ព័ត៌មានជាតិ
ផ្ទះតម្លៃក្រោម ៧ម៉ឺនដុល្លារ កំពុងមានទីផ្សារនៅកម្ពុជា
វិស័យអចលនទ្រព្យបន្តមានស្ថិរភាពទីផ្សារល្អប្រសើរ ជាពិសេសផ្នែកដី និងផ្ទះ។ សម្រាប់ផ្ទះដែលមានតម្លៃក្រោម ៧ម៉ឺនដុល្លារ ក៏មានកំណើននៃការលក់ចេញបានច្រើនផងដែរ។ បើតាមការលើកឡើងរបស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា ថ្លែងដូច្នេះថា« ជាមួយទីផ្សារអចលនទ្រព្យដែលមានតម្លៃខ្ពស់ ដូចជាផ្ទះមួយតម្លៃ ២០ម៉ឺនដុល្លារ ៣០ម៉ឺន ៤០ម៉ឺន ៥០ម៉ឺន ១លានដុល្លារ លក់មិនជាដាច់ប៉ុន្មានទេ… ខ្ញុំបានសួរអ្នកជំនាញអចលនទ្រព្យ ផ្ទះដែលលក់ដាច់ គឺផ្ទះដែលមានតម្លៃក្រោម ៧ម៉ឺនដុល្លារ មូលហេតុ អ្នកដែលទិញផ្ទះក្រោម ៧ម៉ឺនដុល្លារ គឺរដ្ឋាភិបាលអត់យកពន្ធ»។
សម្តេចតេជោ បានបន្តថា រាជរដ្ឋាភិបាលលើកទឹកចិត្តឱ្យមានការសាងសង់ផ្ទះដែលមានតម្លៃថោក ដើម្បីវណ្ណៈកណ្តាល ឬអ្នកមានប្រាក់តិចតួច អាចទិញផ្ទះនៅបាន។
ការលើកឡើងរបស់សម្តេចនេះ នៅក្នុងកិច្ចសំណេះសំណាលជាមួយសហគមន៍ខ្មែរនៅអាមេរិក និងខ្មែរនៅកាណាដា ក្នុងឱកាសដែលសម្តេចអញ្ជើញចូលរួមសម្រាប់កិច្ចប្រជុំកំពូលពិសេសអាស៊ាន-អាមេរិក នៅថ្ងៃទី១២ ខែឧសភា ឆ្នាំ២០២២។
រាជរដ្ឋាភិបាល បានសម្រេចលើកលែងពន្ធប្រថាប់ត្រា ចំពោះអ្នកទិញផ្ទះក្រោមតម្លៃ ៧ម៉ឺនដុល្លារ រហូតដល់ដំណាច់ឆ្នាំ២០២២ ខណៈដែលអ្នកជំនាញអចលនទ្រព្យមើលឃើញថា ការប្រកាសលើកលែងពន្ធប្រថាប់ត្រានេះនឹងជួយជំរុញឱ្យមានចរន្តទិញលក់អចលនទ្រព្យប្រភេទនេះ កាន់តែកើនឡើងបន្ថែមទៀត ។
យោងតាមរបាយការណ៍របស់ក្រុមហ៊ុនអចលនទ្រព្យអន្តរជាតិ CBRE Cambodia បានឱ្យដឹងថា ក្នុងរយៈពេល៦ខែចុងក្រោយ ទោះបីជាកម្ពុជា ប្រឈមមុខនឹងវិបត្តិកូវីដ១៩ក្តី តែគម្រោងលំនៅឋានដែលបានអនុវត្តន៍មានចំនួនរហូតដល់ជិត ៤០គម្រោង ដែលនេះបានបង្ហាញថា តម្រូវការលំនៅឋាន នៅតែបន្តមានទោះក្នុងវិបត្តិបែបនេះក្ដី ។
លោក ច្រឹក សុខនីម ប្រធានសមាគមអ្នកវាយតម្លៃ និងភ្នាក់ងារអចលនវត្ថុកម្ពុជា បានឱ្យដឹងដែរថា វិស័យអចលនទ្រព្យនៅកម្ពុជា កំពុងមានកំណើនឡើងវិញជាបណ្តើរៗហើយ ជាពិសេសទៅលើផ្នែកដីធ្លី និងលំនៅឋាន។ លោកមើលឃើញថា គិតត្រឹម ៤ខែ ឆ្នាំ ២០២២នេះ ចរន្តពលរដ្ឋស្វែងរកអចលនទ្រព្យកម្រើកឡើងវិញ ក្រោយកូវីដបានធូរស្បើយ ហើយអ្នកវិនិយោគក្នុងស្រុកក៏កើនឡើង ខណៈអ្នកវិនិយោគបរទេស ក៏ចាប់ផ្តើចូលមកផងដែរ។
អ្នកជំនាញអចលនទ្រព្យរូបនេះ ព្យាករណ៍ថា រយៈពេល ៥ទៅ ១០ឆ្នាំខាងមុខ នៅផ្នែកក្រវ៉ាត់ក្រុងទី៣ និងទី៤ នៃរាជធានីភ្នំពេញ នឹងមានភាពរីកចម្រើនទៅលើការអភិវឌ្ឍជាផ្ទះបុរី ឬលំនៅឋានផ្សេងៗកាន់តែច្រើន៕
-
ព័ត៌មានជាតិ៦ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៤ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល