ជីវិតកម្សាន្ដ
នាមជាតារាល្បីលេចធ្លោ តែតារាថៃ Lisa មិនតម្កើងតម្លៃខ្លួនឱ្យហួសពីមិត្តរួមក្រុមឡើយ
នៅក្នុងរឿងភាគទូរទស្សន៍បែបកំប្លែងរបស់អាមេរិកក្រោមចំណងជើងថា «The White Lotus Season 3» ដែលចូលរួមសម្ដែងដោយតារាចម្រៀងជនជាតិថៃ Lalisa Manobal ដែលគេហៅយ៉ាងខ្លីថា«Lisa» ហាក់ទទួលបានសន្ទុះនៃការគាំទ្រភ្លូកភ្លូកដី។ ប៉ុន្តែ បើក្រឡេកមកមើល តម្លៃខ្លួនរបស់សមាជិកក្រុម BLACKPINK ដែលចូលរួមសំដែងក្នុងរឿងដ៏មានប្រជាប្រិយនេះវិញ នាងទទួលបានស្មើៗគ្នាជាមួយមិត្តរួមសម្ដែងដែរ បើទោះជាមានឈ្មោះជាតារា K-popក្ដី។

ក្នុងពេលដែលបច្ចុប្បន្ននេះ រឿងភាគជាច្រើនបាននិងកំពុងតែប្រកួតប្រជែងជាមួយនឹងប្រាក់កម្រៃ ដែលក្នុងនោះមានតារាជួរមុខល្បីៗដើរតួបង្អួតសមត្ថភាពរៀងៗខ្លួន តែក្រុមការងារ The White Lotus វគ្គ៣ បានប្រើវិធីសាស្រ្តដ៏ប្លែក និងគួរឲ្យកោតសរសើរជាមួយនឹងគំនិតសមភាព ដែលឆ្លុះបញ្ចាំងនៅក្នុងការងារជាក្រុមនៅពីក្រោយឆាករបស់ក្រុម។
លោក David Bernad ដែលជាផលិតករសំខាន់នៃរឿងភាគនោះ បានផ្ដលបទសម្ភាសន៍តាមរយៈ The Hollywood Reporter ថា តួអង្គសំខាន់ទាំងអស់នៅក្នុងរឿង «The White Lotus Season 3» នឹងទទួលបានប្រាក់កម្រៃស្មើគ្នាទាំងអស់។ បើគ្មានចំណាត់ថ្នាក់កំពូលតារា ឬកិត្តិនាមទេ នោះពួកគេមានតម្លៃខ្លួន៤មុឺនដុល្លារក្នុងមួយភាគ។ ដូច្នេះហើយមិនថាតែ កញ្ញា Lisa ជាតារាល្បីទូទាំងពិភពលោកយ៉ាងណាក្ដី ពួកគេម្នាក់ៗនឹងទទួលបានប្រាក់ថ្លៃឈ្នួលប្រហែល ៣៣៥ ៨៦២ ដុល្លារ ដែលក្នុងភាពយន្តទាំងអស់សរុបមាន៨ភាគប៉ុណ្ណោះ។

ផលិតកររូបនេះថែមទាំងបញ្ចាក់យ៉ាងច្បាស់ទៀតថា វិធីសាស្រ្តនេះមានតាំងពីរដូវកាលទី១មកម៉្លេះ គោលបំណងគឺដើម្បីកាត់បន្ថយបញ្ហានៃការចរចាប្រាក់កម្រៃពលកម្ម ដែលអាចបង្កឲ្យមានភាពមិនស្រួលនៅពេលកំណត់ និងស្វែងរកតារាដែលចង់ធ្វើការជាមួយដោយហេតុផលត្រឹមត្រូវ ដោយវាមិនមែនគ្រាន់តែជាតួលេខប្រាក់ឈ្នួលនៅលើមូលប្បទានប័ត្រនោះទេ។
ជម្លោះក្នុងរឿងប្រាក់កម្រៃឈ្នួលនេះធ្លាប់កើតមានរួចមកហើយ។ ករណីមួយក្នុងចំណោមករណីដែលគេនិយាយច្រើនបំផុត ទាក់ទងនឹង លោក Woody Harrelson ដែលជាតារាសម្តែងដ៏ល្បីល្បាញ ដែលដើមឡើយ គាត់បានចុះកុងត្រាដើរជាតួអង្គ Rick Hatchett ប៉ុន្តែក្រោយមកបានព្យាយាមចរចាប្រាក់ខែខ្ពស់ជាមួយនាយកប្រតិបត្តិ លោក Warner Bros ដែលបដិសេធបំពេញចិត្តតួអង្គនេះ។ ភ្លាមៗ លោកស្រាប់តែប្រកាសដកខ្លួនចេញពីគម្រោងភាពយន្តដោយលើហេតុផលថា កាលវិភាគការងារច្រើនហួសប្រមាណ ហើយតួនាទីមួយនេះក៏ធ្លាក់ទៅ លើតារាប្រុស Walton Goggins វិញ។
យ៉ាងណាមិញ វិធីសាស្រ្តរបស់ The White Lotus គឺជាគំនិតមួយដែលមិនប្រឆាំងឧស្សាហកម្ម ប៉ុន្តែវាត្រូវបានគេសរសើរចំពោះការបង្កើតវប្បធម៌ការងារដែលផ្តោតលើការងារជាក្រុម ប្រកបដោយហើយភាព យុត្តិធម៌ និងពិតប្រាកដ។ វាមិនមែនជារឿងចម្លែកទេ ដែលរឿងភាគនេះបានឆក់យកបេះដូងអ្នកទស្សនាជុំវិញពិភពលោក ហើយបន្តផលិតរដូវកាលថ្មី ឲ្យបានខ្លាំងក្លាលើគ្រប់វិស័យ។

អត្ថបទ៖ សាង ស្រីល័ក្ខ

-
ព័ត៌មានជាតិ១ សប្តាហ៍ ago
កម្ពុជានឹងមិនដកថយឬឈរជើងដោយគ្មានអាវុធនៅចំណុចប៉ះទង្គិចគ្នាទេ
-
ព័ត៌មានជាតិ៦ ថ្ងៃ ago
នាយករដ្ឋមន្ត្រីថាអាវុធដែលដាក់ទៅត្រៀមមិនមែនមានតែប៉ុន្មានដែលឱ្យឃើញលើបណ្ដាញសង្គមទេ
-
នយោបាយ៦ ថ្ងៃ ago
ព្រឹត្តិការណ៍ថ្ងៃ២៨ ឧសភា សម្ដេចធិបតីបញ្ជារួចហើយបើថៃមិនថយ «វ៉ៃ»
-
សេចក្ដីជូនដំណឹង៦ ថ្ងៃ ago
ការបើកឱ្យទស្សនាលើកដំបូងបង្អស់នូវសាលារៀនអន្តរជាតិ អាយុកាល ៣៥០ឆ្នាំ មកពីចក្រភពអង់គ្លេស
-
ព័ត៌មានជាតិ១ សប្តាហ៍ ago
អាជ្ញាធរខេត្តព្រះវិហារជម្លៀសពលរដ្ឋពីតំបន់ជួរមុខទៅកាន់ទីកន្លែងសុវត្ថិភាព
-
សន្តិសុខសង្គម១ សប្តាហ៍ ago
សមត្ថកិច្ចចុះបង្ក្រាបសង្វៀនជល់មាន់មួយកន្លែង ឃាត់ខ្លួនមនុស្សបាន១១នាក់
-
នយោបាយ២១ ម៉ោង ago
កម្ពុជានឹងមិនចរចាជាមួយថៃរឿងព្រំដែន៤កន្លែងដែលប្ដឹងទៅ ICJ ទេ
-
ព័ត៌មានជាតិ៧ ថ្ងៃ ago
វិទ្យាល័យព្រះសីហនុ ក្នុងខេត្តកំពង់ចាម ត្រូវបានទទួលស្គាល់គុណភាពអប់រំកម្រិតអន្តរជាតិ