ព័ត៌មានជាតិ
ពលរដ្ឋជិត៣ម៉ឺននាក់ នៅខេត្តកោះកុង ទទួលវ៉ាក់សាំងបង្ការកូវីដដូសទី២ នៃយុទ្ធនាការលើកទី៣
មន្ទីរសុខាភិបាលខេត្តកោះកុង លើកឡើងនៅថ្ងៃទី១៦ ខែកក្កដានេះ មានប្រជាពលរដ្ឋអាយុចាប់ពី១៨ឆ្នាំឡើងទៅជិត៣០,០០០០នាក់ បានទទួលថ្នាំវ៉ាក់សាំងបង្ការជំងឺកូវីដ១៩ ដូសទី២ យុទ្ធនាការលើកទី៣ នៅទូទាំងខេត្តកោះកុង។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង ពន្យល់ថា តាំងពីថ្ងៃទី២០ មិថុនា រហូតដល់ថ្ងៃទី១៥ ខែកក្កដា យុទ្ធនាការចាក់វ៉ាក់សាំងដូសទី២ សម្រាប់យុទ្ធនាការលើកទី៣ ជូន ព្រះសង្ឃ ពលរដ្ឋ និងកម្មករកម្មការិនី និយោជិករោងចក្រនានាបានបិទបញ្ចប់ហើយ។
លោកវេជ្ជបណ្ឌិតប្រធានមន្ទីរសុខាភិបាលខេត្ត បន្ថែមថា អ្នកពាក់ព័ន្ធ សុទ្ធតែបានមកទទួលបានវ៉ាក់សាំងទៅតាមកាលកំណត់នៃមន្ត្រីជំនាញ សម្រាប់ដូសទី២នៃយុទ្ធនាការលើកទី៣ ក្នុងក្របខ័ណ្ឌទូទាំងខេត្តកោះកុងតែម្តង។ ដោយប្រជាពលរដ្ឋគ្រប់អាយុ១៨ឆ្នាំ ឡើងទៅប្រមាណចំនួន២៩,៧០៧នាក់ តែបើធៀបនឹងដូសទី១ ថយចុះ៣.៩៣៥នាក់ ដែលនោះមាន៣៣.៦៤២នាក់។
មន្ត្រីជំនាញ ក៏ថ្លែងដែរថា ដើមហេតុដែលនាំឱ្យតួលេខអ្នកមកចាក់វ៉ាក់សាំងថយចុះ ក៏ព្រោះតែអ្នកចាក់ដូសទី១ ពុំទាន់មកចាក់តាមកាលវេលាកំណត់ ខ្លះផ្ទុកជំងឺកូវីដ និងខ្លះទៀត ជាប់ខ្លួនធ្វើចត្តាឡីស័ក។ តែទោះយ៉ាងណា រូបលោក និងក្រុមការងារជំនាញ នឹងមានការរៀបចំសម្របសម្រួលដ៏ល្អមួយជូនដល់ពលរដ្ឋ ដែលខកខានពុំមានចាក់ឲ្យបានចាក់គ្រប់ៗគ្នា។
អំឡុងយុទ្ធនការចាក់វ៉ាក់សាំង ពលរដ្ឋ និងអ្នកពាក់ព័ន្ធនៅដែនកោះ និងតំបន់ឆ្ងាយដាច់ស្រយោលនៃខេត្តកោះកុង ដែលជាខេត្តមួយជាប់មាត់សមុទ្រ ព្រមទាំងជាប់ព្រំដែនប្រទេសថៃផងនោះ គឺពួកគាត់បានចូលរួមអនុវត្តវិធានការសុខាភិបាលយ៉ាងល្អប្រសើរទៅតាមសេចក្តីណែនាំរបស់ក្រសួងសុខាភិបាល។
បន្ថែមលើលោកវេជ្ជបណ្ឌិត ទៅ ម៉ឹង គឺលោក ទូ សាវុធ អភិបាលរងខេត្តកោះកុង ជំរុញដល់អ្នកដែលបានទទួលថ្នាំវ៉ាក់សាំង លោកក៏ស្នើសុំដល់ពលរដ្ឋទូទៅ ចាំបាច់បន្តអនុវត្តវិធានការរបស់ក្រសួងសុខាភិបាលបន្តទៀត ជៀសវាងការឆ្លងជំងឺកូវីដក្នុងប្រកាសណាមួយបាន។
តាំងពីមានយុទ្ធនាការចាក់វ៉ាក់សាំងលើកទី១កាលពីខែមិនា ឆ្នាំ២០២០មកដល់ថ្ងៃទី១៥ ខែកក្កដា ឆ្នាំ២០២១ ខេត្តកោះកុង មានព្រះសង្ឃ អាជ្ញាធរ មន្ត្រីរាជការ កងកម្លាំង ប្រជាពលរដ្ឋ បុគ្គលិក កម្មករ និយោជិតប្រមាណ៧ម៉ឺន២ពាន់ហើយ ស្មើនឹង៩៦ភាគរយនៃចំនួនប្រជាពលរដ្ឋសរុបដែលបានចាក់វ៉ាក់សាំងទៅគោលការណ៍របស់រាជរដ្ឋាភិបាលកម្ពុជា។
៤ថ្ងៃនេះ កងកម្លាំងនគរបាល បានចុះល្បាតចាប់ពីម៉ោង៩ដល់ម៉ោង៤ជិតភ្លឺ តបនឹងណែនាំឱ្យរដ្ឋបាលខេត្តលើការផ្អាកធ្វើដំណើរជាបណ្ដោះអាសន្ន ដើម្បីទប់ស្កាត់ការខ្លះរីករាលដាលជំងឺកូវីដកាន់តែខ្លាំងឡើងៗ។ រីឯអ្នកលក់ដូរអាជីវកម្ម រឹងតែមិនអនុញ្ញាតឱ្យលក់ដូរលើពីម៉ោង៩យប់ដែរ។
ខេត្តកោះកុង គិតត្រឹមថ្ងៃទី១៣ ខែកក្កដា ២០២១ មានអ្នកជំងឺកូវីដចំនួន៣.០២០នាក់/ស្ត្រី១.៩៤៩នាក់ ជាសះស្បើយ១.៦៦៦នាក់ និងស្លាប់១៧នាក់។ រីឯអ្នកកំពុងព្យាបាលជំងឺតាមមណ្ឌលមាន១.៣៣៧នាក់ ស្ត្រី៨៥៩នាក់៕
អត្តបទ៖ សិរីវឌ្ឍនៈ
-
ព័ត៌មានអន្ដរជាតិ២ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេចក្ដីជូនដំណឹង៣ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
អត្ថាធិប្បាយ១ សប្តាហ៍ agoសេចក្ដីអធិប្បាយលើសុភាសិតខ្មែរ៖«អណ្តាតជាអាទិ៍កន្លង បានសុខទុក្ខផងពីព្រោះអណ្តាត»
-
សេដ្ឋកិច្ច៤ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា៥ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ១ សប្តាហ៍ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេដ្ឋកិច្ច៧ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ
-
សន្តិសុខសង្គម៣ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម