កំពត​សាងសង់​ទីលានចាក់សំរាមថ្មី​តម្លៃ ២ លានដុល្លារ
Connect with us
Helistar Cambodia - Helicopter Charter Services

ព័ត៌មានជាតិ

កំពត​សាងសង់​ទីលានចាក់សំរាមថ្មី​តម្លៃ ២ លានដុល្លារ

បានផុស

នៅ

កំពត៖ ខេត្តកំពតចាប់ផ្តើមសាងសង់ទីលានចាក់សំរាម ដែលមានលក្ខណៈស្តង់ដារលើផ្ទៃដីទំហំជាង​១០​ហិកតា ដោយប្រើរយៈពេល ១២ខែនិងចំណាយថវិកាប្រមាណ ២លានដុល្លារ។ ទីលានចាក់សំរាមក្រុងកំពតជាផ្នែក​មួយនៃគម្រោងអភិវឌ្ឍន៍ក្រុងរបៀង ២ របស់រាជរដ្ឋាភិបាលក្រោមកម្ចីពីធនាគាអភិវឌ្ឍន៍អាស៊ី(ADB) ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ជាវ តាយ អភិបាលខេត្តកំពតនិងមន្ត្រីជំនាញ បានចុះពិនិត្យកន្លែងចាក់សំរាមដែលមានទីតាំងក្នុងភូមិសាស្ត្រ​ឃុំថ្មី ស្រុកទឹកឈូ ខេត្តកំពត នាព្រឹកថ្ងៃទី២៧ ខែកក្កដា ឆ្នាំ២០២១។

លោក ជាវ តាយ បានមានប្រសាសន៍ថា​ កំពតជាខេត្តគោលដៅទេសចរណ៍មួយ ដែលមានភាពទាក់ទាញ និង បានអភិវឌ្ឍយ៉ាងឆាប់រហ័សបំផុត។ មុនពេលផ្ទុះវិបត្តិកូវីដ១៩ ភ្ញៀវមកទស្សនាខេត្តកំពតមានប្រមាណជិត​ ២ លាននាក់ក្នុងមួយឆ្នាំ។

លោក ជាវ តាយ បានបន្តថា ដើម្បីថែរក្សាសុខុមាលភាព ប្រជាជននិងទេសចរក៏ដូចជាចូលរួមថែរក្សាបរិស្ថានបៃតងអនាម័យស្អាត បរិយាកាសល្អព្រមទាំងជួយបង្កើនសោភ័ណភាពក្រុង រដ្ឋបាលខេត្តត្រូវតែមានទីលាន​កប់សំរាមជាចាំបាច់ ទើបអាជ្ញាធរខេត្តកំពតបានស្នើសុំដល់ក្រសួងសាធារណៈការ ជួយដោះស្រាយរហូតទទួលបានគម្រោងនេះ។

លោក ជាវ តាយ បានលើកបញ្ជាក់ថា បញ្ហាអនាម័យបរិដ្ឋាន ក៏ដូចជាទីលានកន្លែងទុកដាក់និងចាក់សំរាមគឺជាបញ្ហាសំខាន់ ដែល​ត្រូវ​យកចិត្តទុកដាក់ជាប្រចាំក្នុងការរួមចំណែកធ្វើឲ្យបរិស្ថាន បានកាន់តែល្អប្រសើរឡើង ។ ដោយឡែកសម្រាប់ទីក្រុងកំពតវិញ បញ្ហាសំរាមបានកើនឡើងពីមួយថ្ងៃទៅមួយថ្ងៃ ទាមទារឲ្យរដ្ឋបាលខេត្ត ត្រូវតែយកចិត្តទុកដាក់ពីទីកន្លែង សម្រាប់ទុកដាក់សំរាមឲ្យបានកាន់តែប្រសើរទៅថ្ងៃអនាគត។

លោក ហេង សម្បិត្ត តំណាងក្រុមហ៊ុនម៉ៅការសាងសង់បានបញ្ជាក់ថា ទីលានចាក់សំរាមមានពីរថតដោយមានស្រះសម្អាតទឹកកខ្វក់ចេញពីសំរាមចំនួន២ ។ ក្នុងនោះ មានទីលានត្រងទឹកកខ្វក់និងរំហួតទឹក អគាររដ្ឋបាល ប៉ុស្តិ៍យាម និង អណ្តូងទឹកសម្រាប់ត្រួតពិនិត្យគុណភាព។ តំណាងក្រុមហ៊ុនបានបន្តថា ក្រុមហ៊ុន​ក៏​នឹង​ជួយជួសជុលផ្លូវចូលទីលានកប់សំរាមកន្លែងថ្លឹងរថយន្ត កន្លែងស្តុកនិងញែកសំរាម ព្រមទាំងធ្វើរបងព័ទ្ធជុំវិញ។ ការងារសាងសង់នេះនឹងបញ្ចប់រួចរាល់មុនខែកក្កដា ឆ្នាំ២០២២ខាងមុខ។

គួរបញ្ជាក់ថា បច្ចុប្បន្នការប្រមូលសំរាមក្នុងក្រុងកំពតមានបរិមាណពី ៧០ តោនទៅ៩០តោនក្នុងមួយថ្ងៃ៕

អត្ថបទ៖ណារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១៤ នាទី មុន

អាវុធហត្ថ​រាជធានី​អរគុណ​សប្បុរសជន​ដែល​ផ្ដល់​ស្បៀង​ដល់​អាវុធហត្ថ​ក្នុង​យុទ្ធនាការ​រ​ប្រឆាំង​កូ​វីដ​-១៩​និង​សង្គ្រោះ​ពលរដ្ឋ​រងគ្រោះ​ដោយ​ទឹកជំនន់​

ព័ត៌មានជាតិ២ ម៉ោង មុន

លោក ម៉ៅ ធនិន សន្យា​រៀប​ចំ​ប្រព័ន្ធ​លូ​បង្ហូរទឹក​កខ្វក់​នៅ​ផ្សារ​កំពង់ត្រាច ដើម្បី​បញ្ចៀស​ការ​ជន់​លិច​និង​ក្លិន​ស្អុយ

ព័ត៌មានជាតិ២ ម៉ោង មុន

បេសកកម្ម​ក្នុង​ការ​ទប់ស្កាត់​ទឹកជំនន់​សណ្តរ​ស្ទឹង​ព្រែក​ត្នោត ទទួល​បាន​លទ្ធផល​ជោគជ័យ អភិបាល​រាជធានី ថ្លែង​ការ​អរគុណ​និង​លើកទឹកចិត្ត កម្លាំង​ដែល​ចូលរួម

ព័ត៌មានជាតិ២ ម៉ោង មុន

សេចក្តីព្រាងច្បាប់ ដើម្បី​បង្កើត​ស្ថាប័ន​សិទ្ធិ​មនុស្សជាតិ ក្រោម​ដៃ​អង្គការ​សង្គម​ស៊ីវិល​រយៈពេល​១៥​ឆ្នាំ​អត់​ចេញ​ជា​រូបរាង

ព័ត៌មានជាតិ៣ ម៉ោង មុន

គ្រែ​ពេទ្យ​សម្រាក​ព្យាបាល​អ្នក​ជំងឺ​ចំនួន​៦គ្រឿង​ តម្លៃ​ស្មើ​ជាង​៦.០០០​ដុល្លារ​របស់​ក្រុមហ៊ុន​កាស៊ីណូ ដាយ​មិ​ន​ស៊ី​ធី ធ្វើការ​ឧបត្ថម្ភ​ដល់​អង្គភាព​អាវុធហត្ថ

Sokha Hotels

ព័ត៌មានពេញនិយម

Helistar Cambodia - Helicopter Charter Services