ព័ត៌មានជាតិ
កម្ពុជា ជាប់លេខ២ក្នុងបញ្ជីទីកន្លែងដ៏ស្អាតបំផុតទាំង១០ របស់ទស្សនាវដ្តីដ៏ល្បីល្បាញ Forbes
ទស្សនាវដ្ដី Forbes ដែលជាជាទស្សនាវដ្ដីអាជីវកម្មដ៏ល្បីល្បាញរបស់សហរដ្ឋអាមេរិក បានចាត់ចំណាត់ថ្នាក់ប្រទេសកម្ពុជាក្នុងលំដាប់លេខរៀងទី២ ជាកន្លែងដ៏ស្រស់ស្អាតបំផុតទាំង១០ ដែលត្រូវទៅទស្សនា នៅក្នុងរយៈពេល១០ឆ្នាំក្រោយ។
ដោយដាក់ចំណងជើងថា “The 10 Coolest Places To Go In The Next 10 Years, According To Experts” ទស្សនាវដ្ដី Forbes បានបញ្ជាក់ថា អស់ជាច្រើនឆ្នាំមកហើយដែលទស្សនាវដ្ដីនេះ បានស្រាវជ្រាវ និងសួរមនុស្សជាច្រើនទាក់ទងនឹងការធ្វើដំណើររបស់ពួកគេសម្រាប់ឆ្នាំខាងមុខ ជាពិសេសក្រុមហ៊ុនទេសចរណ៏ល្បីៗ ក្រោយពីទទួលបានចំណាប់អារម្មណ៍របស់អតិថិជនលើដំណើរផ្សងព្រេងផ្ទាល់ខ្លួនរបស់ពួកគេនៅលើពិភពលោក។
ទស្សនាវដ្ដី Forbes បានលើកឡើងថា ៖ «ខណៈដែលប្រទេសថៃ បានបើកប្រទេសជាផ្លូវការក្នុងខែវិច្ឆិកា ឆ្នាំ២០២១ យើងមើលឃើញថា ដើមឆ្នាំ២០២២ ជាពេលវេលាដ៏ល្អបំផុតក្នុងការទៅទស្សនា ហើយប្រទេសកម្ពុជា ក៏បើកក្នុងខែនេះដែរ ហើយមនុស្សជាច្រើនគេចង់ឃើញប្រាសាទអង្គរវត្តដ៏អស្ចារ្យ»។
សូមជម្រាបជូនថា ទស្សនាវដ្ដី Forbes គឺជាទស្សនាវដ្ដីអាជីវកម្មអាមេរិកដ៏មានគុណតម្លៃដែលទទួលស្គាល់នៅជុំវិញពិភពលោក។ Forbes បោះពុម្ពផ្សាយចំនួនប្រាំបីដងក្នុងមួយឆ្នាំ មានអត្ថបទទាក់ទងនឹងហិរញ្ញវត្ថុ បរិយាកាសវិនិយោគ និងទីផ្សារធុរកិច្ចសកល។ ទស្សនាវដ្ដី Forbes ក៏មានបន្ថែមសេចក្ដីរាយការណ៍អំពីប្រធានបទបច្ចេកវិទ្យា គមនាគមន៍ វិទ្យាសាស្ត្រ នយោបាយ និងច្បាប់ផងដែរ។ ទីស្នាក់ការកណ្ដាលរបស់ទស្សនាវដ្ដី Forbes នៅពេលនេះ មានទីតាំងនៅទីក្រុង Jersey រដ្ឋ New Jersey ។
ទស្សនាវដ្ដី Forbes មានការបោះពុម្ពផ្សាយជាអន្តរជាតិ នៅអាស៊ីក្រោមអាជ្ញាប័ណ្ណ២៧ ប្រទេស និងតំបន់ច្រើនទៀតនៅទូទាំងពិភពលោក ហើយមានបុគ្គលល្បីៗលើលោក មានក្តីស្រមៃចង់ឃើញខ្លួនឯងនៅលើទំព័រមុខនៃទស្សនាវដ្តីនេះផងដែរ៕
អត្ថបទ ៖ កោះកែវ
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៨ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore