ព័ត៌មានជាតិ
សមត្ថកិច្ចបង្ក្រាបបទល្មើសលួច ឆក់ ក្នុងរាជធានីបានជិត១០០នាក់ ក្នុង១ខែ
ក្នុងរយៈពេល១ខែនៃខែសីហា ឆ្នាំ២០២១នេះ សមត្ថកិច្ចបង្ក្រាបបទល្មើស លួច ឆក់ ក្នុងរាជធានីភ្នំពេញបានចំនួន ៦៤ករណី ដោយឃាត់ខ្លួនជនសងស្ស័យបានជិត១០០នាក់។
យោងតាមរបាយការណ៍របស់គណៈបញ្ជាការអនុវត្តផែនការសកម្មភាពបង្ការ ទប់ស្កាត់ និងបង្ក្រាបអំពើលួច ឆក់ នៅរាជធានីភ្នំពេញ ដែលបានចេញផ្សាយនៅថ្ងៃនេះបានឱ្យដឹងថា ក្នុងរយៈពេល១ខែ នៃខែសីហា ឆ្នាំ២០២១នេះ កម្លាំងសមត្ថកិច្ចបង្ក្រាបបទល្មើសលួច ឆក់ ក្នុងរាជធានីភ្នំពេញ បានចំនួន ៦៤ករណី លើ៦៧ករណី ថយចុះ ៣ករណី ស្មើនឹង ៤% ប្រៀបធៀបខែកក្កដា ឆ្នាំ២០២១។ បទល្មើសទាំង៦៤ករណីនេះ សមត្ថកិច្ចបានឃាត់ខ្លួនជនសង្ស័យចំនួន ៩១នាក់ ស្មើនឹង ១០០% នៃបទល្មើសដែលកើតឡើង (បទល្មើសលួច ៥៦លើ៥៦ករណី បទល្មើសឆក់ ៨លើ៨ករណី)។

ជនសង្ស័យក្រោយការបង្ក្រាប បានរកឃើញធ្លាប់ប្រើសារធាតុញៀនចំនួន ៧៥នាក់ ស្មើនឹង ៨៤%។
របាយការណ៍បានបញ្ជាក់ថា ក្នុងបទល្មើសចំនួន ៦៤ករណី រួមមាន បទល្មើសលួច ៥៦លើ៥៦ករណី បទល្មើសឆក់ ៨លើ១១ករណី ថយ៣ករណី (ពុំមានជនរងគ្រោះជាជនបរទេសនោះទេ)។
របាយការណ៍ដដែលបានបញ្ជាក់ថា ខណ្ឌដែលមានបទល្មើសលួច ឆក់ ច្រើនលើសពី៥លើក មានចំនួន៥ខណ្ឌ៖ ១-. ខណ្ឌច្បារអំពៅ ចំនួន៨លើក ២. ខណ្ឌសែនសុខ ចំនួន ៦លើក ៣. ខណ្ឌមានជ័យ ចំនួន១១លើក ៤. ខណ្ឌទួលគោក ចំនួន៨លើក និង៥. ខណ្ឌដង្កោ ចំនួន៥លើក។
ទន្ទឹមនឹងកិច្ចប្រតិបត្តិការបង្ការ ទប់ស្កាត់ និងបង្ក្រាប ទទួលបានលទ្ធផលល្អយ៉ាងណាក៏ដោយ ក៏គណៈបញ្ជាការអនុវត្តផែនការសកម្មភាពបង្ការ ទប់ស្កាត់ និងបង្ក្រាបអំពើលួច ឆក់ នៅរាជធានីភ្នំពេញ នៅបន្តដាក់ចេញទិសដៅ និងវិធានការសំខាន់ៗនានាមួយចំនួនដើម្បីឱ្យបទល្មើសមានការថយចុះបន្តទៀត៕
អត្ថបទ៖ សំអឿន

-
ព័ត៌មានអន្ដរជាតិ១១ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២១ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?