Connect with us

ព័ត៌មានជាតិ

ក្រសួងឧស្សាហកម្ម ចុះកិច្ចព្រមព្រៀងលើគម្រោងអភិវឌ្ឍន៍ សេវាកម្មការិយាល័យកម្មសិទ្ធិបញ្ញា ជាមួយ (WIPO)

បានផុស

នៅ

ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍កម្ពុជា និងអង្គការកម្មសិទ្ធិបញ្ញាពិភពលោក បានចុះហត្ថលេខាលើកិច្ចព្រមព្រៀងកិច្ចសហប្រតិបត្តិការ លើគម្រោងអភិវឌ្ឍន៍សេវាកម្មការិយាល័យកម្មសិទ្ធិបញ្ញា (WIPO)។ ពិធីនេះ ធ្វើឡើងនៅល្ងាចថ្ងៃទី ១៧ ខែវិច្ឆិកា ឆ្នាំ ២០២១ តាមរយ:កិច្ចប្រជុំ តាមប្រព័ន្ធអនឡាញ រវាងលោកបណ្ឌិត ចម ប្រសិទ្ធ ទេសរដ្ឋមន្រ្តី រដ្ឋមន្រ្តីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និង លោក Daren Tang អគ្គនាយកអង្គការកម្មសិទ្ធិបញ្ញាពិភពលោក (WIPO)។

លោកទេសរដ្ឋមន្រ្តី ចម ប្រសិទ្ធ បានលើកឡើងអំពីការរីកចំរើនវិស័យកម្មសិទ្ធិបញ្ញាកម្ពុជា ជាពិសេសផ្នែកប្រកាស នីយបត្រតក្កកម្ម (Patent) ដើម្បី​ការពារតក្កកម្ម និងគំនូរឧស្សាហកម្ម (Industrial Design) ក្រោយពេលដែលកម្ពុជា បានចូលជាសមាជិកសិទ្ធិសញ្ញាសហប្រតិបត្តិការ ប្រកាសនីយបត្រតក្កកម្ម (PCT) កាលពីថ្ងៃទី ៨ ខែធ្នូ ឆ្នាំ ២០១៦ និងការចូលជាសមាជិកកិច្ចព្រមព្រៀងទីក្រុង ហេច (ឡាអេ ) សម្រាប់ការចុះបញ្ជីគំនូរឧស្សាហកម្មជាងន្តរជាតិ កាលពីថ្ងៃទី ២៥ ខែកុម្ភៈ ឆ្នាំ ២០១៧ មកដល់បច្ចុប្បន្ន។

លោកទេសរដ្ឋមន្រ្តី ក៏បានជម្រាបជូនផងដែរ អំពីលទ្ធផលនៃកិច្ចសហប្រតិបត្តិការ ជាមួយអង្គភាពកម្មសិទ្ធិបញ្ញាធំៗមួយចំនួនរួមមានដូចជា៖ អង្គភាពកម្មសិទ្ធិបញ្ញា សឹង្ហបុរី -ជប៉ុន -កូរ៉េ -អឺរ៉ុប -ចិន និង អង្គភាព ប្រកាសនីយបត្រ តក្កកម្ម ពាណិជ្ចកម្ម សហរដ្ឋអាមេរិក (USPTO)។

លោក Daren Tang អគ្គនាយកអង្គការកម្មសិទ្ធិបញ្ញាពិភពលោក បានជម្រាបជូនលទ្ធផល ដែលសម្រេចបានការប្រើប្រាស់កម្មសិទ្ធិបញ្ញា សម្រាប់ការអភិវឌ្ឍបច្ចេកវិទ្យា និងនវានុវត្តន៍ ព្រមទាំងអំពីការផ្តល់ជំនួយបច្ចេកទេសផ្នែកព័ត៌មានវិទ្យា ដល់អង្គភាពកម្មសិទ្ធបញ្ញា នៃប្រទេសជាសមាជិកចំនួន ៩០ប្រទេស។

ខ្លឹមសារ នៃពិធីចុះហត្ថលេខានេះផងដែរ គឺអង្គការ WIPO នឹងផ្តល់ជំនួយបច្ចេកទេសដល់ក្រសួង ក្នុងការលើកកំពស់ប្រព័ន្ធស្វ័យប្រវត្តិកម្មជំនាន់ទី ៣ ( Industrial Property Automation System Version 3 [IPAS-3]) ទៅជាជំនាន់ទី ៤ Version 4 ដែលហៅពេញថា IPAS-4សម្រាប់កែលម្អរប្រព័ន្ធព័ត៌មានវិទ្យា ដើម្បីឲ្យមាន ប្រសិទ្ធភាពបម្រើដល់ការបោះពុម្ពផ្សាយតាមអេឡិចត្រូនិច (e-Publication) -ការដាក់ពាក្យសុំតាមអេឡិចត្រូនិច (e-filing)-ការគ្រប់គ្រងសម្រាប់ប្រកាសនីយបត្រតក្កកម្ម និងគំនូរឧស្សាហកម្ម -បណ្តុះបណ្តាល មន្ត្រីអំពីការប្រើប្រាស់ប្រព័ន្ធ IPAS-4- ការផ្តល់ជំនួយបច្ចេកទេស ក្នុងការបង្កើតមជ្ឈមណ្ឌលគាំទ្របច្ចេកវិទ្យា និងនវានុវត្តន៍ (TISC) ដើម្បីជួយជំរុញសកម្ម ភាពស្រាវជ្រាវ និងអភិវឌ្ឍ ក្នុងដំណាក់កាល នៃការរីករាលដាលជំងឺកូវីដ -១៩៕

អត្ថបទ៖ ណារី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៥ ម៉ោង មុន

ពលរដ្ឋ​មក​ទទួល​វ៉ាក់សាំង​ដូ​ស​ជំរុញ​ក្នុង​ខេត្តកោះកុង មិនទាន់​សម្រេច​ដល់​គោលដៅ​ចង់បាន​

ព័ត៌មានជាតិ៦ ម៉ោង មុន

ត្រីភាគី​ដាក់​តួលេខ​ប្រាក់​ឈ្នួល​ចុងក្រោយ​ជូន​ក្រុមប្រឹក្សា​ជាតិ​ប្រាក់​ឈ្នួល​សម្រេច​នៅ​ថ្ងៃទី​២១​កញ្ញា​ខាងមុខ

វប្បធម៌ ជំនឿ៦ ម៉ោង មុន

ពណ៌ផ្ទះហុងស៊ុយ​ ស្របតាមទិសទាំង ៨ ជួយទាក់ទាញសំណាងទ្វេដង

ព័ត៌មានជាតិ៧ ម៉ោង មុន

សពលោក ប៊ូ ឡាំ អតីត​អ្នកតំណាងរាស្ត្រ​ខេត្ត​រតនគិរី​ បាន​ដឹក​ពី​ប្រទេសវៀតណាមមកដល់កម្ពុជាហើយ ដើម្បី​រៀប​ចំ​ធ្វើ​បុណ្យ​តាម​ប្រពៃណី

ព័ត៌មានជាតិ៧ ម៉ោង មុន

រដ្ឋមន្ត្រី​ក្រសួងសាធារណការ​ ត្រៀម​ប្រើម៉ាស៊ីនទំនើប​ ដែល​អាច​ជំនួសមនុស្ស​ ក្នុងការចូលលូ​ លើកដំបូង​ក្នុង​ប្រទេស​កម្ពុជា

Sokha Hotels

ព័ត៌មានពេញនិយម