ព័ត៌មានជាតិ
រដ្ឋាភិបាលបានចំណាយទឹកប្រាក់ជាង ៣០ លានដុល្លារ ជូនកម្មករជាស្ត្រីសម្រាលកូនជាង ៣០ ម៉ឺននាក់
គិតត្រឹមខែមិថុនា ឆ្នាំ ២០២២ នេះ រដ្ឋាភិបាលបានចំណាយទឹកប្រាក់ប្រមាណជាង ៣០ លានដុល្លារអាមេរិក ជូនកម្មករនិយោជិតជាស្ត្រីសម្រាលកូនទាំងក្នុង និងក្រៅប្រព័ន្ធជាង ៣០ ម៉ឺននាក់។
លោក ម៉េង ហុង អគ្គនាយករងបេឡាជាតិសន្តិសុខសង្គម បានឱ្យដឹងនៅក្នុងពិធីផ្សព្វផ្សាយរបបសន្តិសុខសង្គមផ្នែកសោធនកាលពីរសៀលថ្ងៃទី ១៣ កក្កដាថា ចាប់ពីខែមករា ឆ្នាំ ២០១៨ ដល់ ខែមិថុនា ឆ្នាំ ២០២២ រាជរដ្ឋាភិបាលបានផ្តល់ទឹកប្រាក់ឧបត្ថម្ភដល់កម្មករនិយោជិតជាស្ត្រីទាំងក្នុង និងក្រៅប្រព័ន្ធ ដែលសម្រាលកូនចំនួន ៣០៧ ៨៩២ នាក់ ដែលមានកូនចំនួន ៣១ ម៉ឺននាក់ គិតជាទឹកប្រាក់ប្រមាណជាង ៣០ លានដុល្លារអាមរិក។
លោកបានបន្តថា ការផ្តល់សាច់ប្រាក់នេះ គឺជាការអនុវត្តកម្មវិធីពិសេសមួយរបស់រាជរដ្ឋាភិបាលកម្ពុជាមួយបន្ថែមទៀត ដែលមានឈ្មោះថា “កម្មវិធីផ្តល់សាច់ប្រាក់ឧបត្ថម្ភបន្ថែមសម្រាប់កម្មករនិយោជិតជាស្ត្រីនៅពេលសម្រាលកូន ”ដែលក្នុងនោះសម្រាលបានកូន ១ នាក់ ទទួលបាន ៤០ ម៉ឺនរៀល ២ សម្រាលបានកូនភ្លោះពីរទទួលបាន ៨០ ម៉ឺនរៀល និងសម្រាលបានកូនភ្លោះបី ទទួលបាន ១ លាន ២ សែនរៀល។
លោកបានបន្តទៀតថា សម្រាប់កម្មការិនីទាំងអស់ ដែលបម្រើការនៅតាមរោងចក្រសហគ្រាស គ្រឹះស្ថាន ដែលបានប្រកាសបង់ភាគទានមកកាន់ បេឡាជាតិសន្តិសុខសង្គម(ប.ស.ស.) នឹងទទួលបានការឈប់សម្រាកពីការងាររយៈពេល ៩០ ថ្ងៃ រួមជាមួយប្រាក់បំណាច់ប្រចាំថ្ងៃ ៧០% បន្ថែមទៀត ពីប.ស.ស.ព្រមទាំងអត្ថប្រយោជន៍ផ្សេងៗជាច្រើនទៀត។
លោកអគ្គនាយករងបានបន្ថែមទៀតថា ក្រៅពីនេះបសសបានចុះបញ្ជិកាផ្នែកហានិភ័យការងារ សម្រាប់វិស័យឯកជនដល់រោងចក្រសហគ្រាសចំនួន ១២ ៧៥៧ ដោយមានសមាជិកសរុបចំនួន ១ ៤២២ ៧៦៤ នាក់ និងបានផ្តល់តាវលិកចំនួន ១ ៣៥៨ ២៤៩ ឯកសារគិតចាប់ពីឆ្នាំ ២០០៨រហូតមកដល់ខែមិថុនា ឆ្នាំ ២០២២ ។ ចំណែកវិស័យសាធារណៈវិញ ដែលបានអនុវត្តនៅខែមករាឆ្នាំ ២០២១ រហូតមកដល់ខែមិថុនា ឆ្នាំ ២០២២ នេះ បានចុះបញ្ជិកាបានចំនួន ៣៨ ស្ថាប័នមានសមាជិកចំនួន ២៥២ ៣២៩ នាក់ បានផ្តល់តាវលិកចំនួន ៣៣ ឯកសារ។
លោកបានបញ្ជាក់ទៀតថា ចំពោះការអនុវត្តរបបសន្តិសុខសង្គមថែទាំសុខភាពសម្រាប់វិស័យឯកជនបានអនុវត្តតាំងពីឆ្នាំ ២០១៦ រហូតមកដល់ខែមិថុនា ឆ្នាំ ២០២២ នេះ បានចុះបញ្ជិកាក្រុមហ៊ុនចំនួន ១២ ៧៥០ មានសមាជិកចំនួន ១៤២ ០៧១ នាក់ ហើយគិតត្រឹមខែមិថុនា ឆ្នាំ ២០២២មានសមាជិកបានប្រើប្រាស់សេវាចំនួន ៩ ៣៩៩ ១៣៧ ដងនាក់។ រីឯវិស័យសាធារណៈវិញ បានអនុវត្តនៅឆ្នាំ ២០១៨ បាន ចុះបញ្ជិការចំនួន ៣៩ ស្ថាប័នមានសមាជិក៤ ២៧ ០១៣ នាក់ ហើយគិតត្រឹមខែមិថុនាឆ្នាំ ២០២២ នេះមានសមាជិកប្រើប្រាស់សេវាចំនួន ៨២៦ ៨៥៤ ដងនាក់។ លោកអគ្គនាយករងបសស បានបញ្ជាក់ដោយឡែកបសស ក៏បានដាក់អនុវត្តការថែទាំសុខភាព ចំពោះកម្មករនិយោជិតក្រៅប្រព័ន្ធដោយបានចុះបញ្ជិកាចំនួន ៩៣១ សហគ្រាសមានសមាជិកចំនួន ៨៧ ៥០២ នាក់។
លើសពីនេះទៀតលោកបានបញ្ជាក់ទៀតថារាជរដ្ឋាភិបាលបានដាក់ឱ្យអនុវត្តរបបសន្តិសុខសង្គមផ្នែកសោធនក្រោមច្បាប់ការងារនៅថ្ងៃទី ១ ខែកក្កដា ឆ្នាំ ២០២២ នេះ។ ប៉ុន្តែទុកពេល ៣ ខែ ដើម្បីធ្វើការផ្សព្វផ្សាយរបបនេះ ដល់គ្រប់ភាគីពាក់ព័ន្ធបានយល់ដឹងជាមុនសិន មុននឹងអនុវត្តផ្លូវការនៅខែតុលាឆ្នាំ ២០២២ ខាងមុខ៕
អត្ថបទ៖ សំអឿន
សែលកាត មានវត្តមានក្នុងការបង្ហាញពីសមត្ថភាពលើផ្នែកឌីជីថលរបស់ខ្លួន ក្នុងទិវាជាតិ វិទ្យាសាស្រ្ត បចេ្ចកវិទ្យា និងនវានុវត្តន៍ (STI) លើកទី២
សម្តេច ម៉ែន សំអន៖ កត្តាសន្តិភាពបាននាំមកនូវការរីកចម្រើនទាំងវិស័យពុទ្ធចក្រ និងអាណាចក្រ
ព្រឹកស្អែក សម្ដេចធិបតី ហ៊ុន ម៉ាណែត នឹងដឹកនាំគណៈប្រតិភូទៅបំពេញទស្សនកិច្ចផ្លូវការ នៅប្រទេសឡាវ
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
ឯកឧត្តម ហ៊ុន ម៉ានី អញ្ជើញប្រគល់ផ្ទះជាអំណោយរបស់សម្ដេចតេជោ និងសម្តេចកិត្តិព្រឹទ្ធបណ្ឌិត ជូនក្រុមគ្រួសារយុវជន អន ផានិត
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ព័ត៌មានជាតិ១ ថ្ងៃ agoអ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ agoBreaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
កីឡា៥ ថ្ងៃ agoជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ agoខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ agoសម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ agoបឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ agoរូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ
-
សន្តិសុខសង្គម៩ ម៉ោង agoសមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ