ព័ត៌មានជាតិ
ប្រជាពលរដ្ឋរស់នៅស្រុកចុងកាល់ ជីកដីធ្វើបន្ទប់ទឹកជម្រៅពីរម៉ែត្រប្រទះឃើញរូបបដិមាករចំនួន៥ព្រះអង្គ
ឧត្តរមានជ័យ ៖ រូបបដិមាករចំនួន៥ព្រះអង្គត្រូវបានប្រជាពលរដ្ឋរស់នៅក្នុងភូមិគោកវត្ត ឃុំចុងកាល់ ស្រុកចុងកាល់ ខេត្តឧត្តរមានជ័យ ខណៈពេលដែលម្ចាស់ផ្ទះកំពុងតែជីកដីបម្រុងធ្វើបន្ទប់ទឹកក៏ប្រទះឃើញរូបព្រះអង្គចំនួន៥ព្រះអង្គ ដែលកប់នៅក្នុងដីជម្រៅ២ម៉ែត្រក្បែរទៅនឹងចំហៀងផ្ទះតែម្តង។
ប្រភពពីលោក សា ប្បឿន រ៉ាន់ ភេទប្រុសអាយុ៤២ឆ្នាំរស់នៅភូមិគោកវត្ត ឃុំចុងកាល់ ស្រុកចុងកាល់ ខេត្តឧត្តរមានជ័យបានបញ្ជាក់ប្រាប់ឲ្យដឹងនៅថ្ងៃទី០៩ ខែសីហា ឆ្នាំ២០២២ថា កាលពីល្ងាចថ្ងៃទី០៧ ខែសីហា ឆ្នាំ២០២២វេលាម៉ោងប្រមាណជា៥ល្ងាចរូបលោកនិងកូនម្នាក់ទៀតកំពុងយកចបជីករួមនឹងប៉ែល ជីកដីនៅចំហៀងផ្ទះដើម្បីធ្វើជាបន្ទប់ទឹកប្រើប្រាស់ ក្រោយមកក៏ជីកជម្រៅទៅក្រោមបានប្រហែលជាជំរៅ២ម៉ែត្រក៏ប្រទះឃើញដុំថ្មមួយដុំជាប់គ្នាពណ៌រាងខៀវដូចព្រះអង្គធំប្រក់នាគ បន្ទាប់មកលោកក៏បានយកដុំថ្មនោះឡើងមកខាងលើលាងទឹកសម្អាតចេញចេញក៏ឃើញរូបរាងជាព្រះអង្គ ហើយក្រោយមកទៀតលោកក៏បានជីករាវរកបន្ថែមទៀតក៏ឃើញព្រះនៅជាប់គ្នារហូតដល់៥ព្រះអង្គក្រោយមកទៀតលោកក៏បានយកព្រះអង្គទាំងអស់ឡើងលើផ្ទះអ៊ុចធូបបន់ស្រន់សុំសេចក្តីសុខដល់ព្រឹកឡើងនៅថ្ងៃទី០៨ ខែសីហា ឆ្នាំ២០២២លោកក៏បានរាយការណ៍ជូនសមត្ថកិច្ចតែម្តង។
លោកសា ប្បឿន រ៉ាន់ បានបន្តទៀតថា ក្រោយពីលោកបានថែរក្សាព្រះអង្គទាំង៥ព្រះអង្គនោះបានតែមួយយប់នៅព្រឹកថ្ងៃទី០៩ ខែសីហា ឆ្នាំ២០២២ មាននគរបាលស្រុកចុងកាល់ជាច្រើននាក់មកដល់ផ្ទះរបស់លោកហើយបានថតរូបលោកជាមួយព្រះអង្គហើយក៏ត្រឡប់ទៅវិញ។
លោកបន្តថា នៅថ្ងៃដដែលនគរបាលស្រុកចុងកាលបានមកផ្ទះរបស់លោកម្តងទៀតហើយក៏បាននាំលោកនិងព្រះអង្គដែលលោករកឃើញនៅក្នុងដីនោះរួមទាំងលោកនាំយកទៅកាន់អធិការស្រុក ក្រោយមកទៀតខាងនគរបាលស្រុកក៏បានឲ្យលោកវិលត្រឡប់មកផ្ទះវិញ។
លោក ហុង យឿន ប្រធានមន្ទីរវប្បធម៌និងវិចិត្រសិល្បៈខេត្តឧត្តរមានជ័យបានបញ្ជាក់ប្រាប់ឲ្យដឹងនៅថ្ងៃទី១០ ខែសីហាឆ្នាំ២០២២ថា លោកបានទទួលបានព័ត៌មានហើយករណីដែលប្រជាពលរដ្ឋនៅស្រុកចុងកាល់ជីកដីធ្វើបន្ទប់ទឹកប្រទះឃើញរូបព្រះចំនួន៥ព្រះអង្គនោះ តែបច្ចុប្បន្នវត្ថុតាំងដែលដកហូតបាននៅខាងប៉ូលីសជាអ្នកគ្រប់គ្រងនៅឡើយ ហើយខាងមន្ទីរក៏ពុំទាន់បានទទួលយកមករក្សាទុកនោះដែរ។
សូមបញ្ជាក់ថា ពាក់ព័ន្ធទៅនឹងប្រជាពលរដ្ឋជីកដីឃើញរូបព្រះចំនួន៥ព្រះអង្គនៅត្រង់ចំណុចខាងលើនេះដែរ ខាងក្រុមការងារព័ត៌មានយើងពុំអាចសុំការបកស្រាយពីសមត្ថកិច្ចនគរបាលជំនាញខាងផ្នែកការពារបេតិកភណ្ឌនៃស្នងការខេត្តឧត្តរមានជ័យបានទេ ព្រោះទូរសព្ទខលចូលហើយពុំមានអ្នកទទួល៕
ដោយ ៖ ចាន់ ធី
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ