ព័ត៌មានជាតិ

ខ្លាពពកមួយក្បាល ដែលត្រូវបានគេជួយសង្គ្រោះពីអន្ទាក់នៅខេត្តកំពតនោះ បានងាប់ហើយ

បានផុស

៤ years មុន

នៅ

ថ្ងៃសៅរ៍ ២៤ កក្កដា ២០២១

ដោយ

សត្វខ្លាពពកដ៏កម្រមួយក្បាលដែលត្រូវបានគេជួយសង្គ្រោះពីការជាប់អន្ទាក់ព្រានព្រៃ កាលពីប៉ុន្មានថ្ងៃមុនបានងាប់ហើយ ក្រោយទទួលការវះកាត់បានជោគជ័យ ហើយមានសភាពខ្សោយពេក។

ខ្លាពពកមួយក្បាលនេះ ត្រូវបានក្រុមការងាររបស់អង្គការWildlife Alliance ចុះទៅយកពីមន្ត្រីកងរាជអាវុធហត្ថ ខេត្តកំពត ដើម្បីនាំយកទៅមជ្ឈមណ្ឌលសង្គ្រោះសត្វព្រៃភ្នំតាម៉ៅ ដែលជាកន្លែងព្យាបាលរបួស ហើយក្រោយទទួលការវះកាត់ទទួលបានជោគជ័យ ប៉ុន្តែគួរឱ្យសោកស្តាយ ដោយសារវាខ្សោយពេក ភ្លាមៗវាក៏បានងាប់ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សត្វខ្លាពពក ជាប្រភេទសត្វកម្រ បើយោងតាមច្បាប់របស់ប្រទេសកម្ពុជា ពួកវាត្រូវបានការពារ និងចាត់ ថ្នាក់ជាប្រភេទសត្វជិតផុតពូជ។ ដូច្នេះយើងចូលរួមសហការជាមួយក្រសួងបរិស្ថានក្នុងការអំពាវនាវដល់ប្រជាជនទាំងអស់ឱ្យឈប់បរិភោគសត្វព្រៃ តម្រូវការសាច់សត្វព្រៃ ជំរុញឱ្យមានការឈឺចាប់ និងការស្លាប់របស់សត្វកម្រ និងសត្វជិត ផុតពូជ នៅក្នុងប្រទេសកម្ពុជា ដូចជាខ្លាពពកមួយក្បាលនេះជាដើម។

យោងតាមប្រសាសន៏របស់លោក និក ម៉ាក អន្ទាក់គឺជាឃាតកសម្លាប់ ហើយអន្ទាក់រាប់ពាន់ត្រូវបានដាក់ ពាសពេញព្រៃ នៅក្នុងប្រទេសកម្ពុជា ដែលលទ្ធផលចុងក្រោយនឹងក្លាយជាព្រៃទទេស្អាត។

លោក និក ម៉ាក បានបន្ថែមថា ហានិភ័យនៃអន្ទាក់គឺច្បាស់ ប្រសិនបើច្បាប់តឹងរឹងមិនត្រូវបានអនុវត្តឆាប់ទេ ដើម្បីបញ្ឈប់វិធីសាស្ត្រនៃការបរបាញ់នេះទេ ព្រៃកម្ពុជានឹងគ្មានសត្វព្រៃនៅសល់ឡើយ៕