រូវដើរពិនិត្យមើលស្ថានភាពពលករវិលត្រឡប់មកវិញ ដែលត្រូវធ្វើចត្តាឡីស័កត្រូវផ្គត់ផ្គង់ទាំងការស្នាក់នៅ និងហូបចុកមិនត្រូវឲ្យមានការខ្វះខាតនោះទេ៕

អត្ថបទ៖ ប៊ុណ្ណារ៉ា

Related Topics:

សេចក្ដីជូនដំណឹង៤ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា