ព័ត៌មានជាតិ
មន្ត្រីជំនាញ រកឃើញជំងឺ ដុំពក លើស្បែកសត្វគោមួយចំនួន នៅតាមស្រុកក្រុង នៃខេត្តបន្ទាយមានជ័យ
(បន្ទាយមានជ័យ)៖ លោក ហ៊ុយ ទូច ប្រធានការិយាល័យបសុពេទ្យ ខេត្តបន្ទាយមានជ័យ បានឲ្យដឹងអំពីការកើតឡើង នូវជំងឺដុំពកលើស្បែកសត្វគោមួយចំនួន នៅតាមស្រុកក្រុង នៃខេត្តបន្ទាយមានជ័យ ហើយលោកថា មន្ត្រីបសុពេទ្យខេត្តអាចគ្រប់គ្រងបាន ខណៈដែលជំងឺនេះបានកើតឡើងតាមខេត្តនានា ហើយលោកប្រាប់ប្រជាពលរដ្ឋដែលជាម្ចាស់សត្វគោ កុំមានការព្រួយបារម្ភ។
លោក ហ៊ុយ ទូច បានលើកឡើងយ៉ាងដូច្នេះ បន្ទាប់ពីរូបលោកបានដឹកនាំមន្រ្តីរបស់ខ្លួន សហការជាមួយអាជ្ញាធរដែនដីចុះពិនិត្យនិងផ្តល់ថ្នាំដល់ពេលសត្វភូមិនិងម្ចាស់សត្វដែលកើតជំងឺដុំពក នៅព្រឹកថ្ងៃទី២៧ ខែកក្កដា ឆ្នាំ២០២១នេះ។ តាមការបញ្ជក់ពីលោក ហ៊ុយ ទូច សត្វគោដែលបានកើត ជំងឺដុំពកលើស្បែកទូទាំងខេត្ត មានចំនួន ៥៥៦ក្បាល ដោយបានព្យាបាលជា បានចំនួន៤៩៨ក្បាល។ ក្នុងនោះងាប់ ចំនួន១០ក្បាល ដែលជាកូនគោ ហើយកាលដែលមានងាប់នេះ ដោយសារតែម្ចាស់សត្វចឹញ្ចឹមមិនបានមើលថែទាំ។
លោកបានឲ្យដឹងទៀតថា ជំងឺនេះបានកើតឡើងនៅលើសត្វគោ ក្នុងរយៈពេលពីរខែចុងក្រោយនេះ បន្ទាប់ពីជំងឺនេះបានកើតឡើងមុន នៅតាមបណ្តាលខេត្តដទៃជាច្រើនករណី និងជាពិសេសនៅប្រទេសជិតខាង ដូចជាប្រទេសថៃជាដើមបានកើតឡើងលើខេត្តចំនួន១៩ខេត្ត។ តាមរយៈ នៃការកើតឡើងនេះផងដែរ ខាងការិយាល័យជំនាញរបស់លោក បានចុះសហការជាមួយអាជ្ញាធរមូលដ្ឋាន និងម្ចាស់សត្វ ពិនិត្យព្យាបាលរហូតដល់ មានការជាសះស្បើយស្ទើរទាំងស្រុង តាមរយៈថ្នាំពីនាយកដ្ឋានផលិតកម្ម និងបសុពេទ្យ ព្រមទាំងថ្នាំពីអតិថិជន ដែលបានជួយឧបត្ថម។
សូមជម្រាបថា ជំងឺដុំពកលើស្បែកសត្វគោជាជំងឺឆ្លង ដែលអាចឆ្លងតាមរយៈសត្វមុស រុយ និងតាបោន ហើយអាចឆ្លងពីសត្វដែលឈឺ ទៅសត្វដែលមិនឈឺ។ ដើម្បីទប់ស្កាត់បាន ពីការឆ្លងជំងឺដុំពកលើសត្វគោនេះ លោក លោក ហ៊ុយ ទូច ប្រធានការិយាល័យបសុពេទ្យ ខេត្តបន្ទាយមានជ័យ បានណែនាំម្ចាស់សត្វគោទាំងអស់ ត្រូវធ្វើអនាម័យជាប្រចាំ និងបំបែកសត្វឈឺ ឲ្យដាច់ពីសត្វដែលមិនឈឺ។ បើប្រជាកសិករ ឬម្ចាស់សត្វគោ មានការសង្ស័យត្រូវរាយការណ៍ ដល់ភ្នាក់ងារបសុពេទ្យ ដែលនៅជិតបំផុត ឬតាមរយៈតាមលេខទូរសព្ទ័ 012 95 25 18 ដើម្បីទាក់ទងឆ្លើយតបបន្ទាន់៕
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៧ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)