ព័ត៌មានជាតិ
ច្បាប់ សាសនា នឹងក្លាយជាអំណាចរួម ធានាការប្រព្រឹត្តគ្រប់ជំនឿ មានសុខដុមនីយកម្ម
លោក សេង សុមុនី រដ្ឋលេខាធិការ និងជាអ្នកនាំពាក្យក្រសួងធម្មការ និងសាសនា មានប្រសាសន៍ថា ការបង្កើតច្បាប់ស្តីពីការគ្រប់គ្រងសាសនានៅ កម្ពុជា ធ្វើឡើងក្នុងគោលបំណង ធានាដល់ការអនុវត្តការងារលើកិច្ចការសាសនានៅ កម្ពុជាឱ្យមានប្រសិទ្ធភាព និងមានសុខដុមនីយកម្ម ព្រមទាំងដើម្បីលើកតម្លៃសាសនាទាំងអស់នៅ កម្ពុជា។ ច្បាប់នេះ នឹងក្លាយជាអំណាចរួម ជាអំណាចរដ្ឋបាល ដើម្បីធានាដល់ការប្រព្រឹត្តទៅ នៃជំនឿសាសនារបស់ប្រជាពលរដ្ឋកម្ពុជា បើទោះបីជាសាសនានីមួយៗ មានបទបញ្ញត្តិ ឬ ធម៌វិន័យរៀងៗខ្លួន សម្រាប់អនុវត្តផ្ទាល់ហើយក្ដី។
លោក សេង សុមុនី មានប្រសាសន៍ប្រាប់ “កម្ពុជាថ្មី” នៅ រសៀលថ្ងៃទី ៨ ខែធ្នូ នេះថា លោក ឈិត សុខុន រដ្ឋមន្ត្រីក្រសួងធម្មការ និងសាសនា បានដឹកនាំកិច្ចប្រជុំពិភាក្សា និងប្រមូលធាតុចូល សេចក្តីព្រាងច្បាប់ស្តីពី សាសនាក្នុងព្រះរាជាណាចក្រកម្ពុជា ដោយមានការចូលរួមពិភក្សា ពីគ្រប់សាសនានៅ កម្ពុជា ទាំងព្រះពុទ្ធសាសនា គ្រឹស្ដសាសនា ឥស្លាមសាសនា និងសាសនាមួយចំនួនទៀត ដើម្បីផ្ដល់គំនិត និងយោបល់ ធ្វើយ៉ាងណាឱ្យសាសនាទាំងអស់ អាចរួមរស់ និងអនុវត្តតាមគោលការណ៍សាសនានីមួយៗដោយសន្តិភាព នៅ លើទឹកដីនៃព្រះរាជាណាចក្រកម្ពុជា។
អ្នកនាំពាក្យក្រសួងធម្មការ និងសាសនា ខាងលើបានបញ្ជាក់ថា តាមរយៈការប្រមូលធាតុចូល និងពិភាក្សាក្នុងការចងក្រងសេចក្ដីព្រាងច្បាប់ សាសនា កន្លងមកនេះ គឺមានភាពផុសផុលគ្រប់មាត្រា ដោយមិនមានការប្រទាំងប្រទើសគ្នានោះទេ ហើយក្នុងនោះក៏បានគិតគូរដល់ សាសនា របស់ជនជាតិដើមភាគតិចនៅ កម្ពុជាផងដែរ។ លោកមានសេចក្ដីរំពឹងថា ច្បាប់នេះនឹងចេញជាផ្លូវការនាពេលដ៏ខ្លីខាងមុខនេះ។
គួររំលឹកថា កាលពីថ្ងៃទី ២៨ ខែកុម្ភៈ ឆ្នាំ ២០២០ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានរិះគន់ចំពោះព្រះសង្ឃពុទ្ធសានាមួយចំនួននៅកម្ពុជា ដែលទេសនាបែបកម្លែង ដែលអាចធ្វើឱ្យប៉ះពាល់ដល់តម្លៃព្រះពុទ្ធសាសនា និងជំនឿរបស់ប្រជាពលរដ្ឋខ្មែរ ខណៈដែលបុគ្គលសង្ឃមួយចំនួននាពេលកន្លងមក ក៏ត្រូវបានគេរិះគន់ថា បានប្រព្រឹត្តខុសធម៌វិន័យព្រះពុទ្ធសាសនា។
យោងតាមរដ្ឋធម្មនុញ្ញកម្ពុជាមាត្រា ៤៣ បានចែងថា ព្រះពុទ្ធសាសនាជាសាសនារបស់រដ្ឋ។ ប៉ុន្តែ ប្រជាពលរដ្ឋខ្មែរទាំងពីរភេទ មានសិទ្ធិសេរីភាពពេញទីខាងជំនឿសាសនា។ សេរីភាពខាងជំនឿ និងការប្រតិបត្តិខាងផ្លូវសាសនា ត្រូវបានរដ្ឋធានាក្នុងលក្ខខ័ណដែលមិនប៉ះពាល់ដល់ជំនឿ ឬសាសនាដទៃទៀត ដល់សណ្តាប់ធ្នាប់ និងដល់សន្តិសុខសាធារណៈ។
គួរបញ្ជាក់ថា បច្ចុប្បន្ននេះ ប្រជាពលរដ្ឋកម្ពុជា ៩៥% ជាអ្នកគោរពប្រតិបត្តិព្រះពុទ្ធសាសនា ៣%ជាអ្នកប្រតិបត្តិឥស្លាមសាសនា ១% ជាអ្នកប្រតិបត្តិគ្រឹស្តសាសនា និង១%ទៀត គឺជាអ្នកគោរព និងប្រតិបត្តិលើសាសនានិងជំនឿផ្សេងៗ៕
អត្ថបទ៖ ច័ន្ទ វីរៈ
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៤ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សេដ្ឋកិច្ច៦ ថ្ងៃ agoមួយឆ្នាំៗ វៀតណាម ប្រឈមខាតបង់ដំណាំជិត៣ពាន់លានដុល្លារ ដោយសារទឹកប្រៃ ហូរចូលដីបង្កបង្កើនផល