Connect with us

ព័ត៌មានជាតិ

ក្រសួង​ការងារ​បើក​កិច្ច​ប្រជុំ​ជ្រើសរើស​បេក្ខភាពសហគ្រាស​ ​ប្រគល់​ពានរង្វាន់ “សហគ្រាស​មួយ​ជា​សហគមន៍​សុខសាន្ត​មួយ”

បានផុស

នៅ

ភ្នំពេញ ៖ នាព្រឹកថ្ងៃសុក្រ ទី១៨ ខែមេសា ឆ្នាំ២០២៥ នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ គណៈកម្មការ​វាយតម្លៃ និង​ជ្រើសរើស​សហគ្រាស​មួយ​ជា​សហគមន៍​សុខសាន្តមួយសម្រាប់ឆ្នាំ ២០២៥ ដែលជាយន្តការត្រីភាគី បានបើកកិច្ចប្រជុំដើម្បីពិនិត្យ វាយតម្លៃ និង​ជ្រើសរើស​បញ្ជី​បេក្ខភាពសហគ្រាស ដែល​នឹង​ត្រូវទទួលពានរង្វាន់សហគ្រាសមួយជាសហគមន៍សុខសាន្តមួយ ប្រចាំឆ្នាំ២០២៥ ក្រោមអធិបតីភាព លោកជំទាវ សុវណ្ណ វណ្ណារតន៍ រដ្ឋលេខាធិការប្រចាំការ​ក្រសួងការងារ និងបណ្តុះបណ្តាលវិជ្ជាជីវៈ និងជាប្រធានគណៈកម្មការ វាយតម្លៃ និងជ្រើសរើសសហគ្រាសមួយជាសហគមន៍សុខសាន្តមួយ ប្រចាំឆ្នាំ២០២៥ និង​មាន​ការចូលរួមពីសមាជិក សមាជិកាគណៈកម្មការស្របតាមកូរ៉ុមដែលបានកំណត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាម​រយៈ​កិច្ចប្រជុំជាបន្តបន្ទាប់របស់គណៈកម្មការវាយតម្លៃ ការជ្រើសរើសសហគ្រាសមួយ​ជាសហគមន៍សុខសាន្តមួយត្រូវអនុវត្តស្របតាមលិខិតបទដ្ឋានគតិយុត្តជាធរមាននៃព្រះរាជាណាចក្រកម្ពុជា។ ដើម្បី​ទទួល​បាន​ពានរង្វាន់ “សហគ្រាសមួយជាសហគមន៍សុខសាន្តមួយ” សហគ្រាសត្រូវបំពេញគ្រប់លក្ខខណ្ឌវិនិច្ឆ័យនៃអនុលោមភាពចំនួន ៨ ដូចខាងក្រោម៖

១- អនុលោមភាពនៃលក្ខខណ្ឌការងារ

២- អនុលោមភាពនៃការប្រើប្រាស់កម្មករនិយោជិតវ័យក្មេង

៣- អនុលោមភាពនៃទំនាក់ទំនងវិជ្ជាជីវៈ

៤- អនុលោមភាពនៃលក្ខខណ្ឌស្តីពីសុវត្ថិភាព និងសុខភាពការងារ

៥- អនុលោមភាពនៃរបបសន្តិសុខសង្គម

៦- អនុលោមភាពនៃការប្រើប្រាស់កម្មករនិយោជិតជាជនពិការ

៧- អនុលោមភាពនៃការអនុវត្តកម្មវិធីលើកកម្ពស់ផលិតភាពការងារ

៨- អនុលោមភាពនៃការអនុវត្តកម្មវិធីទទួលខុសត្រូវសង្គម។

ពានរង្វាន់ “សហគ្រាសមួយជាសហគមន៍សុខសាន្តមួយ” ជាពានរង្វាន់ថ្នាក់ជាតិ ដែលត្រូវបានបែងចែកជា ៣កម្រិត៖ ផ្កាយ១ ផ្កាយ២ និងផ្កាយ៣ ទៅតាមចំនួនកម្មករនិយោជិតនៃសហគ្រាសតាមវិស័យនីមួយៗ។ ផ្អែកលើលក្ខខណ្ឌវិនិច្ឆ័យ និងនីតិវិធី ដែលបានកំណត់ គណៈកម្មការវាយតម្លៃ​បាន​ធ្វើការ​ពិនិត្យ​និង​វាយតម្លៃ​យ៉ាង​ល្អិតល្អន់​លើគ្រប់ទិដ្ឋភាព ដើម្បីធានាថា ពាន​រង្វាន់​ដែលផ្តល់ជូនអាចបញ្ជាក់យ៉ាងច្បាស់​អំពីអនុលោមភាពរបស់សហគ្រាសជ័យលាភីនីមួយៗ និង​សុខដុមនីយកម្មក្នុងទំនាក់ទំនងវិជ្ជាជីវៈ​នៅតាមសហគ្រាសទាំងនោះ។ តាម​រយៈ​ការ​ពិនិត្យ និងផ្ទៀងផ្ទាត់លើលទ្ធផល នៃរបាយការណ៍ស្វ័យប្រកាសអធិការកិច្ច​ការងារ​របស់​សហគ្រាស គណៈកម្មការ​វាយ​តម្លៃ​បាន​បោះឆ្នោត​ផ្តល់​ការ​ឯកភាព​លើ​បញ្ជី​បេក្ខភាព​សហគ្រាសដែលនឹងត្រូវ​ទទួល​បាន​ពានរង្វាន់​សហគ្រាស​មួយ​ជាសហគមន៍សុខសាន្តមួយ ប្រចាំឆ្នាំ២០២៥។

សហគ្រាសជ័យលាភីនឹងត្រូវប្រកាសជាផ្លូវការនៅក្នុងពិធីអបអរសាទរខួបអនុស្សាវរីយ៍លើកទី១៣៩ នៃទិវាពលកម្មអន្តរជាតិ ១ ឧសភា នាសប្តាហ៍ក្រោយនេះ៕

Helistar Cambodia - Helicopter Charter Services
Sokimex Investment Group
ព័ត៌មានអន្ដរជាតិ១៤ ម៉ោង មុន

ថាក់ស៊ីន ត្រូវពលរដ្ធថៃប្រមាថ ដល់ថ្នាក់បិទបញ្ចេញមតិ ក្រោយថា កម្ពុជាបាញ់មុន

ព័ត៌មានអន្ដរជាតិ១៩ ម៉ោង មុន

អត់ខ្មាស់ពិភពលោក បាញ់មកកម្ពុជាមុន តែ ផែថងតាន ថា ខាងខ្លួន​ខំអត់ធ្មត់​ និងចាស់ទុំជាងគេទៅវិញ

ព័ត៌មានអន្ដរជាតិ១៦ ម៉ោង មុន

សារព័ត៌មានថៃសម្រុកផ្សាយពីភាពរងគ្រោះរបស់ខ្លួន ខណៈកងទ័ពថៃ​ជាអ្នកបង្កហេតុ​

ព័ត៌មានអន្ដរជាតិ១៥ ម៉ោង មុន

​​សារ​ព័ត៌មានល្បីៗ​ផ្សាយ​ថា ថៃ​​​បើក​ការ​បាញ់​ប្រហារ​កម្ពុជា និង​ឆ្លងចូលទឹកដីកម្ពុជា​​

ព័ត៌មានអន្ដរជាតិ១៤ ម៉ោង មុន

​​​​តើ​ស្តេច​ថៃ វ៉ាជីរ៉ាឡុងកន រាមាទី​១០ ​​ប្រមូលផ្តុំអំណាច​យោធា​ដោយ​របៀបណា?​

Sokha Hotels

ព័ត៌មានពេញនិយម