ជីវិតកម្សាន្ដ

ផ្ទុះរឿងស្នេហាត្រីកោណក្ដៅគគុក ប៉ុន្តែនាង Nychaa បែរសង្វាតធ្វើការមិនខ្វល់

បានផុស

៧ នាទីutes មុន

នៅ

ថ្ងៃសុក្រ ១៨ មេសា ២០២៥

ដោយ

បន្ទាប់ពីអ្នកចាត់ការស្រី Mind Patcharabut បានចូលរួមកម្មវិធី Hone Krasae របស់ពិធីករ Noom Kanchai កាលពីថ្ងៃ១៧មេសា ដើម្បីស្រាយបំភ្លឺជាលើកដំបូងអំពីបញ្ហាទំនាក់ទំនងរបស់នាងជាមួយតារាចម្រៀងប្រុស លោក Tono Phakin ងាកមកកាន់តារាស្រី Nychaa Nuttanicha ដែលជាសង្សាវិញ បែរជាសង្វាតធ្វើការ ដោយមិនខ្វល់អំពីស្នេហាត្រីកោណកំពុងផ្ទុះល្បីលើបណ្ដាញសង្គមឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កំឡុងពេលកម្មវិធី Hon Krasae កំពុងតែចាក់ផ្សាយ អ្នកលេងបណ្តាញសង្គមបានតាមដានការវិវត្តន៍នៅលើ Instagram ផ្ទាល់ខ្លួនរបស់តារាសម្ដែងថៃអ្នកនាង Nychaa ប៉ុន្តែបែរជាមិនឃើញថា រូបនាងបង្ហោះ ឬក៏បញ្ចេញយោបល់លើរឿងដែលបានកើតឡើងនោះទេ។ ប៉ុន្តែនាងបែរជាធ្វើការផ្លាស់ប្តូរបែបវិជ្ជមាន ដោយចែករំលែកការផ្សព្វផ្សាយសម្រាប់ការងារចុងក្រោយផ្ទាល់់ខ្លួននៅលើ Instagram របស់នាងជំនួសវិញ។

តួឯកស្រីក្នុងរឿង «Game Prattana» អ្នកនាង Nychaa បានបង្ហោះម៉ាកយីហោម៉ូដដ៏ល្បីល្បាញ LYN ដែលជាការសម្ពោធកាបូបថ្មីក្រោមឈ្មោះថា FLORA សម្រាប់រដូវកាលរដូវក្តៅឆ្នាំ២០២៥ អមដោយសារយ៉ាងវែងអន្លាយថា៖

«NYCHAA NUTTANICHA FOR LYN សម្ពោធកាបូប FLORA ដែលត្រូវតែមានសម្រាប់រដូវកាល SUMMER 2025 ដោយកញ្ញា Nicha Nutthanicha ជាតារាសម្តែង និងជាតារាបង្ហាញម៉ូដទាន់សម័យក្នុងសម័យនេះ សូមមកចែករំលែកខ្លឹមសាររបស់ LYN តាមរយៈចរិតនារីដែលពូកែស្លៀកពាក់ ថែមទាំងបង្ហាញភាពទាក់ទាញផងដែរ»។

ភ្លាមៗបន្ទាប់ពី Nicha បានចែករំលែកការបង្ហោះនេះ អ្នកគាំទ្រ និងអ្នកលេងអ៊ីនធឺណិតជាច្រើនបានសម្រុកចូលទៅបញ្ចេញមតិគាំទ្រនិងជាការលើកទឹកចិត្តមួយដល់តារាស្រីវ័យ២៩ឆ្នាំយ៉ាងច្រើន។ អ្នកខ្លះថែមទាំងពោលសរសើរពីសម្រស់និងភាពរឹងមាំរបស់នាងដែលអាចដោះស្រាយស្ថានការណ៍បានល្អ ហើយមិនបោះបង់តួនាទីចោលទោះជាមានបញ្ហាធំចូលមកជ្រៀតជ្រែកក្នុងដំណើរជីវិតក៏ដោយ។

ទោះជាយ៉ាងណាក៏ដោយ ទស្សនិកជនដែលនិយមតាមដានរឿងភាគថៃប្រាកដជាដឹងយ៉ាងច្បាស់ អំពីភាពស្អិតរមួតរវាងតារាសម្ដែង-ចម្រៀង លោក Tono និងតារាសម្ដែងស្រី Nychaa។ ថ្វីដ្បិត តែថាអ្នកទាំងពីរពុំដែលប្រកាសអំពីទំនាក់ទំនងក្នុងនាមជាគូស្នេហ៍ដូចតារាដទទៃទៀតមែនពិត ប៉ុន្តែរាល់សកម្មភាពក្នុងសង្គម គូស្នេហ៍នេះតែងតែដឹកដៃគ្នាបង្អួតភាពផ្អែមល្ហែមដូចគូស្នេហ៍ថ្មីថ្មោងជាច្រើនទៀត។ កន្លងមក ទាំងលោក Tono ក្ដី ឬអ្នកនាង Nychaa ក្តី អ្នកទាំងពីរតែងតែបង្ហោះនូវរូបភាពដំណើរកម្សាន្តរួមគ្នាបែបឯកជន និងនៅក្បែរគ្នាពេលជួបលំបាក ឬបង្ហោះសារជូនពរគ្នាទៅវិញទៅមកថែមទៀតផង៕