ព័ត៌មានជាតិ
សមាគមស្នើសុំអន្តរាគមន៍ទប់ស្កាត់ចលនាលួចនាំចូលសត្វរស់និងសាច់បង្កកតាមច្រកព្រំដែន
សមាគមអ្នកចិញ្ចឹមសត្វកម្ពុជាបានស្នើសុំអន្តរាគមន៍ទប់ស្កាត់ចលនាលួចនាំចូលសត្វរស់ ផលិតផលមានដើមកំណើតពីសត្វ និងសាច់បង្កក តាមច្រកព្រំដែន និងច្រករបៀងព្រំដែនប្រទេសជិតខាង ដែលបង្កផលប៉ះពាល់យ៉ាងធ្ងន់ធ្ងរដល់អ្នកបរិភោគ និងអ្នកចិញ្ចឹមក្នុងស្រុក។
នៅក្នុងសេចក្តីជូនដំណឹងផ្ញើជូនលោកអភិបាលខេត្តតាកែវ ចុះថ្ងៃទី២៨ ខែមីនា លោក ស្រ៊ុន ពៅ ប្រធានសមាគមអ្នកចិញ្ចឹមសត្វកម្ពុជាបានឱ្យដឹងថា ការស្នើសុំអន្តរាគមន៍នេះដោយសារសព្វថ្ងៃកសិករកំពុងមានវិបត្តិដែលបណ្តាលមកពីចលនាលួចនាំចូលសត្វរស់ផលិតផលមានដើមកំណើតពីសត្វ និងសាច់បង្កកដែលបង្កផលប៉ះពាល់យ៉ាងធ្ងន់ធ្ងរដល់អ្នកបរិភោគ និងអ្នកចិញ្ចឹមក្នុងស្រុកបណ្ដាលពីជំងឺឆ្លងដែលសត្វបង្កហានិភ័យខ្ពស់បំផុតដល់សុខភាពប្រជាពលរដ្ឋ។
លោកបានបន្តថា ដោយយោងតាមអនុសាសន៍ដ៏ខ្ពង់ខ្ពស់របស់សម្ដេចគ្គមហាសពាបតីតេជោ ហ៊ុន សែន ដែលបានថ្លែងនៅក្នុងមហាសន្និបាតបូកសរុបការងារកសិកម្ម រុក្ខាប្រមាញ់និងនេសាទប្រចាំឆ្នាំ២០២១ និងទិសដៅអនុវត្តឆ្នាំ២០២២ របស់ក្រសួងកសិកម្មកាលពីរសៀលថ្ងៃទី២៣ ខែមីនា ឆ្នាំ២០២២ កន្លងទៅថ្មីៗនេះ សម្តេចតេជោបានណែនាំឱ្យមានការទប់ស្កាត់ឈ្មួញខិលខូចបង្កហានិភ័យដល់ផលនេសាទ។
លោកបានបន្តទៀតថា ដូចគ្នានេះដែរកសិករទាំងអស់ក្នុងព្រះរាជាណាចក្រកម្ពុជាកំពុងជួបវិបត្តិក្នុងវិស័យចិញ្ចឹមសត្វបណ្តាលពីឈ្មួញខិលខូចលួចនាំចូលតាមចក្រព្រំដែន និងច្រករបៀងដែលបង្កឱ្យមានផលប៉ះពាល់ដល់វិស័យចិញ្ចឹមសត្វរបស់កសិករ ។
លោកប្រធានសមាគមបានអំពាវនាវដល់លោកអភិបាលខេត្ត និងស្ថាប័នពាក់ព័ន្ធជាប់ព្រំដែនប្រទេសវៀតណាមដូចជាខេត្តតាកែវ ព្រៃវែង ស្វាយរៀង និងត្បូងឃ្មុំ មេត្តាជួយពិនិត្យនិងជួយធ្វើការទប់ស្កាត់ឈ្មួញខិលខូចលួចនាំចូលសត្វរស់ ផលិតផលមានដើមកំណើតពីសត្វ និងសាច់បង្កក តាមច្រកព្រំដែន និងច្រករបៀងព្រំដែនឈ្មួញខិលខូចឲ្យមានប្រសិទ្ធភាពខ្ពស់៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ