សេដ្ឋកិច្ចក្រៅប្រព័ន្ធចាប់ផ្តើម​កម្រើកឡើងវិញ ​

ស្ថានភាពវិស័យសេដ្ឋកិច្ចក្រៅប្រព័ន្ធ មានភាពល្អប្រសើរជាងមុន ក្រោយពីប្រមុខរាជរដ្ឋាភិបាលប្រ​កាស​​បើក​ប្រទេស​ឡើងវិញ​គ្រប់​វិស័យ​ចាប់តាំងពីថ្ងៃទី ១ ខែវិច្ឆិកា ឆ្នាំ ២០២១។

លោក វន់ ពៅ ប្រធាន​សមាគម​ប្រជាធិបតេយ្យ​នៃសេដ្ឋកិច្ច​ក្រៅប្រព័ន្ធ បានឱ្យដឹងថា ស្ថានភាពអ្នករត់ម៉ូតូ កង់បី អ្នកលក់ដូរតាមដងផ្លូវ មានជីវភាពប្រសើរជាមុនបន្ដិច បើប្រៀបធៀបកាលពីមិនទាន់បើក។

លោក វន់ ពៅ បានបន្តថា បន្ទាប់ពីបើកប្រទេសឡើងវិញ មានអតិថិជនធ្វើដំណើរ ទើបធ្វើឱ្យពួកគាត់រកប្រាក់ចំណូលបន្ថែម ប៉ុន្តែតម្លៃប្រេងសាំង ហ្គាស និងទំនិញឡើងថ្លៃ ក៏ជាបញ្ហាសម្រាប់អ្នកប្រកបរបរសេដ្ឋកិច្ចក្រៅប្រព័ន្ធផងដែរ។

ប្រមុខរាជរដ្ឋាភិបាល បានប្រកាសបើកប្រទេសឡើងវិញគ្រប់វិស័យ ចាប់តាំងពីថ្ងៃទី ១ ខែវិច្ឆិកា បន្ទាប់ពីសម្រេចបានលទ្ធផលនៃការចាក់វ៉ាក់សាំងជិត ៩០ ភាគរយ និងការគ្រប់គ្រងបាននូវការឆ្លងជំងឺកូវីដ១៩ ព្រមទាំងការយល់ដឹងពីការការពារខ្លួន ពីការឆ្លងជំងឺកូវីដ១៩ របស់ប្រជាពលរដ្ឋ៕

អត្ថបទៈ ឡេង ដេត