ព័ត៌មានជាតិ
ខឹងឪពុកម្តាយឈ្លោះប្រកែកគ្នាជារៀងរាល់ថ្ងៃពេក កូនស្រីសម្រេចចិត្តលេបថ្នាំបញ្ចប់ជីវិត
រតនគិរី ៖ ស្ត្រីម្នាក់សម្រេចចិត្តបញ្ចប់ជីវិតទាំងនៅវ័យក្មេងដ៏ស្រស់ស្អាត បន្ទាប់ពីមានវិបត្តិនៅក្នុងគ្រួសាររបស់ខ្លួន។
បង្កការភ្ញាក់ផ្អើលនេះ បានកើតឡើងកាលពីវេលាម៉ោង៣និង៣០នាទីទៀបភ្លឺ ថ្ងៃទី៦ ខែធ្នូ ឆ្នាំ២០២០ ត្រង់ចំណុចផ្ទះឈ្មោះ គន្ទៀង គុយ ស្ថិតនៅក្នុងភូមិកាទៀង ឃុំល្បាំង២ ស្រុកលំផាត់ ខេត្តរតនគិរី។
លោក ក្លល ថើង អធិការស្តីទីនគរបាលស្រុកលំផាត់បានឲ្យកម្ពុជាថ្មី ដឹងនៅព្រឹកថ្ងៃទី៦ ខែធ្នូនេះ ថា
ជនរងគ្រោះមានឈ្មោះ គុយ វីណា ភេទស្រី អាយុ២៣ឆ្នាំ ជនជាតិព្រៅ មុខរបរបុគ្គលិកពេទ្យឯកជន(ពេទ្យស្កាយអ៊ីននៅខេត្តរតនគិរី)មានទីលំនៅបច្ចុប្បន្នភូមិ-ឃុំកើតហេតុខាងលើ។
ដោយមូលហេតុជនរងគ្រោះមានវិបត្តិក្នុងគ្រួសារ ខឹងនិងឪពុកម្ដាយឈ្លោះប្រកែកគ្នាជាច្រើនដងដោយខ្លួនខ្មាសអ្នកជិតខាងពេក។
លោកថា កាលពីយប់ថ្ងៃទី៥ ខែធ្នូ ឆ្នាំ២០២០ ជនរងគ្រោះបានចេញពីធ្វើការនៅក្នុងខេត្តមកហូបបាយពេលល្ងាចជួបជុំសមាជិកក្នុងគ្រួសារ ហើយបានចូលសម្រាករៀងៗខ្លួន ដូចសព្វមួយដង។
ដោយឡែកតែជនរងគ្រោះមិនបានចូលសម្រាកនោះទេ ដោយនៅសរសេររបាយការណ៍ប្រចាំថ្ងៃរបស់ខ្លួន លុះមកដល់ម៉ោងប្រហែលម៉ោង៣ទៀបភ្លឺឈានចូលថ្ងៃទី៦ ខែធ្នូនេះ ម្ដាយរបស់ជនរងគ្រោះបានលឺសម្លេងកន្ត្រាក់ដៃ កន្ត្រាក់ជើង នឹកស្មានថា មានចោរចូលលួចគាស់ផ្ទះ រួចក៏បានដាស់ឪពុករបស់ជនរងគ្រោះឲ្យងើបមើល ប៉ុន្តែមិនបានឃើញមានអ្វីគួរឲ្យចម្លែកនោះទេ ក៏ចូលមកក្នុងផ្ទះវិញ ស្រាប់តែឃើញជនរងគ្រោះដេកនៅលើក្ដារ មានអាការៈ ដង្ហក់និងក្អួតចង្អោរ ភ្លាមៗនោះដែរ ក្រុមគ្រួសាររងគ្រោះក៏បានរកឡានអ្នកភូមិដឹកបញ្ជូនទៅសង្គ្រោះបន្ទាន់នៅឯមន្ទីរពេទ្យបង្អែកខេត្ត ក្រោយពេលទៅដល់ពេទ្យ ជាអកុសល ជនរងគ្រោះបានដាច់ខ្យល់ស្លាប់បាត់ទៅហើយនោះ។
ក្រោយពេលកើតហេតុសមត្ថកិច្ចជំនាញនៃអធិការនគរបាលស្រុកលំផាត់ កម្លាំងប៉ុស្ដិ៍រដ្ឋបាលឃុំល្បាំង២ បានធ្វើកោសល្យវិច័យសព និងការសាកសួរប្រមូលព័ត៌មាននៅកន្លែងកើតហេតុ បានធ្វើការសន្និដ្ឋានថា ករណីនេះ ជាករណីធ្វើអត្តឃាដដោយខ្លួនឯង លេបថ្នាំសម្លាប់ខ្លួន ពិតប្រាកដមែនប៉ុន្តែមិនបានស្គាល់ថ្នាំជនរងគ្រោះលេបនោះទេ។
បច្ចុប្បន្នសមត្ថកិច្ចបានធ្វើកំណត់ហេតុប្រគល់សពទៅឲ្យក្រុមគ្រួសារដើម្បីយកទៅធ្វើបុណ្យទៅតាមប្រពៃណីរបស់បងប្អូនជនជាតិដើមភាគតិច៕
ដោយ ៖ អ៊ុច សាវុទ្ធ
-
សេចក្ដីជូនដំណឹង៦ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា២៣ ម៉ោង agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
កីឡា១ សប្តាហ៍ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានជាតិ១ សប្តាហ៍ agoសម្តេចធិបតី៖ ទម្លាប់ខ្ញុំវាយតម្លៃការងារផ្អែកលើលទ្ធផលជាក់ស្តែង មិនមើលតែរបាយការណ៍ល្អៗពីថ្នាក់ក្រោមនោះទេ