ព័ត៌មានជាតិ

ជាងពីរឆ្នាំមកនេះ អ្នកបើកបរម៉ូតូនៅតែបើកបំពានផ្លូវរថយន្តលើស្ពានជ្រោយចង្វារទី១

បានផុស

៤ years មុន

នៅ

ថ្ងៃពុធ ២៧ មេសា ២០២២

ដោយ

ក្រោយពេលមានការជួសជុលដាក់ឲ្យប្រើប្រាស់ស្ពានជ្រោយចង្វាទី ១ ឬស្ពានមិត្តភាពកម្ពុជាជប៉ុនឡើងវិញជិត ២ឆ្នាំមកនេះ អ្នកបើកបរម៉ូតូមួយចំនួននៅតែមិនគោរពទៅលើគំនូសបែងចែកផ្លូវរវាងម៉ូតូ និងរថយន្តដែលមួយចំនួននៅតែបើកបរបំពានដែលអាចបង្កគ្រោះថ្នាក់ជាយថាហេតុ។

លោកស្រី ផល្លា អាយុ ៤០ឆ្នាំ ជាបុគ្គលិកថែសួននៅចំណុចរង្វង់មូលតាមព្រហ្ម និងរស់នៅជិតស្ពានជ្រោយចង្វាផ្ទាល់ បានសង្កេតឃើញថាម៉ូតូនៅតែបើកលើផ្លូវឡាន ដែលមើលទៅខ្វះសណ្ដាប់ធ្លាប់ទាំងដែលអាជ្ញាធរបានរៀបចំអោយមានការបែងចែកគំនូសផ្លូវរវាងម៉ូតូនិងរថយន្ត។ ពេលដែល ជិះភាគច្រើននៅពេលព្រឹកនឹងល្ងាច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រីបានបន្ថែមថា ជាការពិតទៅផ្លូវឡានមានការកកស្ទះជាងផ្លូវម៉ូតូ ប៉ុន្តែម៉ូតូនៅតែមកជិះនៅលើគំនូសផ្លូវរថយន្ត ។

លោក ភក្ដី មានអាយុ ៣៣ឆ្នាំ មានមុខរបរជាអ្នកបើកកង់បី (តុកៗ) បានលើកឡើងថា ម៉ូតូ១០ មាន ៩ទៅហើយដែលបើកលើគំនូសគន្លងផ្លូវឡាន។ បើតាមការយល់ឃើញរបស់លោក អាចអ្នកបើកបរទាំងនោះប្រញាប់ ឬដឹងហើយនៅតែបើកបរទាំងបំពាន។

តាមប្រភពពីប៉ូលិសចរាចរណ៍សុំមិនបញ្ចេញអត្តសញ្ញាណ ដែលកំពុងឈរជើងនៅទីនោះផ្ទាល់បានលើកឡើងថា ចាប់តាំងពីចាប់ដំណើរការអោយប្រើប្រាស់ស្ពានជ្រោយចង្វារទី ១ ឬស្ពានមិត្តភាពជប៉ុនឡើងវិញជិត២ឆ្នាំក្រោយពីជួសជុលមកនេះ អាជ្ញាធរក៏ដូចជាប្រពន្ធផ្សព្វផ្សាយជាច្រើន បានណែនាំអំពីការធ្វើដំណើរលើស្ពានអោយបានត្រឹមត្រូវតាមគំនូសបែងចែកផ្លូវ រួមមានទាំងការដាក់ជាបង្គោលបែងចែកផ្លូវស្រាប់ទៀត ប៉ុន្តែហាក់ដូចជាគ្មានប្រសិទ្ធភាពទាល់តែសោះ។

មានពេលខ្លះក៏មានអ្នកគ្រោះថ្នាក់ ដោយសារមិនគោរពទៅលើបែងចែកផ្លូវដោយសារការរអិលដោយសារការឆ្លងគន្លង។ បើទោះបីជាគ្មានការផាកពិន័យទៅលើការបើកបរខុសគន្លងផ្លូវលើស្ពានក៏ដោយ លោកបានសំណូមពរឲ្យប្រជាពលរដ្ឋត្រូវតែចេះបើកបរអោយបានត្រឹមត្រូវតាមការរៀបចំរបស់អាជ្ញាធរ ដើម្បីចៀសវាងគ្រោះថ្នាក់ដែលអាចកើតមាន និងកុំឱ្យមានការកកស្ទះចរាចរណ៍ផងដែរ។

ស្ពានជ្រោយចង្វារទី១ ឬស្ពានមិត្តភាពកម្ពុជា-ជប៉ុន បានបើកឲ្យដំណើរការឡើងវិញកាលពីឆ្នាំ២០១៩ បន្ទាប់ពីបានផ្អាកដើម្បីធ្វើការជួសជុលដោយបានចំណាយថវិកាជួសជុលអស់ប្រមាណ ៣០ លានដុល្លារ។

នៅលើស្ពានដែលមានប្រវែងជាង ៩០០ ម៉ែត្រដែលកំណត់ជាផ្លូវឯកទិសនេះ ក៏មានគូសគំនូររូបភាពម៉ូតូសម្រាប់ផ្លូវម៉ូតូ និងគំនូររូបភាពមនុស្សដើរលើគន្លងផ្លូវថ្មើរជើងជាសញ្ញាផងដែរ។ ទោះជាបែបណាក្ដី គេសង្កេតឃើញអ្នកបើកបរម៉ូតូមួយចំនួន មិនបានគោរពទៅតាមគំនូសស្លាកសញ្ញាចរាចរណ៍ឲ្យបានត្រឹមត្រូវនោះទេ ដោយនៅតែបើកបំពានដែលនាំឲ្យកើតមានគ្រោះថ្នាក់ជាហូហែរ៕

អត្ថបទ៖ វាសនា

Related Topics:ទស្សនៈ

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា