ព័ត៌មានជាតិ

វិស័យសំណង់រយៈពេល ១១ខែ ស្រូបយកទុនវិនិយោគបានជាង ៥ ពាន់លានដុល្លារ

បានផុស

៤ years មុន

នៅ

ថ្ងៃចន្ទ ២០ ធ្នូ ២០២១

ដោយ

ទុនវិនិយោគក្នុងវិស័យសំណង់ក្នុងរយៈពេល១១ខែ ឆ្នាំ២០២១នេះ មានតម្លៃប្រមាណជាង ៥,000 លានដុល្លារ ខណៈពេញមួយខែវិច្ឆិកាគម្រោងសាងសង់អគារនានាបាន កើនឡើងជាង ៣០០គម្រោង។ នេះបើតាមការបញ្ជាក់របស់លោក ឡៅ ទិព្វសីហា រដ្ឋលេខាធិការក្រសួងដែនដីនគរូបនីយកម្មនិងសំណង់។

លោក ឡៅ ទិព្វសីហា បានឲ្យដឹងនៅថ្ងៃទី២០ ខែធ្នូ ២០២១នេះថាក្នុងរយៈពេល១១ ខែឆ្នាំ២០២១ក្រសួងរៀបចំដែនដីនគរូបនីយកម្មនិងសំណង់ និង រដ្ឋបាលរាជធានី ខេត្ត ក្រុងស្រុកខណ្ឌបានផ្តល់លិខិតអនុញ្ញាតសាងសង់ចំនួន ៣,៩២៥ គម្រោងមានផ្ទៃក្រឡាសំណង់ ១២ លានម៉ែត្រការ៉េកើនឡើង៣២៧គម្រោងបើធៀបនឹងកាលពី ឆ្នាំមុនដែលមានចំនួន ៣,៥៩៨ គម្រោង។ ចំណែកទុនវិនិយោគក្នុងវិស័យសំណង់ចាប់ពីខែមករាដល់ខែវិច្ឆិកាមានចំនួន ៥,២១០,៣៥៩,៥០៩ ដុល្លារកើនឡើងជាង ៣០០លានដុល្លារខណៈពីខែមករាដល់តុលាទុនវិនិយោគក្នុងវិស័យនេះមានចំនួនប្រមាណ ៤,៨៧៦,៨០៤,៨៩៩ ដុល្លារ ។

គម្រោងដែលបានស្នើសុំសាងសង់រួមមានអគារពាណិជ្ជកម្ម អគារផ្សារ សណ្ឋាគារ សំណង់អគារលំនៅឋានលក្ខណៈបុរី ប្រភេទផ្ទះល្វែង សំណង់អគារ សំណង់គារពហុ មុខងារសំណង់រោងចក្រឧស្សាហកម្មនានា។

លោកបញ្ជាក់ថា វិបត្តិជំងឺកូវីដ១៩ មិនបានធ្វើឱ្យវិស័យអចលទ្រព្យរងផលប៉ះពាល់ខ្លាំងនោះទេក្នុងឆ្នាំ២០២១នេះ ដោយវិស័យនេះ នៅតែមានដំណើរល្អប្រសើរដែលធ្វើឱ្យ វិស័យអចលនទ្រព្យស្ថិតក្នុងវិស័យចំនួនបីដែលជំរុញដល់កំណើនសេដ្ឋកិច្ចកម្ពុជាក្នុងឆ្នាំ២០២១នេះ។

គួរជម្រាបជូនថា គិតពីឆ្នាំ២០០៥ មកដល់រយៈពេល១១ខែឆ្នាំ២០២១នេះសំណង់អគារខ្ពស់ៗចាប់ពី៥ជាន់ឡើងទៅកើនឡើងរហូតជាង ២,៣៧៥ អគារដែលក្នុងនោះ សំណង់អគារខ្ពស់ៗនៅខេត្តព្រះសីហនុមានចំនួនជាង ៦៦៦អគារ ៕

ដោយ ៖ ណារី

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Related Topics:វិស័យសំណង់

ព័ត៌មានអន្ដរជាតិ២ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា