លោកជំទាវ ឱ វណ្ណឌីន៖ យើងនឹងអាចចេញពីប្រអប់កូវីដ-១៩ បានភ្លាមៗ នៅពេលមនុស្សបន្តអនុវត្ត៣កុំ ៣ការពារ បានត្រឹមត្រូវ
Connect with us
Helistar Cambodia - Helicopter Charter Services

ព័ត៌មានជាតិ

លោកជំទាវ ឱ វណ្ណឌីន៖ យើងនឹងអាចចេញពីប្រអប់កូវីដ-១៩ បានភ្លាមៗ នៅពេលមនុស្សបន្តអនុវត្ត៣កុំ ៣ការពារ បានត្រឹមត្រូវ

បានផុស

នៅ

​លោកស្រី​វេជ្ជបណ្ឌិត ឱ វណ្ណឌី​ន រដ្ឋលេខាធិការ​ក្រសួងសុខាភិបាល និង​ជា​ប្រធាន​គណៈកម្មការ​ចំពោះ​កិច្ច​ទទួលបន្ទុក​ដឹកនាំ​ការងារ​ចាក់​វ៉ាក់សាំង​ទូទាំងប្រទេស​បាន​មានប្រសាសន៍ថា យើងនឹងអាចចេញពីប្រអប់កូវីដ១៩ (COVID-19) បានភ្លាមៗ នៅពេលមនុស្សបន្តអនុវត្ត៣កុំ និង៣ការពារ បានត្រឹមត្រូវ និងទៀងទាត់សម្រាប់ជីវិតប្រចាំថ្ងៃ។​

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​លោកស្រី​វេជ្ជបណ្ឌិត ឱ វណ្ណឌី​ន បានបញ្ជាក់​យ៉ាង​ដូច្នេះ​ថា “​សង្ឃឹមថា យើង​អាច​ចេញពី​ប្រអប់ COVID-19 បាន​ភ្លាមៗ​នៅពេលដែល​មនុស្ស​បន្ត​អនុវត្ត ៣​ការពារ និង​៣​កុំ បាន​ត្រឹមត្រូវ និង​ទៀងទាត់​សម្រាប់​ជីវិត​ប្រចាំថ្ងៃ​របស់​ពួកគេ​។ ការរៀនសូត្រ ដោយ​ការអនុវត្ត​ដោយ​ប្រុងប្រយ័ត្ន​នូវ​វិធានការ​ការពារ​ចាំបាច់​នានា អនុញ្ញាតឱ្យ​យើង​វិលត្រឡប់​មករក​ភាពប្រក្រតី​ភាព​ថ្មី​ដោយ​បើក​ដំណើរការ​អាជីវកម្ម​ដោយ​សុវត្ថិភាព​”​។​

​ជាការ​កត់​សម្គាល់ការ​លើកឡើង​របស់លោក​វេ​ជ្ជ​បណ្ឌិត ឱ វណ្ណឌី​ន បន្ទាប់ពី​សម្តេច​តេ​ជោ ហ៊ុន សែន ប្រមុខ​នៃ​រាជរដ្ឋាភិបាល​បាន​បង្ហើប​ពី​ការបើក​សេដ្ឋកិច្ចសង្គម​ឡើងវិញ ប្រសិនបើ​ចំនួន​អ្នក​ឆ្លង​ជំងឺ​កូ​វីដ​-១៩​ បាន​ថយចុះ​ក្រោយ​បុណ្យ​ភ្ជុំបិណ្ឌ​។​

​នៅក្នុង​កិច្ចប្រជុំពេញអង្គ​គណៈរដ្ឋមន្ត្រី កាលពី​ថ្ងៃទី​៨ ខែតុលា ម្សិលមិញ សម្ដេច​តេ​ជោ ហ៊ុន សែន មានប្រសាសន៍ថា ការធ្វើដំណើរ​កម្សាន្ដរ​បស់​ប្រជាពលរដ្ឋ ក្នុងឱកាស​ពិធីបុណ្យ​ភ្ជុំបិណ្ឌ​កន្លងទៅនេះ គឺជា​ការសាកល្បង ដើម្បី​ឈានទៅដល់​ការបើក​ប្រទេស​ឡើងវិញ លើ​គ្រប់​វិស័យ​។ សម្តេច​ថា ប្រសិនបើ​ក្នុង​រង្វង់​១០ ទៅ​១៥​ថ្ងៃ ស្ថានភាព​របស់​យើង នៅ​នឹងន អត្រា​ឆ្លង​ត្រឹម​ប៉ុណ្ណេះ​ដូច​រាល់ថ្ងៃ និង​ការស្លាប់​ត្រឹម​កម្រិត​ប៉ុណ្ណេះ​យើង​គិតថា ដល់ពេល​វេលា ដែល​យើង​ត្រូវ​បើក​សេដ្ឋកិច្ច និង​សង្គម​ឡើងវិញ លើ​គ្រប់​វិស័យ តែ​ទៅតាម​គន្លង​ថ្មី ជាមួយនឹង​វិធានការ ៣​កុំ ៣​ការពារ ដែល​នាំទៅដល់​ការ​ងើប​ឡើងវិញ នៃ​សេដ្ឋកិច្ច​របស់​យើង​។​

​បើតាម​សម្ដេច​តេ​ជោ​នាយករដ្ឋមន្ត្រី ទាំង​IMF ទាំង​ធនាគារពិភពលោក និង​ស្ថាប័នហិរញ្ញវត្ថុ​ដទៃទៀត បាន​ព្យាករ​ដំឡើង​អត្រា នៃ​កំណើនសេដ្ឋកិច្ច របស់​កម្ពុជា​ពី​១,៨​ភាគរយ ទៅ​២,២​ភាគរយ​នៅ​ឆ្នាំ​២០២១ ដែល​កាលពី​ពេលមុន​យើង​បាន​ព្យាករ​កំណើនសេដ្ឋកិច្ច​ថា អាចមាន​កំណើន​៤,៣​ភាគរយ​។ ក៏ប៉ុន្តែ​ដោយសារ​ការវាយលុក នៃ​ជំងឺ​កូ​វីដ​-១៩ គឺ​មានការ​ព្យាករ​សារជាថ្មី​ថា កំណើនសេដ្ឋកិច្ច របស់​កម្ពុជា​ធ្លា​ក់នៅ​១,៨​ភាគរយ តែ​ក្រោយមក​ស្ថាប័នហិរញ្ញវត្ថុ​អន្តរជាតិ​នានា បាន​វាយតម្លៃថា សេដ្ឋកិច្ច​របស់​កម្ពុជា នឹង​ឡើងដល់​២,២​ភាគរយ នៅក្នុង​ឆ្នាំនេះ​។​

​យ៉ាងណាក៏ដោយ បើតាម​សម្ដេច​តេ​ជោ ហ៊ុន សែន ប្រសិនបើ​២​ខែ​ចុងក្រោយ នៃ​ចុងឆ្នាំ​២០២១​នេះ យើង​អាច​បើក​សេដ្ឋកិច្ចសង្គម ជាពិសេស​វិស័យ​ទេសចរណ៍​ផ្ទៃក្នុង និង​សេវា​ដទៃទៀត គឺ​កំណើនសេដ្ឋកិច្ច​របស់​ក​ម្ពុ​ជា អាច​នឹងមាន​ការឡើង​បន្តិចទៀត ហើយ​ចំណូល​ថវិកាជាតិ នឹង​អាច​វិលត្រឡប់​មកកាន់​ស្ថានភាព​ល្អប្រសើរ​៕

អត្ថបទ៖ កោះ​កែវ​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៤ នាទី មុន

អ្នកចាក់វ៉ាក់សាំង Pfizer ជាដូសជំរុញ បង្កើនភាពស៊ាំការពារ អូមីក្រុង រហូតដល់ ២០០ ដង

ព័ត៌មានអន្ដរជាតិ៥៩ នាទី មុន

អូមីក្រុង មិនមែនជាវីរុសបំប្លែងខ្លួនចុងក្រោយឡើយ មេរោគថ្មីៗនឹងលេច ឡើងទៀតក្នុងឆ្នាំ ២០២២ នេះ

ព័ត៌មានជាតិ៩ ម៉ោង មុន

បេក្ខជន​ឈរឈ្មោះ​បោះឆ្នោត​សង្កាត់​ជាប់​ពេញសិទ្ធិ​ហើយ​ត្រូវ​រួមសុខ​រួមទុក្ខ​ជាមួយ​ប្រជាជន​គ្រប់​កាលៈទេសៈ​ធ្វើ​ការជូន​ប្រជាជន​ដោយ​មិន​រុញ​រា​និង​ខ្លាច​ពី​ការនឿយហត់​

ចរាចរណ៍១០ ម៉ោង មុន

រថយន្ត​ធំ​សឺ​មី​រ៉ឺម៉ក​បុក​រះ​បង្គោល​ភ្លើងស្តុប ២​ដើម គំរប​លូ ១​កន្លែង ស្លាកសញ្ញា​មើលផ្លូវ​១​កន្លែង ផ្ទះ​១​ខ្នង សំណាង​មិន​បុក​មនុស្ស

ព័ត៌មានជាតិ១០ ម៉ោង មុន

តារាចម្រៀង វណ្ណ ណា​រ៉ា ក្រោយ​ឆ្លងកាត់​អាជីព​ច្រើន​ឆ្នាំ​បច្ចុប្បន្ន​កំពុង​លេចធ្លោ​ក្នុង​កម្មវិធី​លំដាប់​ពិភព លោក​មួយ​

Sokha Hotels

ព័ត៌មានពេញនិយម

Helistar Cambodia - Helicopter Charter Services