ព័ត៌មានជាតិ
ខេត្តស្វាយរៀង មានអ្នកជាប់ពាក់ព័ន្ធនឹងព្រឹត្តិការណ៍ «សហគមន៍២៨វិច្ឆិកា» ៧៥នាក់
ប្រធានមន្ទីរសុខាភិបាលខេត្តស្វាយរៀង បានមានប្រសាសន៍ថា គិតត្រឹមថ្ងៃទី៩ ខែធ្នូនេះ ខេត្តស្វាយរៀងមានអ្នកជាប់ពាក់ព័ន្ធនឹងព្រឹត្តិការណ៍ «សហគមន៍២៨វិច្ឆិកា» ចំនួន ៧៥នាក់ ក្នុងនោះបានយកវត្ថុសំណាកចំនួន៦នាក់ ទៅធ្វើតេស្តរកកូវីដ-១៩ ហើយលទ្ធផលវអវិជ្ជមានទាំងអស់។
លោក កែ រដ្ឋា ប្រធានមន្ទីរសុខាភិបាលខេត្តស្វាយរៀង បានមានប្រសាសន៍នៅថ្ងៃទី៩ ខែធ្នូនេះថាខេត្តស្វាយរៀង មានអ្នកជាប់ពាក់ព័ន្ធនឹងព្រឹត្តិការណ៍ «សហគមន៍២៨វិច្ឆិកា»ប្រយោលៗទេ ហើយពួកគេត្រូវបានឲ្យធ្វើចត្តាឡីស័ក នៅតាមផ្ទះរៀងៗខ្លួន ដោយមានការយកចិត្តទុកដាក់ និងតាមដានផ្ទាល់ពីអាជ្ញាធរមូលដ្ឋាន ដើម្បីឲ្យប្រាកដប្រជាថា ពួកគេបានធ្វើចត្តាឡីស័កត្រឹមត្រូវតាមការណែនាំរបស់ក្រសួងសុខាភិបាល។
លោកបានបន្តថា ក្នុងចំណោមអ្នកពាក់ព័ន្ធ ចំនួន៧៥នាក់ មានតែ៦នាក់ប៉ុណ្ណោះ ដែលមន្ត្រីបានយកវត្ថុសំណាកទៅធ្វើតេស្តរកកូវីដ-១៩ នៅវិទ្យាស្ថានប៉ាស្ទ័រកម្ពុជា ដោយលទ្ធផលអវិជ្ជមានវីរុសកូវីដ-១៩ទាំងអស់។
យ៉ាងណាក៏ដោយ លោកបានណែនាំដល់អ្នកដែលកំពុងធ្វើចត្តាឡីស័កទាំងអស់ត្រូវអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល ឲ្យគ្រប់ចំនួន១៤ថ្ងៃ ដើម្បីទប់ស្កាត់ការចម្លងវីរុសនេះ កុំឲ្យមានការឆ្លងចូលសហគមន៍។
លោក តូច ប៉ូលីវ៉ា អភិបាលរងខេត្តស្វាយរៀង បានប្រាប់អ្នកព័ត៍មានឲ្យដឹងថា អ្នកដែលមានពាក់ព័ន្ធព្រឹត្តិការណ៍២៨វិច្ឆិកា រួមមានពាក់ព័ន្ធមន្ត្រីពន្ធនាគារ ដែលមកលេងនៅឃុំស្វាយធំ ស្រុកស្វាយជ្រំ មន្ត្រីរាជការ មកពីប្រជុំនៅខេត្តសៀមរាប ប្រជាពលរដ្ឋបានទៅលេងផ្សារអ៊ីអន១ និងបុគ្គលិកធនាគារកាថេ សាខាក្រុងបាវិត និងក្រុមគ្រួសារសរុប។
គួរបញ្ជាក់ថា គិតត្រឹមព្រឹកថ្ងៃទី០៩ ខែធ្នូ ឆ្នាំ២០២០ នៅកម្ពុជា មានអ្នកឆ្លងជំងឺកូវីដ-១៩ សរុបចំនួន៣៥៤ នាក់ ក្នុងនោះមាន អ្នកឆ្លងក្នុងសហគមន៍ ចំនួន៣៨ នាក់ អ្នកជាសះស្បើយ៣០៧ នាក់និងអ្នកកំពុងសម្រាកពេទ្យ ចំនួន៤៧នាក់៕
អត្ថបទ ៖ សំអឿន
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៤ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍៩ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore