ព័ត៌មានជាតិ

ឃាត់ខ្លួនជនសង្ស័យ២នាក់ ជាប់ពាក់ព័ន្ធករណីឃាតកម្ម ទៅលើសិស្សស្រីម្នាក់

បានផុស

៣ years មុន

នៅ

ថ្ងៃចន្ទ ៧ ធ្នូ ២០២០

ដោយ

ជនសង្ស័យ២នាក់ ដែលបានជាប់ពាក់ព័ន្ធករណីឃាតកម្មទៅលើនារីជាសិស្សសាលាម្នាក់ នៅក្នុងឃុំឆ្នុកទ្រូកាលពីថ្ងៃទី៣ ខែធ្នូ ឆ្នាំ២០២០ ត្រូវបានសមត្ថកិច្ចកងរាជអាវុធហត្ថខេត្តឃាត់ខ្លួន ហើយបានបង្ហាញអត្តសញ្ញាណឲ្យដឹងកាលពីល្ងាចថ្ងៃទី៦ ខែធ្នូ ឆ្នាំ២០២០នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវរសេនីយ៍ទោ ហង្ស សុជាតិ មេបញ្ជាការរង ទទួលផែនយុត្តិធម៌ បានឲ្យដឹងថា ដោយមានការសម្របសម្រួលពី ឯកឧត្តម អ៊ិត ព្រះរាជអាជ្ញាអមសាលាដំបូងខេត្តសមត្ថកិច្ចរបស់លោកបានធ្វើការឃាត់ខ្លួនជនសង្ស័យចំនួន ០២ នាក់ កាលពីល្ងាចថ្ងៃទី៣ ខែធ្នូ ឆ្នាំ២០២០ នៅក្នុងឃុំឆ្នុកទ្រូ ដែលបានជាប់ពាក់ព័ន្ធករណីឃាតកម្មនេះ។ ជនសង្ស័យទី១. ឈ្មោះ កាន់ ឈុនឡេង ភេទប្រុស អាយុ៣៦ឆ្នាំ ទីលំនៅភូមិកំពង់ថ្គោល ឃុំអន្សារចំបក់ ស្រុកក្រគរ ខេត្តពោធិ៍សាត់ និងទី២. ឈ្មោះ លន សុខឡូត ភេទប្រុស អាយុ២២ឆ្នាំ ទីលំនៅភូមិផាត់សណ្តាយ ឃុំផាត់សណ្តាយ ស្រុកកំពង់ស្វាយ ខេត្តកំពង់ធំ ។

នៅក្នុងកិច្ចប្រតិបត្តិការខាងលើនេះសមត្ថកិច្ចបានដកហូតវត្ថុតាងមាន៖ ទូរស័ព្ទ ០២ គ្រឿង ដែលធ្លាប់ទំនាក់ទំនងជាមួយជនរងគ្រោះ ចំណែកជនសង្ស័យ និងវត្ថុតាង ការិយាល័យជំនាញ កំពុងកសាងសំណុំរឿងបញ្ជូនទៅសាលាដំបូងខេត្ត ដើម្បីចាត់ការតាមនីតិវិធី។

សូមបញ្ជាក់ថា ករណីឃាតកម្មនេះ បានកើតឡើងនៅល្ងាចថ្ងៃទី៣ ខែធ្នូ ឆ្នាំ២០២០ នារីរងគ្រោះមានឈ្មោះ ឡាំ រដ្ឋា អាយុ ១៩ឆ្នាំ រស់នៅក្នុងភូមិផ្លូវថ្មី ឃុំឆ្នុកទ្រូ ស្រុកបរិបូណ៌ ខេត្តកំពង់ឆ្នាំង ត្រូវបានប្រជាពលរដ្ឋប្រទះឃើញស្លាប់អណ្ដែតទឹក នៅក្នុងឃុំឆ្នុកទ្រូស្រុកបរិបូណ៌ ខេត្តកំពង់ឆ្នាំងនៅព្រឹកថ្ងៃទី៤ ខែធ្នូ ឆ្នាំ២០២០ ក្រោយពីបាត់ខ្លួនមួយយប់ ពេលបើកកាណូតជូនមិត្តភក្ដិទៅផ្ទះដូចសព្វដង៕

អត្ថបទ៖ ឈៀង ថារិទ្ធ

សូមចុចអាន៖ ខឹងឪពុកម្តាយឈ្លោះប្រកែកគ្នាជារៀងរាល់ថ្ងៃពេក កូនស្រីសម្រេចចិត្តលេបថ្នាំបញ្ចប់ជីវិត