ព្រះមហាក្សត្រ យាងនិវត្តន៍ពីការចូលរួមមហាសន្និបាតលើកទី ៤១ របស់អង្គការយូណេស្កូវិញហើយ នាព្រឹកនេះ
Connect with us

ព័ត៌មានជាតិ

ព្រះមហាក្សត្រ យាងនិវត្តន៍ពីការចូលរួមមហាសន្និបាតលើកទី ៤១ របស់អង្គការយូណេស្កូវិញហើយ នាព្រឹកនេះ

បានផុស

នៅ

ព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ព្រះអង្គបានយាងនិវត្តន៍ ពីការចូលរួមមហាសន្និបាតលើកទី ៤១ របស់អង្គការយូណេស្កូ ក្នុងឱកាសខួបលើកទី ៧៥ នាទីក្រុងប៉ារីស សាធារណារដ្ឋបារាំងវិញហើយ នៅវេលាម៉ោង ១០ និង ២៦នាទីព្រឹក ថ្ងៃចន្ទទី ១៥ ខែវិច្ឆិកា ឆ្នាំ២០២១​។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យាង និងអញ្ជើញទទួលព្រះរាជវត្តមានរបស់ព្រះមហាក្សត្រ នាព្រឹកនេះមាន សម្ដេចតេជោ ហ៊ុន សែន នាយករដ្ឋមន្ត្រី, សម្តេចពញាចក្រី ហេង សំរិន ប្រធានរដ្ឋសភា, សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួង មហាផ្ទៃ, សម្ដេចវិបុលសេនាភក្តី សាយ ឈុំ ប្រធានព្រឹទ្ធសភា, សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ, រួមទាំងថ្នាក់ដឹកនាំ មន្ត្រីរាជការ តាមក្រសួង-ស្ថាប័ន ជាច្រើនរូបផ្សេងទៀត។

សូមជម្រាបថា ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បានយាងចូលរួមក្នុងមហាសន្និបាតលើកទី ៤១ របស់អង្គការយូណេស្កូ ក្នុងឱកាសខួបលើក ទី៧៥ នៃអង្គការនេះ កាលពីថ្ងៃទី ១០ ខែវិច្ឆិកា ហើយកិច្ចប្រជុំនេះធ្វើឡើងរយៈពេល ៥ថ្ងៃ ដោយចាប់ពីថ្ងៃទី ១០ ដល់ថ្ងៃទី ១៤ ខែវិច្ឆិកា ឆ្នាំ ២០២១ នៅទីក្រុងប៉ារីស សាធារណរដ្ឋបារាំង។

ការយាងចូលរួម ក្នុងមហាសន្និបាតលើកទី ៤១ របស់អង្គការយូណេស្កូ តបតាមការយាងរបស់លោកជំទាវ អូដ្រេយ អាហ្សូឡេយ (Audrey Azoulay) អគ្គនាយិកានៃអង្គការអប់រំ វិទ្យាសាស្ត្រ និងវប្បធម៌របស់អង្គការសហប្រជាជាតិ (យូណេស្កូ)។

នៅថ្ងៃទី ១២ ខែវិច្ឆិកា ឆ្នាំ ២០២១ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី បានថ្លែងព្រះរាជសុន្ទរកថា នៅក្នុងពិធីបើកសម័យប្រជុំជាផ្លូវការ នៃមហាសន្និបាតនេះ ដោយផ្តោតលើសមិទ្ធផលសំខាន់ៗ នៃអង្គការយូណេស្កូ នៅក្នុងប្រទេសកម្ពុជា។

ចាប់តាំងពីត្រូវបានបង្កើតឡើងនៅឆ្នាំ ១៩៤៥ អង្គការយូណេស្កូ បានរួមចំណែកយ៉ាងសំខាន់ ដល់ការលើកតម្កើងវិស័យអប់រំ វិទ្យាសាស្រ្ត វប្បធម៌ និងការប្រាស្រ័យទាក់ទងគ្នា នៅក្នុងពិភពលោក តាមរយៈកម្មវិធីកិច្ចសហប្រតិបត្តិការពហុភាគី៕

អត្ថបទ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

លី​គ​អេឡិចត្រូនិក​អាជីព 2022 MPL-KH Pro League រកឃើញ​ក្រុម​ឡើង​វគ្គ​វិលជុំ​សន្សំ​ពិន្ទុ​

ព័ត៌មានជាតិ៣ ម៉ោង មុន

រដ្ឋាករ​ទឹក​ស្វយ័ត​ក្រុង​ភ្នំពេញ​ ផ្អាក​ផ្គត់ផ្គង់​ទឹក​ស្អាត​នៅលើ​ផ្លូវ​៣K នា​ថ្ងៃ​ទី២៧នេះ ចាប់​ពី​ម៉ោង​១០​ព្រឹក​រហូត​ដល់​បញ្ចប់​ការជួស​ជុល​

បច្ចេកវិទ្យា៤ ម៉ោង មុន

iPhone ដំណើរការមុខងារ ដោះសោទ្វារបន្ទប់សណ្ឋាគារ

ជីវិតកម្សាន្ដ៥ ម៉ោង មុន

ត្រឹមស្លៀកពាក់ស្ដើងឃើញសាច់ក្នុងតិចៗសោះ តារាកូរ៉េ ៥រូបនេះ ឡើង Hot

ព័ត៌មានជាតិ៦ ម៉ោង មុន

ការស្ថាបនា​កំណាត់​ផ្លូវជាតិ​លេខ​៩៥ ដោយ​ក្រាល​កៅស៊ូ​ប្រភេទ​DBST សម្រេចបាន ៧៥%​ហើយ គ្រោង​នឹង​បញ្ចប់​ក្នុង​ខែកុម្ភៈនេះ

Sokha Hotels

ព័ត៌មានពេញនិយម