ព័ត៌មានជាតិ
រាជបណ្ឌិត្យសភាកម្ពុជា បង្កើតឲ្យមានអ្នកចេះ ភាសាចិនកម្រិតខ្ពស់ ដើម្បីបកស្រាយអត្ថន័យ បុណ្យចិននានា
លោកបណ្ឌិត សុខ ទូច ប្រធានរាជបណ្ឌិត្យសភាកម្ពុជា មានប្រសាសន៍ថា រាជបណ្ឌិត្យសភាកម្ពុជា បានបង្កើតឲ្យមានក្រុមអ្នកជំនាញភាសាចិន ក្នុងកម្រិតខ្ពស់មួយក្រុម ដើម្បីចងក្រងជាឯកសារ និងបកស្រាយនូវអត្ថន័យ និងទំនៀមទម្លាប់ នៃការរៀបចំពិធីបុណ្យសែនក្បាលទឹក សែនកុងម៉ា ឬក៏ពិធីបុណ្យចូលឆ្នាំចិនជាដើម។
លោកបណ្ឌិត សុខ ទូច បានមានប្រសាសន៍ ក្នុងពិធីសិក្ខាសាលា ស្ដីពី ការបណ្ដុះបណ្ដាល គ្រូបង្រៀនភាសា ចិន ជាយុវជននៅកម្ពុជា ប្រចាំឆ្នាំ២០២១ នាព្រឹកថ្ងៃទី៦ ខែកញ្ញានេះថា កន្លងមកប្រជាពលរដ្ឋខ្មែរមួយចំនួន ដែលជាប់ខ្សែស្រឡាយចិន តែងតែនាំគ្នារៀបចំ ពិធីបុណ្យចូលឆ្នាំចិន សែនកុងម៉ា និងសែនក្បាលទឹកជាដើម ។ ប៉ុន្តែពួកគេ មិនទាន់យល់ច្បាស់ អំពីអត្ថន័យ ឬក៏ទំនៀមទម្លាប់ នៃការរៀបចំពិធីទាំងនោះឡើយ។ លោក ថា ដើម្បីពន្យល់ និងបកស្រាយនូវអត្ថន័យ និងទំនៀមទម្លាប់ នៃការរៀបចំពិធីខាងលើនេះ រាជបណ្ឌិត្យ សភាកម្ពុជា បានរៀបចំក្រុមអ្នកជំនាញផ្នែកភាសាចិន ក្នុងកម្រិតខ្ពស់មួយ ដើម្បីធ្វើកិច្ចការនេះ។
លោកបណ្ឌិត សុខ ទូច បានលើកឡើងថា «យើងដឹងវប្បធម៌ទាំងអស់ គឺធ្វើត្រាប់ ហាក់ដូចជា នៅក្នុងសម័យបុរាណកាល ឧទាហរណ៍ សែនកុងម៉ា សែនក្បាលទឹក ឬក៏ចូលឆ្នាំចិន សួរថាតើ ប្រជាជន យល់អត្ថន័យទេ? គឺអត់យល់ទេ អញ្ចឹងហើយបានជា រាជបណ្ឌិត្យសភា ខំបង្កើតឲ្យមានអ្នកចេះភាសាចិន ក្នុងកម្រិតធ្ងន់បំផុត ដើម្បីចងក្រងជាឯកសារ ហើយបកស្រាយ ទៅលើភាសាវប្បធម៌ទាំងអស់នោះ ដើម្បីឲ្យយល់គ្នា ទៅវិញទៅ មក ចៀសវាងការគ្រាន់តែដឹង ឬធ្វើត្រាប់តាមតគ្នា»។
បន្ថែមពីលើនេះ ប្រធានរាជបណ្ឌិត្យសភាកម្ពុជា លោកបណ្ឌិត សុខ ទូច បានលើកឡើងបន្ថែមថា មានប្រជា ពលរដ្ឋខ្មែរយើងមួយចំនួន ឃើញគេបិទអក្សរចិននៅផ្ទះ ឬរៀបចំសែនកុងម៉ាជាដើម ពួកគាត់បានរៀបចំ និង បិទដូចគេដែរ។ ប៉ុន្តែមិនបានសិក្សាស្វែងយល់ ឬដឹងអំពីអត្ថន័យ នៃការរៀបចំបិទអក្សរចិន ឬក៏សែនកុងម៉ា នោះឡើយ ហើយលោកថា លោកមិនចង់ឃើញបែបនេះឡើយ៕
អត្ថបទ៖ ឃួន សុភ័ក្រ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ