ព័ត៌មានជាតិ
ក្រុមស្រ្តីក្នុងវិស័យសារព័ត៌មាន ជួបជជែកគ្នាអំពីបញ្ហាប្រឈមក្នុងអំឡុងពេលបំពេញការងារ
ក្រុមស្ត្រីធ្វើការងារក្នុងវិស័យសារព័ត៌មានកម្ពុជាប្រមាណ ៤០នាក់ បានជួបជុំគ្នាក្នុងវេទិកាអ្នកសារព័ត៌មានជាស្ត្រី ដើម្បីសំឡេងយើង ដែលរៀបចំឡើងដោយអង្គការមណ្ឌលព័ត៌មានស្ត្រីកម្ពុជា (WMC) នៅថ្ងៃទី ១៥ ខែកក្កដា ឆ្នាំ ២០២២។
ការៀបចំវេទិកានេះ គឺមានបំណងផ្ដល់ឱកាសដល់អ្នកសារព័ត៌មានជាស្ត្រី ក្នុងការចែករំលែកបទពិសោធន៍ បញ្ចេញមតិយោបល់ ការប្រឈមនៅក្នុងអាជីពជាអ្នកសារព័ត៌មាន ដើម្បីចូលរួមរកដំណោះស្រាយនានា ហើយបង្កើតវិធីសាស្ត្រឆ្លើយតបទៅ នឹងបញ្ហាទាំងនេះ។ មួយវិញទៀតនេះ គឺសម្រាប់ចងក្រងរបាយការណ៍ ខ្លី ដោយកំណត់នូវយុទ្ធសាស្ត្រដែលមានសក្តា នុពល ដើម្បីដោះស្រាយបញ្ហាប្រឈមរបស់អ្នកសារព័ត៌ មានស្រ្តី និងលើកទឹកចិត្តនិស្សិតសារព័ត៌មានជាស្ត្រីចូលរួមកាន់តែច្រើនថែមទៀត ក្នុងវិជ្ជាជីវៈសារព័ត៌មាន។
លោកស្រី អ៊ុង ចាន់ថុល នាយិកាអង្គការមណ្ឌលព័ត៌មានស្ត្រីកម្ពុជា ថ្លែងថា រយៈពេល ១០ឆ្នាំចុងក្រោយនេះ វត្តមានស្រ្តីក្នុងវិស័យសារព័ត៌មាន មានការកើនឡើងគួរឲ្យកត់សម្គាល់។ លោកស្រី បន្តថា តាមរបាយការណ៍របស់ក្រសួងព័ត៌មាន ក្នុងឆ្នាំ២០២១ ឲ្យដឹងថា ក្នុងចំណោមអ្នកសារព័ត៌មានកម្ពុជាសរុបប្រមាណជាង ៥ពាន់នាក់ មានស្រ្តីជាអ្នកសារព័ត៌មានចំនួនជាង ៤៧០នាក់ ស្មើនឹង ៩.៤%។
លោកស្រី គួសបញ្ជាក់ថា ការកើនឡើងនៃចំនួនស្ត្រីជាអ្នកសារព័ត៌មាននេះ ស្របពេលដែលស្ត្រីមួយចំនួនមានសមត្ថភាពពេញលេញក្នុងការកាន់មុខតំណែងធំៗនៅតាមស្ថាប័ននានា។ ប៉ុន្តែទោះជាដូច្នេះក្ដី បញ្ហាប្រឈមផ្សេងៗដូចជា ការគំរាមកំហែង ការបៀតបៀន ការរំលោភបំពាន ការកេងប្រវ័ញ្ច ក៏តែងមានលើអ្នកសារព័ត៌មានស្ត្រី ក្នុងអំឡុងពេលបំពេញការងារផងដែរ។
ដោយឡែកលោកស្រី ឆន សុគន្ធា នាយិកា នៃនាយកដ្ឋានអភិវឌ្ឍប្រព័ន្ធផ្សព្វផ្សាយរបស់មជ្ឈណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ (CCIM) លើកឡើងថា ក្រោយវេទិកាពិភាក្សានេះ គួរតែមានការស្នើជួបដោយផ្ទាល់ជាមួយរដ្ឋមន្ត្រីក្រសួងព័ត៌មាន លោក ខៀវ កាញារីទ្ធ ដើម្បីជម្រាប និងពិភាក្សាអំពីបញ្ហាប្រឈមរបស់អ្នកសារព័ត៌មានជាស្ត្រី នៅក្នុងពេលបំពេញការងារ ជាពិសេសស្នើពិនិត្យកែប្រែលើច្បាប់ស្ដីពី របបសារព័ត៌មាន ដើម្បីធានាការពារ និងលើកកម្ពស់ដល់អ្នកសារព័ត៌មានជាស្ត្រី ឲ្យកាន់តែមានភាពប្រសើរឡើង៕
អត្ថបទ៖ ធឿន វ៉ាន់សុង
-
ព័ត៌មានជាតិ២ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៥ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៨ ម៉ោង ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
កីឡា៦ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៥ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សន្តិសុខសង្គម២ ថ្ងៃ ago
សមត្ថកិច្ចស្រុកស្វាយលើ ឃាត់ខ្លួនប្តីប្រពន្ធ ១គូសង្ស័យរួមគំនិតសម្លាប់កូនខ្លួនឯង អាយុទើបតែ ២២ខែ
-
សន្តិសុខសង្គម១៦ ម៉ោង ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល
-
សន្តិសុខសង្គម១ សប្តាហ៍ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)