មេខ្យល់៣នាក់ត្រូវបានឃុំខ្លួនក្រោយកម្លាំងស្នងការខេត្តបាត់ដំបងបញ្ជូនដល់តុលាការ
Connect with us
Helistar Cambodia - Helicopter Charter Services

ព័ត៌មានជាតិ

មេខ្យល់៣នាក់ត្រូវបានឃុំខ្លួនក្រោយកម្លាំងស្នងការខេត្តបាត់ដំបងបញ្ជូនដល់តុលាការ

បានផុស

នៅ

ខេត្តបាត់ដំបង៖ មេខ្យល់ចំនួន៣នាក់ត្រូវបានតុលាកាសម្រេចឃុំខ្លួន ក្រោយសមត្ថកិច្ចឈរជើងតាមបន្ទាប់ព្រុំដែនឃាត់ខ្លួន ខណៈពួកគេទាំង៣នាក់បាននាំពលករខ្មែរចំនួន៣៨នាក់ប៉ុនប៉ងឆ្លងដែនចូលក្នុងទឹកដីថៃខុសច្បាប់កាលពីពេលថ្មីៗកន្លងទៅនេះ។

លោកវរសេនីយ៍ឯក ប៊ន់ វណ្ណារ៉ា នាយការិយាល័យនគរបាលប្រឆាំងការជួញដូរមនុស្ស និងការពារអនីតិជននៃស្នងការនគរបាលខេត្តបាត់ដំបង បានប្រាប់ឱ្យដឹងនៅថ្ងៃទី២៣ ខែសីហា ឆ្នាំ២០២១នេះថា ជនសង្ស័យទាំង៣នាក់ដែលជាមេខ្យល់បាននាំពលករខ្មែរជាច្រើននាក់ប្រុងឆ្លងដែនចូលក្នុងទឹកដីថៃ ហើយត្រូវកម្លាំងការពារតំបន់ព្រំដែនចម្រុះឃាត់ខ្លួនបានកាលពីថ្ងៃទី២១ ខែសីហា ឆ្នាំ២០២១មកនេះ ត្រូវបានតុលាការសម្រេចឃុំខ្លួនហើយនៅក្នុងពន្ធនាគាខេត្តបាត់ដំបង ក្រោយការិយាល័យជំនាញបញ្ជូនដល់ដៃតុលាការ។

លោកបន្តថា ជនល្មើសទាំងបីនាក់ខាងលើរួមមាន ១. ឈ្មោះ ជ្រី សុហេង ភេទប្រុសអាយុ២១ឆ្នាំ ២. ឈ្មោះ ជ្រ សំណាង ភេទប្រុស អាយុ១៦ឆ្នាំ ទាំង២នាក់រស់នៅភូមិអូរចម្លង ឃុំតាសែន ស្រុកកំរៀង ខេត្តបាត់ដំបងនិងទី៣ ឈ្មោះ ផាន់ នីឌី ភេទប្រុស អាយុ២៩ឆ្នាំ រស់នៅភូមិនិមិត្ត ឃុំស្រកា៥ ស្រុកត្បូងឃ្មុំ ខេត្តត្បូងឃ្មុំ។

ការឃាត់ខ្លួនមេខ្យល់ទាំង៣នាក់ខាងលើនេះអនុវត្តឡើងដោយកម្លាំងផ្នែកជំនាញជាមួយនឹងកម្លាំងប៉ុស្តិ៍នគរបាលតាសែន ចុះឃាត់ខ្លួនបានរួមជាមួយពលករខ្មែរចំនួន៣៨នាក់ផ្សេងទៀតទៀត ខណៈពួកគេកំពុងនាំគ្នាធ្វើដំណើរដោយថ្មើរជើងកាត់ព្រៃឫស្សីឆ្ពោះទៅកាន់ប្រទេសថៃ ត្រង់ចំណុចស្ពានអូតចម្លង ស្ថិតក្នុង​ភូមិអូរចម្លង ឃុំតាសែន ស្រុកកំរៀង ក្នុងភូមិសាស្ត្រខេត្តបាត់​ដំ​បង​៕

អត្ថបទ៖ សៅ សារិទ្ធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

រុស្ស៊ី ផ្អាកបេសកកម្មជាមួយអង្គការ ណាតូ ក្រោយខឹងខ្លាំងចោទបុគ្គលិកខ្លួនថា ធ្វើចារកម្ម

ជីវិតកម្សាន្ដ១ ម៉ោង មុន

តើសមត្ថកិច្ចអាចស៊ើបអង្កេតករណីតារាកំប្លែង ខ្ញុង អំពាវនាវឲ្យមហាជន ជួយដោះបំណុលរបស់ខ្លួនទេ?

KPT+១ ម៉ោង មុន

សម្ដីមុតស្រួច ៦ឃ្លា មិនគួរប្រើជាមួយគូស្នេហ៍ អាចធ្វើឱ្យគេស្លាប់ចិត្តបាន

ព័ត៌មានជាតិ១ ម៉ោង មុន

អ្នកនាំពាក្យស្នងការរាជធានី ប្រតិកម្មការចុះផ្សាយរបស់សារព័ត៌មានមួយ ដែលយករូបលោកស្នងការ ទៅផ្សព្វ​ផ្សាយមិនត្រឹមត្រូវ

ព័ត៌មានជាតិ២ ម៉ោង មុន

ឃុំអ្នកលឿង មានកុមារអាយុក្រោម២ឆ្នាំ និងស្ត្រីមានផ្ទៃពោះ គ្រួសារស្លាប់ដោយកូវីដបន្តទទួលសាច់ប្រាក់​រាជរដ្ឋាភិបាល​

Sokha Hotels

ព័ត៌មានពេញនិយម

Helistar Cambodia - Helicopter Charter Services