Connect with us

ព័ត៌មានជាតិ

បាក់​សង្កត់​ឡាន​ទំនើបមួយ​គ្រឿង អាជ្ញាធរ​ចុះ​ពិនិត្យ​ដើម​ឈើ​ ៣២ ដើម ដាំ​ជំនាន់បារាំង

បានផុស

នៅ

ខេត្តសៀមរាប៖ ខណ្ឌរដ្ឋបាលព្រៃឈើ រួមទាំងស្ថាប័នពាក់ពន្ធ័ កាលពីថ្ងៃទី៧ខែកញ្ញានេះ បានចុះពិនិត្យដើម្បីដកហូត និងកាត់ក្រីដើមឈើបង្កហានិភ័យលើដងផ្លូវ៣៨ខ្សែ រួមទាំងផ្លូវអមមាត់ស្ទឹង។

ការចុះពិនិត្យដើម្បីអនុវត្តផែនការនេះគឺ ក្រោយពីដើមឈើដ៍ធំ១ដើមដួលរលំសង្កត់រថយន្តសេរីទំនើប ១គ្រឿងបង្កការខូចខាតយ៉ាងដំណំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយខណ្ឌរដ្ឋបាលព្រៃឈើសៀមរាប លោកម៉ុង ប៊ុនលិម បានអោយដឹងថា ឆ្លងកាត់ការពិនិត្យលក្ខណបច្ចេកទេសពេញមួយថ្ងៃ ឃើញមានដើមឈើចំនួន ៣២ដើមដែលកំពុងបង្កហានិភ័យ។ ក្នុងនោះមានដើមគគី ដើមឈើទាល និងដើមចាន់គីរី។ ដើមឈើទាំង នោះគឺបានដាំតាំងពីសម័យអាណានិគមនិយមបារាំងក្នុងចន្លោះឆ្នាំ១៨៦៣ដល់ឆ្នាំ១៩៥៣ ដែលមកទល់ពេលនេះមានអាយុកាល១២០ទៅ១៦០ឆ្នាំ។

លោកបន្តថា ដោយសារអាយុកាលច្រើន និងមានកត្តាអាកាសធាតុ ខ្យល់កន្ត្រាក់ ហើយដើមឈើមួយ ចំនួនមានជំងឺពុកផុយ និងមួយចំនួនទៀតរងផលប៉ះពាល់ដល់ការកសាងហេដ្ឋារចនាសម្ពន្ធ័ផ្លូវថ្នល់ផងដើមមួយចំនួនចាំបាច់ ត្រូវកាត់មែកចេញដើម្បីជួយបន្ថយទម្ងន់ដើម ឯមួយចំនួនដែលងាប់ស្រាប់ត្រូវដកហូតចេញ។

ចំណែកលោកលី សំរិទ្ធ អភិបាលរងនិងជាអ្នក នាំពាក្យសាលាខេត្តសៀមរាប បានពន្យល់ថា ជាការពិតហើយដែលអាជ្ញាធរសម្រេចកាត់ក្រីមែកឈើបង្កហានិភ័យនៅក្នុងក្រុងសៀមរាប។ ធ្វើនេះគឺដើម្បីបញ្ជៀសគ្រោះថ្នាក់​ផ្សេងៗ។

លោកបន្តថា ថ្មីៗនេះមានដើមឈើដួលរលំសង្កត់ឡានរបស់ពលរដ្ឋបង្កការខូចខាតយ៉ាងខ្លាំង។ អីចឹងទេក្នុងនាមអាជ្ញាធរ សុំអំពាវនាវដល់ពលរដ្ឋគ្រប់រូប មេត្តាប្រុងប្រយត្ន័អោយបានខ្ពស់ទាំងការធ្វើដំណើរទាំងការឈប់ចតរថយន្តជាដើម។

សូមបញ្ជាក់ថា កាលពីព្រឹកថ្ងៃទី ៦ ខែ កញ្ញាឆ្នាំ ២០២១ ស្ថិតនៅមាត់ស្ទឹងសៀមរាប ជាប់នឹងកែងកាហ្វេប្រោន ក្នុងសង្កាត់សាលាកំរើក មានដើមឈើដ៍ធំ១ដើមបានដួលរលំសង្កត់រថយន្តសេរីទំនើប១គ្រឿង​ម៉ាកឆែរ៉ូលែក ពណ៌សពាក់ផ្លាកលេខ ភ្នំពេញ ២AÓ ៣២៥៨ ដែលមានម្ចាស់ឈ្មោះលឹម ឃាង ភេទប្រុសអាយុ៧១ឆ្នាំ បណ្តាលរងការខូចខាតយ៉ាងខ្លាំង ប៉ុន្តែមិនបង្កគ្រោះថ្នាក់ដល់មនុស្ស។ ក្រោយមានគ្រោះថ្នាក់នេះ ជំនាញរដ្ឋបាលព្រៃឈើ ចុះពិនិត្យដកហូតនិងកាត់ក្រីមែកឈើដែលបង្កហានិភ័យតាមដងផ្លូវនៃក្រុងសៀមរាប៕

អត្ថបទ៖ គឿនវេត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច១៨ នាទី មុន

ឥណ្ឌា​វ៉ា​ដាច់​គូ​ប្រជែង​​នៅ​អាស៊ី​ផ្សេង​ទៀត​​ ក្លាយ​ជា​មជ្ឈ​មណ្ឌល​ទិន្នន័យ​ធំ​ផុត​ បន្ទាប់​ពី​ចិន​

ព័ត៌មានអន្ដរជាតិ១ ម៉ោង មុន

ចិន នឹង​ប្រើ​កម្លាំង​បាយ បញ្ឈប់​​ការ​ទាមទារ​ឯករាជ្យ​របស់​តៃវ៉ាន់

ព័ត៌មានអន្ដរជាតិ១ ម៉ោង មុន

អេហ្ស៊ីប ទាមទារឲ្យ អ៊ីស្រាអែល ដកខ្លួនចេញពីច្រកឆ្លងកាត់ទីក្រុង Rafah

ព័ត៌មានជាតិ១ ម៉ោង មុន

ក្រុមហ៊ុនជប៉ុន សន្យាបង្កើនការទទួលយកពលករខ្មែរទៅធ្វើការនៅជប៉ុនឱ្យច្រើនថែមទៀត

សន្តិសុខសង្គម១ ម៉ោង មុន

នាយកកំពង់ចម្លងភ្នំពេញ អរិយក្សត្រ សម្រេចបញ្ឈប់អ្នកបើកបរស្រឡាងម្នាក់ក្រោយបែកធ្លាយកាយវិការយកជើងបញ្ជាចង្កូត

កីឡា២១ ម៉ោង មុន

អបអរសាទរ! វិសាខា ឈ្នះជើងឯក WSVI ក្រោយបំបាក់ម្ចាស់ផ្ទះ Win Streak ៣-១

សន្តិសុខសង្គម៩ ម៉ោង មុន

គយចល័តតំបន់៦ នៅមិនទាន់ចេញលទ្ធផលយ៉ាងណានោះទេ ពាក់ព័ន្ធការចុះដកហូតទូរស័ព្ទជាង១ពាន់គ្រឿងនៅខេត្តត្បូងឃ្មុំ

ព័ត៌មានជាតិ៦ ម៉ោង មុន

ទំនប់​ស្ទាក់ទឹក​​ស្អាត​ដ៏​ធំមួយ​​​លើ​ភ្នំ​បូកគោ បញ្ចប់​សាងសង់​នៅ​ ២ ខែ​ទៀត ​អាច​ផ្ទុក​ទឹក​បាន ១ លាន​​ម៉ែត្រ​គីប​

ព័ត៌មានអន្ដរជាតិ៧ ម៉ោង មុន

អតីតមេបក្សឈ្នះឆ្នោត ថៃ ត្រៀមខ្លួនធ្វើជានាយករដ្ឋមន្ត្រី បើលោក សេដ្ឋា ត្រូវដកតំណែង

ព័ត៌មានជាតិ៤ ម៉ោង មុន

ក្រុមហ៊ុនជប៉ុន MIRARTH Green Tech នឹងសម្ពោធរោងចក្រកែច្នៃគ្រាប់ស្វាយចន្ទីនៅខេត្តកំពង់ធំ នាថ្ងៃស្អែក

Sokha Hotels

ព័ត៌មានពេញនិយម