ព័ត៌មានជាតិ

ឃាត់ខ្លួនជនសង្ស័យ២នាក់ ពាក់ព័ន្ធករណីប្រើប្រាស់គ្រឿងញៀនបញ្ជូនទៅតុលាការ

បានផុស

២ years មុន

នៅ

ថ្ងៃចន្ទ ១១ តុលា ២០២១

ដោយ

រតនគិរី ៖ នៅវេលាម៉ោង១២និង០០នាទីថ្ងៃត្រង់ថ្ងៃទី១១ ខែតុលា ឆ្នាំ២០២១ កម្លាំងអធិការដ្ឋាននគរបាលក្រុងបានលុង បានសហការជាមួយនឹងកម្លាំងនគរបាលរដ្ឋបាលប៉ុស្តិ៍សង្កាត់យក្ខឡោម បានឃាត់ខ្លួនជនសង្ស័យ២មុខសញ្ញា ពាក់ព័ន្ធករណីប្រើប្រាស់នូវសារធាតុញៀនដោយខុសច្បាប់(បង្ក្រាបជាក់ស្តែង) នៅត្រង់ចំណុចភូមិគ្រឹះយក្ខឡោម ស្ថិតនៅក្នុងភូមិភ្នំ សង្កាត់យក្ខឡោម ក្រុងបានលុង ក្នុងនោះដោយមានការសម្របសម្រួលនិតិវិធីពីលោក កែវ ភក្តី ព្រះរាជអាជ្ញារងអមសាលាដំបូងខេត្ត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមរបាយការណ៍ពីនគរបាលបានឲ្យដឹងថា ជនសង្ស័យ២នាក់ ១-ឈ្មោះ ធំ រ៉ា ភេទប្រុស អាយុ៥៧ឆ្នាំ ជនជាតិខ្មែរ មុខរបរកម្មករ មានអាសយដ្ឋាននៅភូមិ១ សង្កាត់កាចាញ ក្រុងបានលុង ខេត្តរតនគិរី។

២-ឈ្មោះ មណ្ឌល សិលា ភេទប្រុស អាយុ១៧ឆ្នាំ មុខរបរមិនពិតប្រាកដ រស់នៅភូមិ៧មករា សង្កាត់ឡាបានសៀក ក្រុងបានលុង ខេត្តរតនគិរី។

របាយការណ៍បានបញ្ជាក់ថា វត្ថុតាងដកហូតរួមមាន -ម្សៅក្រាមពណ៌ស ថ្លា សង្ស័យជាសារធាតុញៀនចំនួន១កូនថង់តូច(មិនទាន់ថ្លឹង)។ -ឧបករណ៍សេពគ្រឿងញៀនមួយចំនួន។ -ម៉ូតូ១គ្រឿងម៉ាក វ៉េវឆ្លាម ពណ៌ខ្មៅ គ្មានស្លាកលេខ។ -និងម៉ូតូសង់ឌ្រីស៊េរីចាស់ អត់ខោអាវ ពណ៌ខ្មៅ គ្មាន ស្លាកលេខ ចំនួន១គ្រឿង។

ក្នុងនោះ សមត្ថកិច្ចបានធ្វើតេស្តរកមេរោគជំងឺកូវី១៩អវិជ្ជមាន(-)។

ដោយឡែកធ្វើតេស្តរកសារធាតុញៀន ឃើញថាវិជ្ជមាន(+)ទាំង២នាក់។

បច្ចុប្បន្នជនសង្ស័យរួមទាំងវត្ថុតាងកំពុងឃាត់ខ្លួននិងរក្សាទុកបណ្តោះអាសន្ននៅអធិការដ្ឋាននគរបាលក្រុងបានលុង ដើម្បីកសាងសំណុំរឿង បញ្ជូនទៅអយ្យការអមសាលាដំបូងខេត្តចាត់ការទៅតាមនីតិវិធី៕

ដោយ ៖ វុទ្ធឦសាន