ព័ត៌មានជាតិ

មន្ត្រី ស.ស.យ.ក នាំអំណោយជូនគ្រួសារក្មេងប្រុសស្រី២នាក់បងប្អូន ដែលរអិលធ្លាក់ចូលស្រះវត្ត ស្លាប់

បានផុស

៣ years មុន

នៅ

ថ្ងៃចន្ទ ៧ មីនា ២០២២

ដោយ

បាត់ដំបង ៖ អ្នកភូមិបានប្រទះឃើញក្មេងតូចៗ២នាក់បងប្អូន លង់ទឹកស្លាប់យ៉ាងអណោចអធ័ម ក្នុងស្រះលោកមួយកន្លែងក្នុងបរិវេណវត្តតាំងយូ ស្ថិតនៅក្នុងភូមិ តាំងយូ ឃុំអូរដា ស្រុកកំរៀង ខេត្តបាត់ដំបង កាលពីថ្ងៃទី៥ ខែមិនាឆ្នាំ២០២២។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក គឿន សត្យា អភិបាលរងស្រុកកំរៀង ដែលដឹកនាំក្រុមមន្ត្រីស.ស.យ.ក បាននាំយកថវិកានិងសម្ភារៈមួយចំនួនទៅជួយគ្រួសារក្មេងរងគ្រោះបានឲ្យដឹងថា ក្មេងដែលរងគ្រោះ២នាក់បងប្អូននេះ បានឲ្យដឹងថា ក្មេងដែលលង់ទឹកស្លាប់ គឺស្រី១ប្រុស១ដែលម្នាក់ឈ្មោះ ហេង ធារី ភេទស្រី អាយុ៤ឆ្នាំ និង ក្មេងម្នាក់ទៀតឈ្មោះ ហេង លីហួតអាយុ២ឆ្នាំ ដែលក្មេងទាំងពីរជាបងប្អូនជីដូនមួយនឹងគ្នា។

លោកបញ្ជាក់ថា មុនដំបូងក្មេងរងគ្រោះលេងនៅក្បែរស្រះទឹកមានគ្នា៣នាក់ តែក្រោយមកក្មេង២នាក់បានរអិលជើងធ្លាក់ទឹក ទម្រាំនឹងអ្នកភូមិនិងសាច់ញាតិដឹង គឺពួកគេបានលង់ទឹកស្លាប់បាត់ទៅហើយ។

ក្រោយពីកើតហេតុសពក្មេងទាំងពីរ បានប្រគល់អោយសាច់ញាតិរៀបចំធ្វើបុណ្យតាមប្រពៃណី។

លោក គឿន សត្យា អភិបាលរងស្រុកកំរៀង បានឲ្យដឹងថា ក្រោយពីទទួលបានព័ត៌មានលោកបានដឹកនាំក្រុមមន្ត្រីស.ស.យ.ក ស្រុកកំរៀង យកថវិកានិងសម្ភារ:មួយចំនួនទៅជួយគ្រួសារក្មេងរងគ្រោះ ក្នុងនាមមនុស្សធម៌និងការចែករំលែកការលំបាកដល់គ្រួសារក្មេងរងគ្រោះ ផងដែរ ដែលក្នុងនោះ មានអង្ករ ទឹកសុទ្ធ និង ថវិកាជាង៤០ម៉ឺនរៀល ៕

អត្ថបទ ៖ សោ និយមរ័ត្ន