ព័ត៌មានជាតិ
សម្តេច ហ៊ុន សែន ៖ ការពង្រីកសហគមន៍ទេសចរផ្សារភ្ជាប់ទឹកដីគ្រប់ទីកន្លែងបន្ថែមចំណូលដល់ពលរដ្ឋ
សម្តេចតេជោ ហ៊ុន សែន បានប្រាប់ឱ្យក្រសួងពាក់ព័ន្ធ រួមមាន ក្រសួងទេសចរណ៍ និងក្រសួងបរិស្ថាន ពង្រីកសហគមន៍ទេសចរណ៍ផ្សារភ្ជាប់ទឹកដី ឱ្យបានគ្រប់ទីកន្លែង ដើម្បីទាក់ទាញភ្ញៀវទេសចរ ក្នុងគោលដៅរួមចំណែកផ្តល់ចំណូលដល់ពលរដ្ឋមូលដ្ឋាន។ សម្តេចថ្លែងបែបនេះ នៅក្នុងពិធីសម្ពោធសមិទ្ធផលនានា ដែលជាគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ក្នុងរាជធានីភ្នំពេញជំហានទី៤ នៅព្រឹថ្ងៃទី ២០ ខែ មេសា ឆ្នាំ ២០២២។
សម្តេចតេជោ ថ្លែងក្នុងសម្តីដើមដូច្នេះ« ធ្វើម៉េចឱ្យប្រជាពលរដ្ឋរបស់យើង ធ្វើទេសចរដែលផ្សារភ្ជាប់ជាមួយទឹកដី ការស្រឡាញ់បរិស្ថាន ហើយប្រើប្រាស់បរិស្ថាននេះ ដើម្បីទាក់ទាញយកលុយ ជាជាងកាប់ឈើ ជាជាងបាញ់សត្វ ដែលវាធ្វើឱ្យហិនហោចទៅដល់បរិស្ថាន»។
ជាមួយគ្នានេះ សម្តេច ក៏បានលើកសរសើរក្រសួងពាក់ព័ន្ធ ដែលបានធ្វើការងារនេះបានល្អ ដោយពង្រីកសហគមន៍ទេសចរផ្សារភ្ជាប់ទឹកដីរាប់រយកន្លែងដែលមានតំបន់ទេសចរណ៍។ ជាក់ស្តែងសម្តេចសង្កត់ធ្ងន់ថា ដូចជាខេត្តបាត់ដំបងជាដើម បានទាក់ទាញភ្ញៀវទេសចរខ្លាំង ក្លាយជាខេត្តទី១ មានភ្ញៀវទេសចរ ទៅលេងកម្សាន្តច្រើនជាងគេក្នុងថ្ងៃចូលឆ្នាំខ្មែរ បន្ទាប់មកខេត្តកំពង់ចាម និងទី៣ គឺខេត្តសៀមរាប។
ចំណុចខ្លាំងមួយទៀត ដែលសម្តេចបានលើកឡើង គឺអាជ្ញាធរមូលដ្ឋាន ដូចជាមេឃុំ មេភូមិជាដើម បានយកចិត្តទុកដាក់ខ្ពស់ចំពោះភ្ញៀវទេសចរ ដែលទៅកម្សាន្តនៅតំបន់របស់ខ្លួន ព្រមទាំងផ្តល់ភាពកក់ក្តៅ និងសុវត្ថិភាពខ្ពស់ ដែលកត្តាទាំងនេះ ជាចំណុចពិសេស ក្នុងការទាក់ទាញភ្ញៀវទេសចរផងដែរ៕
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២២ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore