Connect with us

ព័ត៌មានជាតិ

សម្តេចតេជោ ហ៊ុន សែន៖ រឿងពិតរបស់កម្ពុជា “កាលពីសម័យមុន ប្រជាជនតិច ទឹកជ្រៅ ត្រីច្រើន”  

បានផុស

នៅ

មានប្រសាសន៍នៅពេលអញ្ជើញជាអធិបតីក្នុងពិធីអបអរសាទរទិវាមច្ឆជាតិ (០១ កក្កដា) ឆ្នាំ២០២២ ដែលប្រារព្ធឡើងនៅទីតាំងអាងទឹកត្រពាំងថ្ម ភូមិត្រពាំងថ្ម ឃុំប៉ោយចារ ស្រុក ភ្នំស្រុក ខេត្តបន្ទាយមានជ័យ នាព្រឹកថ្ងៃទី០១ ខែកក្កដា ឆ្នាំ២០២២ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍ថា រឿងពិតរបស់កម្ពុជាកាលពីសម័យមុន គឺប្រជាជនតិច ទឹកជ្រៅ ត្រីច្រើន តែស្ថានភាពបច្ចុប្បន្ន មិនដូចជាគ្នាទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចតេជោ ហ៊ុន សែន បានលើកឡើងថា ប្រទេសយើងបន្ទាប់ពីមានសន្តិភាពយើងមានលទ្ធភាព ដើម្បីធ្វើការងារជាច្រើន ហើយក៏ត្រូវយល់ដែរថា ប្រទេសរបស់យើងស្ថានភាពវាមិនដូចពេលមុនទេ ហើយប្រសិនបើយើងមិនមែនជាមនុស្សតិរច្ឆានទេ ជាមនុស្សពិតប្រាកដ ដែលមិនរស់ដោយអំពើឈ្នានីសនោះទេ នឹងទទួលស្គាល់ការពិត។ សម្តេចថា “យើងត្រូវគិតថា កាលពីសម័យមុន ប្រជាជនតិច ទឹកជ្រៅ ត្រីច្រើន  ដែលនេះ គឺជារឿងពិតនៅក្នុងប្រទេសរបស់យើង ដែលពេលនោះ ប្រជាពលរដ្ឋខ្មែរយើងមានប្រមាណ១លាននាក់ប៉ុណ្ណោះ” ។

បើតាមសម្ដេចតេជោ ហ៊ុន សែន ក្រោយថ្ងៃរំដោះកម្ពុជាមានប្រជាជនប្រមាណ៥លាននាក់   ហើយសព្វថ្ងៃនេះ បានកើនឡើងរហូត១៧លាននាក់។ សម្ដេចតេជោថា ក្នុងមួយឆ្នាំៗ នៅពេលទឹកឡើង ដីល្បាប់បានហូរចាក់ទៅកាន់តំបន់ទាប ឬតំបន់ដែលមានទឹក ក្នុងនោះមាន ស្ទឹង បឹងបួរ និងទន្លេ ជាដើម បន្ថែមទៅដោយស្លឹកឈើជ្រុះផងនោះ ធ្វើឲ្យស្ទឹង បឹងបួរ របស់យើង រាប់ទាំងបឹងទន្លេសាបផង បន្តគោករាក់បន្តិចម្ដងៗ ដូច្នេះទឹករបស់យើងកាន់តែរាក់ ហើយចំនួនត្រី ក៏កាន់តែតិច ខណៈពេលដែលប្រជាពលរដ្ឋកាន់តែកើនឡើង ហើយការកើនឡើងនៃចំនួនប្រជាពលរដ្ឋនេះ មិនអាចទៅបន្ទោសអ្នកណាទេ គឺជាកត្តាធម្មជាតិ៕

ដោយ៖ កោះកែវ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម