Connect with us

ព័ត៌មានជាតិ

ប.ស.ស. ចាប់ដៃគូជាមួយធនាគារជាតិពង្រឹងសមត្ថភាព ការគ្រប់គ្រងវិនិយោគដល់មន្ត្រី

បានផុស

នៅ

ភ្នំពេញ៖ បេឡាជាតិសន្តិសុខសង្គម (ប.ស.ស.) នៃក្រសួងការងារ និងបណ្តុះបណ្តាលវិជ្ជាជីវៈ បានចុះអនុស្សរណៈយោគយល់គ្នាជាមួយធនាគារជាតិនៃកម្ពុជាដើម្បីបង្កើតនូវក្របខណ្ឌកិច្ចសហប្រតិបត្តិការលើផ្នែកបច្ចេកទេស ក្នុងការជួយអភិវឌ្ឍធនធានមនុស្ស និងពង្រឹងរចនា សម្ព័ន្ធនៃការគ្រប់គ្រងការវិនិយោគមូលនិធិសន្តិសុខសង្គមរបស់ ប.ស.ស. ដៅរួមចំណែកជាមួយរាជរដ្ឋាភិបាល ក្នុងការចូលរួមអភិវឌ្ឍសេដ្ឋកិច្ចសង្គ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពិធីចុះអនុស្សរណៈយោគយល់គ្នាខាងលើនេះ ត្រូវបានរៀបចំឡើងនៅព្រឹកថ្ងៃទី២៩ ខែកក្កដា ឆ្នាំ២០២១ នេះ តាមរយៈប្រព័ន្ធវីដេអូ (Zoom Meeting) ក្រោមអធិបតីភាពលោក អ៊ុក សមវិទ្យា ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស. និងលោកស្រី ជា សិរី ឧបការីទេសាភិបាល និងជាអគ្គនាយកបច្ចេកទេស ធនាគារជាតិនៃកម្ពុជា។

លោក អ៊ុក សមវិទ្យា បានថ្លែងថា អ្វីជាគោលបំណងសំខាន់នៃការចុះអនុស្សរណៈយោគយល់គ្នានៅពេលនេះ គឺជាការផ្តល់ឱកាសឱ្យអង្គភាពទាំងពីរស្វែងយល់ពីទស្សនៈផ្សេងៗ ដូចជាការដកស្រង់ និងចែករំលែកនូវបទពិសោធន៍ លើបញ្ហាដែលពាក់ព័ន្ធឱ្យគ្នាទៅវិញទៅមក និងបង្កើនកិច្ចសហប្រតិបត្តិការរវាងស្ថាប័នទាំងពីរឱ្យកាន់តែមានភាពជិតស្និទ្ធ និងជាថ្នាលសម្រាប់ពង្រឹងសមត្ថភាព និងចំណេះដឹងផ្នែកការគ្រប់គ្រងវិនិយោគរបស់មន្ត្រីបច្ចេកទេសជំនាញ ប.ស.ស. ដើម្បីអនុវត្តការងារវិនិយោគឱ្យកាន់តែមានប្រសិទ្ធភាព និងទទួលបានប្រសិទ្ធផល តាមរយៈឧទាហរណ៍ពិតប្រាកដ និងបទពិសោធន៍ជាក់ស្តែង ដែលបានផ្តល់ផ្ទាល់ដោយដៃគូររបស់ខ្លួន។

លោកអគ្គនាយក សង្ឃឹមយ៉ាងមុតមាំថា តាមរយៈកិច្ចសហការជាមួយ ធនាគារជាតិនៃកម្ពុជា នាពេលនេះ ប.ស.ស. នឹងទទួលបានផ្លែផ្កាជាវិជ្ជមាន ដើម្បីរួមចំណែកពង្រឹងការអនុវត្តគោលនយោបាយគាំពារសង្គមរបស់រាជរដ្ឋាភិបាល ឱ្យកាន់តែទទួលបានប្រសិទ្ធភាព និងស័ក្តិសិទ្ធិភាព។

គួរបញ្ជាក់ថា សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានដាក់ចេញនូវយុទ្ធសាស្រ្តចតុកោណរបស់រាជរដ្ឋាភិបាល ដោយសំដៅលើកិច្ចគាំពារសង្គម ក្នុងនោះផ្តោតសំខាន់ទៅលើវិស័យសន្តិសុខសង្គម ដែលមានផ្នែកថែទាំសុខភាពជាចម្បង ហើយកាតព្វកិច្ចនេះតម្រូវឱ្យអង្គភាព ប.ស.ស. ជាអ្នកប្រតិបត្តិផ្ទាល់ទៅលើផ្នែកធំៗចំនួន ៤ គឺ ផ្នែកហានិភ័យការងារ ផ្នែកថែទាំសុខភាព ផ្នែកប្រាក់សោធន និងផ្នែកនិកម្មភាពការងារ សម្រាប់បុគ្គលដែលស្ថិតក្នុងវិស័យសាធារណៈ បុគ្គលដែលស្ថិតនៅក្រោមបទបញ្ញត្តិនៃច្បាប់ស្តីពីការងារ ដោយរួមបញ្ចូលទាំងបុគ្គលិក ធ្វើការតាមផ្លូវអាកាសនិងនាវាសមុទ្រ ព្រមទាំងអ្នកបម្រើក្នុងផ្ទះ។

បច្ចុប្បន្ន ប.ស.ស. បាននឹងកំពុងអនុវត្តរបបសន្តិសុខសង្គមចំនួន២ គឺផ្នែកហានិភ័យការងារ និងផ្នែកថែទាំសុខភាព ហើយនៅពេលដ៏ខ្លីខាងមុខឆាប់ៗនេះ ប.ស.ស. នឹងដាក់ឱ្យអនុវត្តនូវរបបសន្តិសុខសង្គមផ្នែកប្រាក់សោធន (ប្រាក់រ៉ឺត្រែត) ដែលពេលនោះ សមាជិក ប.ស.ស. ដែលកំពុងបម្រើការងារក្នុងវិស័យឯកជនទាំងអស់ នឹងទទួលបានប្រាក់សោធននិវត្តន៍ (ប្រាក់រ៉ឺត្រែត) ដូចទៅនឹងមន្រ្តីរាជការផងដែរ៕

អត្ថបទ៖ សំអឿន


Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២២ ម៉ោង មុន

U20បាល់ទះ​កម្ពុជា មិនអាច​ឡើងវគ្គចែកពូលជើងឯកអាស៊ីបានឡើយ បន្ទាប់ពីចាញ់វៀតណាម

ព័ត៌មានជាតិ២០ ម៉ោង មុន

ស្រុក២ នៃខេត្តកំពង់ចាម ផ្ទុះករណីហ្វូងសត្វដង្កូវបំផ្លាញដំណាំស្រូវ និងដំឡូងមី សរុបជិត២រយហិកតា

ព័ត៌មានជាតិ៥ ម៉ោង មុន

បញ្ចេញបញ្ជី​​ឈ្មោះ​គ្រឹះស្ថាន​ធនាគារ និង​ហិរញ្ញវត្ថុ​​ស្របច្បាប់នៅកម្ពុជា បញ្ចៀស​ពលរដ្ឋ​កុំ​ប្រើ​សេវាក្រៅផ្លូវការ​នាំ​ហានិភ័យ​ខ្ពស់

ព័ត៌មានជាតិ១៨ ម៉ោង មុន

តុលាការបញ្ជាឃុំខ្លួននគរបាល២រូប និងបក្សពួក ក្រោយលួចធ្វើអត្តសញ្ញាណប័ណ្ណឱ្យជនជាតិវៀតណាម

វប្បធម៌ ជំនឿ៨ ម៉ោង មុន

កំហុស ៣ យ៉ាង តាមជំនឿហុងស៊ុយ មិនគួរធ្វើដាច់ខាតសម្រាប់ទ្វារផ្ទះ

Sokha Hotels

ព័ត៌មានពេញនិយម