Connect with us

ព័ត៌មានជាតិ

កម្ពុជា-វៀតណាម ពន្លឿនចុះកិច្ចព្រម​ព្រៀងស្តីពីពាណិជ្ជកម្ម​តាមព្រំដែន

បានផុស

នៅ

កម្ពុជា-វៀតណាម បានឯកភាពគ្នា លើការពន្លឿនការចុះកិច្ចព្រមព្រៀងស្តីពីពាណិជ្ជកម្ម តាមព្រំដែន។ ភាគីទាំងពីរក៏បានឯកភាពគ្នាថែមទៀត ក្នុងការពន្លឿនកិច្ចពិភាក្សាឆ្ពោះទៅទទួលស្គាល់គ្នាទៅវិញទៅមក លើលិខិតឆ្លងដែន និងវិញ្ញាបនបត្រ ចាក់វ៉ាក់សាំង ដើម្បីសម្រួលដល់ការធ្វើដំណើររបស់ប្រជាពលរដ្ឋ ទាំងសងខាង និងសម្រួលដល់ការធ្វើពាណិជ្ជរវាងប្រទេសទាំងពីរផងដែរ។ នេះបើតាមការលើកឡើងរបស់លោក អ៊ាង សុផល្លែត ជំនួយផ្ទាល់របស់សម្តេចតេជោ ហ៊ុន សែន ថ្លែងក្រោយពិធីចុះហត្ថលេខារវាងប្រមុខរាជរដ្ឋាភិបាលកម្ពុជា និងលោក ង្វៀន សួនហ្វ៊ុក (Nguyen Xuan Phuc) ប្រធានរដ្ឋនៃសាធារដ្ឋសង្គមនិយមវៀតណាម នៅវិមានសន្តិភាព ថ្ងៃទី២១ ខែធ្នូ ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមលោក អ៊ាង សុផល្លែត នាឱកាសនេះ លោក ង្វៀង ស៊ួនហ្វុក ប្រធានរដ្ឋនៃសាធារដ្ឋសង្គមនិយមវៀតណាម បានសាទរចំពោះសមិទ្ធផលប្រវត្តិសាស្រ្ត ដែលសំខាន់ៗរបស់កម្ពុជា និងប្រជាជនកម្ពុជាសម្រេចបាន ជាពិសេសការអភិវឌ្ឍជាតិ ស្ថិរភាពនយោបាយសង្គម លើកកម្ពស់តួនាទី និងមុខមាត់របស់ប្រទេសកម្ពុជា នៅក្នុងតំបន់ និងឆាកអន្តរជាតិ។

ជាមួយនេះ កម្ពុជា វៀតណាម បានសម្តែងការពេញចិត្តចំពោះការរីកចម្រើននូវទំនាក់ទំនងជិតស្និទ្ធ រវាងប្រទេសទាំងពីរគ្រប់ជ្រុងជ្រោយ និងកាន់តែមានប្រសិទ្ធភាព ក្នុងកិច្ចសហប្រតិបត្តិរ យៈពេល ៥៥ឆ្នាំកន្លងមក។

លើសពីនេះទៀត ភាគីទាំងពីរបានអបអរសាទរកិច្ចសហប្រតិបត្តិការទ្វេភាគី លើវិស័យសេដ្ឋកិច្ច ពាណិជ្ជកម្ម វិនិយោគ និងបានឯកភាពគ្នាជំរុញការអនុវត្តកិច្ចព្រមព្រៀងស្តីពីការលើកកម្ពស់ ការការពារវិនិយោគ កិច្ចព្រមព្រៀងជៀសវាងយកពន្ធត្រួតគ្នា និងជួយសម្រួល ដល់ការអភិវឌ្ឍពាណិជ្ជកម្ម តាមបែបថ្មី ដោយព្រមព្រៀងគ្នាជំរុញផែនការមេ ស្តីពីការតភ្ជាប់ខឿនសេដ្ឋកិច្ចកម្ពុជាវៀតណាម។

ភាគីទាំងពីរក៏បានឯកភាពគ្នាក្នុងការពង្រឹងបន្ថែមទៀត កិច្ចសហប្រតិបត្តិការលើវិស័យការពារជាតិ វិស័យសុខាភិបាល វិស័យអប់រំ និងវិស័យយុត្តិធម៌ ក្នុងការតភ្ជាប់គ្នារវាងប្រទេស និងប្រជាជននៃប្រទេសទាំងពីរ ក៏ដូចជាកិច្ចសហប្រតិបត្តិការលើឆាកអន្តរជាតិ និងតំបន់។

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានថ្លែងអំណរគុណចំពោះលោក ង្វៀន សួនហ៊្វុក ដែលកន្លងមកគាំទ្រដល់កម្ពុជា ធ្វើឲ្យកម្ពុជាទទួលបានជោគជ័យក្នុងកិច្ចប្រជុំអាស៊ឹម ហើយថែមទាំងគាំទ្រ ធ្វើយ៉ាងណាឲ្យកម្ពុជា ទទួលបានជោគជ័យនៅក្នុងកិច្ចប្រជុំអាស៊ាននាពេលខាងមុខ ក្នុងនាមកម្ពុជា ជាប្រធានអាស៊ានផងដែរ៕ ដោយ៖ ទួន សុផល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ១០ នាទី មុន

អភិបាល​រាជធានី ស្នើសុំ​ឲ្យ​បារាំង​ជួយ​កសាង​ស្ថានីយ​ប្រតិកម្ម​ទឹក​កខ្វក់​មួយកន្លែង​ទៀត នៅ​ខាងជើង​ឆៀង​ខាងលិច​រាជធានី​ភ្នំពេញ

ព័ត៌មានជាតិ៣៩ នាទី មុន

ពាក់កណ្តាល​ខែឧសភា​នេះ ក្រុមការងារ​មន្ទីរ​សាធារណការ ខេត្តព្រះ​វិហារ ចុះ​បិទ​ស្ទីក​ឃ័​រ​ចំណាំង​ផ្លាត​លើ​គោយន្ត​កន្ត្រៃ​យ៍​បាន​ជាង៥០​គ្រឿង

សេដ្ឋកិច្ច៤៩ នាទី មុន

អឺរ៉ុបត្រៀមកញ្ចប់ហិរញ្ញប្បទានជាង ១៤០០ លានអឺរ៉ូ ស្តារសង្គម-សេដ្ឋកិច្ចកម្ពុជា

ព័ត៌មានជាតិ៥៣ នាទី មុន

ពិព័រណ៍ THAIFEX–Anuga Asia 2022 នឹង​រៀបចំ​ស្វាគមន៍​ភ្ញៀវ ដើម្បី​ទស្សនាការ​ផ្លាស់ប្តូរ​ម្ហូប​អាហារ និង​ភេសជ្ជៈ​ក្នុងប្រទេស​ថៃ ជាមួយនឹង​​ឱកាស​បង្ហាញខ្លួន​របស់​អ្នក​ច្នៃប្រឌិត​ក្នុង​សេវាកម្ម​ម្ហូបអាហារ និង​ភេសជ្ជៈ

ព័ត៌មានជាតិ១ ម៉ោង មុន

ក្រុមហ៊ុនមួយស្នើសុំជួលដីជាង ៣០០ហិកតា​ក្នុងខេត្តកោះកុង វិនិយោគតំបន់ទេសចរណ៍​ធម្មជាតិ

Sokha Hotels

ព័ត៌មានពេញនិយម