ព័ត៌មានជាតិ
តុលាការចោទប្រកាន់តៃកុងរថយន្តបុកកម្មករប្រមូលសំរាម ២ នាក់ស្លាប់ ហើយព្យាយាមបើករត់គេច
អ្នកនាំពាក្យអយ្យការអមសាលាដំបូងរាជធានីភ្នំពេញលោក ប្លង់ សុផល បានឱ្យដឹងថាសំណុំរឿងតៃឡានបើកបុកកម្មករប្រមូលសំរាមស្លាប់ ២ នាក់ ត្រូវបានព្រះរាជអាជ្ញារងបើកការស៊ើបសួរលើជនសង្ស័យរួចរាល់ហើយនិងបានសម្រេចធ្វើការចោទប្រកាន់អ្នកបររថយន្តរូបនោះជាផ្លូវដែរពីបទ«បើកបរបរដោយធ្វេសប្រហែសខ្ជីខ្ជារមិនប្រុងប្រយ័ត្នបណ្តាលឲ្យស្លាប់អ្នកដ៏ទៃ តាមបញ្ញាតិមាត្រា ៨៥ កថាខណ្ឌទី២ ចំណុច ក ខ និង គ នៃច្បាប់ស្តីពីចរាចរណ៍ផ្លូវគោក»។
តាមបញ្ញត្តិមាត្រា៨៥ នៃច្បាប់ស្តីពីចរាចរណ៍ផ្លូវគោកតម្រូវឱ្យផ្តន្ទាទោសលើជនសង្ស័យដាក់ពន្ធនាគារ ពីឆ្នាំទៅ៣ឆ្នាំ និងពិន័យជាប្រាក់ចូលថវិការរដ្ឋពី៤លានទៅ១៥លានរៀលនោះមិនទាន់គិតដល់សំណងរដ្ឋប្បវេណីទេ។
ក្រោយពីតំណាងអយ្យការបានសម្រេចធ្វើការចោទប្រកាន់ជាផ្លូវការហើយសំណុំរឿងនេះត្រូវបានចាត់បញ្ជូនទៅចៅក្រមស៊ើបសួរដើម្បីឃុំខ្លួនជនសង្ស័យដាក់ពន្ធនាគារជាបណ្តោះអាសន្ន។ ជនសង្ស័យមានឈ្មោះ នេត នីសា មុខរបរនៅផ្ទះស្នាក់នៅភូមិគោកឃ្លាង២សង្កាត់ក្រាំងធ្នង់ខណ្ឌសែនសុខរាជធានីភ្នំពេញ។
កាលពីយប់ថ្ងៃទី១១ ខែកក្កដាឆ្នាំ២០២១ ជនសង្ស័យបានលួចយករថយន្តឪពុក ទៅដឹកមិត្តភក្តិដើរលេងសប្បាយចាយវាយផឹកស៊ី ស្រវឹងជោកជាំរហូតម៉ោង២រំលងអាធ្រាតឈានចូលយប់ថ្ងៃទី១២ខែកក្កដាបានវិលមកផ្ទះវិញ។
លុះពេលមកដល់មុខធនាគារហត្ថាតាមបណ្តោយមហាវិថីសហព័ន្ធរុស្សីមុខផ្សារពោធិចិនតុងស្ថិតក្នុងភូមិប៉ប្រកខាងជើងសង្កាត់កាកាបទី១ ខណ្ឌពោធិសែនជ័យ ស្រាប់តែរេចង្កូតទៅបុកកម្មករប្រមូលសំរាម ដែលកំពុងដើរប្រមូលសំរាមតាមដងផ្លូវបណ្តាលឱ្យស្លាប់២នាក់និងរងរបួសធ្ងន់ម្នាក់ហើយពេលនោះជនបង្កបានព្យាយាមបើករថយន្តរត់គេចខ្លួនតែត្រូវប្រជាពលរដ្ឋដេញតាមឃាត់បានភ្លាមៗ តែម្តង។
បុរសជនរងគ្រោះបាត់បង់អាយុជីវិតមានម្នាក់ឈ្មោះ ប៉ែន ចន្ទ័ អាយុ ៤២ឆ្នាំ និងម្នាក់ទៀតឈ្មោះ សាន់ ឆៃ អាយុ ៣១ ឆ្នាំ ចំណែកម្នាក់ទៀតឈ្មោះ ដួង គង់ ភេទប្រុស អាយុ៤២ឆ្នាំ រងរបួសធ្ងន់។
ហេតុការណ៍ខាងលើនេះត្រូវបានអ្នកបើករថយន្តដឹកសំរាមរៀបរាប់ឲ្យដឹងថាមុនពេលកើតហេតុក្រុមកម្មករប្រមូលសំរាមរបស់ក្រុមហ៊ុន MIZUDA មានគ្នា៤នាក់ដែលរូបគាត់ជាអ្នកបើកបររថយន្តនិងកម្មករកើបសំរាម៣នាក់។
ខណៈពេលរថយន្តដឹកសម្រាមបាននិងកំពុងឈប់កើបសំរាមតាមចិញ្ចើមផ្លូវ ក៏ស្រាប់តែឃើញរថយន្តបង្កបើកបរយ៉ាងលឿនក្នុងទិសដៅពីកើតទៅលិចលុះមកដល់ចំណុចកើតហេតុក៏រ៉េចង្កូតបុកកម្មករ៣នាក់ប៉ើងជាង១០ ម៉ែត្របណ្តាលឲ្យបាក់ដៃបាក់ជើងនិងស្លាប់២ នាក់ភ្លាមៗនៅនឹងកន្លែងកើតហេតុនិងម្នាក់របួសធ្ងន់។
ពេលនោះរថយន្តបង្កនៅមិនទាន់អស់ល្បឿនទេក៏បានទៅបុកដើមក្ងោកនៅចិញ្ចើមផ្លូវ បណ្តាលឲ្យរងការខូចខាតយ៉ាងដំណំនិងបែកកង់មួយចំហៀងខាងស្ដាំមុខក្រោយ។
ប៉ុណ្ណឹងហើយជនបង្កនៅតែព្យាយាមបើករថយន្ត ប៉ុនប៉ងរត់ចេញពីកន្លែងកើតហេតុប៉ុន្តែបានប្រហែលជាង១០០ម៉ែត្រ ក៏ត្រូវបានប្រជាពលរដ្ឋដេញតាមចាប់ខ្លួនតៃកុងរថយន្តនោះប្រគល់ឲ្យសមត្តកិច្ចចាត់ការតាមច្បាប់។
ចំណែកមិត្តភក្តិ៦នាក់ទៀតដែលរួមដំណើរជាមួយនិងស្រវឹងជោគជាំដូចគ្នាលុះពេលមានអាសន្នស្វាងចែសហើយបាននាំគ្នារត់ចោលអ្នកបើកបរទៅបាត់អស់៕ អត្ថបទ៖ មករា
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត