សន្តិសុខសង្គម
មេខ្យល់ម្នាក់ ត្រូវកម្លាំងអាវុធហត្ថឃាត់ខ្លួន ករណីនាំពលករធ្វើការនៅប្រទេសថៃខុសនិងច្បាប់
បន្ទាយមានជ័យ ៖ មេខ្យល់ម្នាក់ត្រូវកម្លាំងអាវុធហត្ថឃាត់ខ្លួន ជាប់ពាក់ព័ន្ធនាំពលករទៅរកការងារធ្វើនៅប្រទេសថៃដោយខុសនិងច្បាប់។
ការឃាត់ខ្លួនមេខ្យល់នេះនៅវេលាម៉ោង ៥ល្ងាច ថ្ងៃទី១៨ ឆ្នាំ ២០២២ កម្លាំងមូលដ្ឋានកងរាជអាវុធហត្ថស្រុក បានចុះល្បាតក្នុងភូមិសាស្ត្រ ភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យ ស្រាប់តែបានឃើញមានរថយន្ត១គ្រឿង ម៉ាកNISSANFROTIER ពណ៌ទឹកប្រាក់ ពាក់ស្លាកលេខ បន្ទាយមានជ័យ 2B-3443 ដឹកមនុស្សប្រុស ស្រី ជាច្រើននាក់កម្លាំងអាវុធហត្ថធ្វើការឃាត់រថយន្តធ្វើការសួរនាំ។
លោកវរសេនីយ៍ត្រី តាំង សុខហេង បានប្រាប់ឲ្យដឹងបន្តទៀតថា មនុស្យជិះក្នុងរថយន្តនោះមានគ្នាចំនួន១៤នាក់ ក្នុងស្ត្រីចំនួន៥នាក់់ និងអ្នកបើករថយន្ត១នាក់ ជាមេខ្យល់។
ក្រោយពីកម្លាំងជំនាញសាកសួរពលករទាំង១៣នាក់នោះបានឲ្យដឹងថា ពួកខ្លួនមកពីបណ្ដាខេត្តផ្សេងៗគ្នាបានធ្វើការទំនាក់ទំនងនិងមេខ្យល់ជាអ្នកបើករថយន្តដើម្បីឲ្យនាំពួកខ្លួនឆ្លងដែនទៅប្រទេសថៃរកការងារធ្វើ។ ចំណែកមេខ្យល់មានឈ្មោះ លឿម បូរី ភេទប្រុស អាយុ៤០ឆ្នាំ
រស់់់នៅភូមិចំបក់ ឃុំបឹងបេង ស្រុកម៉ាឡៃ ខេត្តបន្ទាយមានជ័យបានសារភាពថា ខ្លួនពិតជាបានដឹកពលករទាំងអស់បម្រុងឆ្លងដែនទៅរកការងារនៅប្រទេសថៃមែន។
ពលករទាំង១៣នាក់ ត្រូវបានកម្លាំងអាវុធហត្ថដឹកតាមរថយន្តបញ្ជូនទៅធ្វើតេស្តរហ័សនៅមណ្ឌលសុខភាពស្រុកម៉ាឡៃដើម្បីរកមេរោគកូវីដ-១៩ បើសិនអវិជ្ជមានអនុញ្ញាតឲ្យវិលត្រឡប់ទៅស្រុកកំណើតរៀងៗខ្លួនវិញ ដោយឡែកបើវិជ្ជមាន ត្រូវនៅសម្រាកព្យាបាលសិន ។
លោកវរសេនីយ៍ឯក ម៉ែន ភិរម្យ មេបញ្ជាការរងកងរាជអាវុធហត្ថខេត្ត ទទួលការងារស្រាវជ្រាវ និងបង្ក្រាបបទល្មើសបានឲ្យដឹងថា ដោយបានការអនុញ្ញាតពីលោកឧត្ដមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធីពី ឯកឧត្ដម កើត វណ្ណារ៉េត ព្រះរាជអាជ្ញាអមសាលាដំបូងខេត្តមេខ្យល់និងបញ្ជូនទៅតុលាការដើម្បីដាក់ទោសទៅតាមច្បាប់៕
ដោយ ៖ វ៉ាន់ ណាង
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ